Yohana 14:10 - I CILAGANE CIPYA 1991

¹⁰ Alo si wihuwiye vyono ane nili muli Baba, nayo Baba yali muli nene? Zinghani zono nimulonjelenyi, nha singhulonga no mweneco du, langa Baba mono yekaye muli nene, yo ketumaga imetumo gakwe.

Luganuzi Luswanu Kuli Wanhu Wose 2002

¹⁰ Alo si wihuwiye vyono ane nili muli Baba, nayo Baba yali muli nene? Zinghani zono nimulonjelenyi, nha singhulonga no mweneco du, langa Baba mono yekaye muli nene, yo ketumaga imetumo gakwe.

Yohana 14:10 ပူးပေါင်းရင်းမြစ်များ

Yohana 10:30

Ane na Baba yo yumonga.”

Yohana 10:38

ninga hono niwe nghwituma na hono si munyihuwiye nene, ale mwali muyihuwile i milimo, ho mumanye no kwizuka vyono Baba yali muli nene, nane nili muli Baba.”

Yohana 11:26

nayo mono yakali mumi, hono yawe kwikala yanyihuwiye nene, si kolofwila lukulu. Wule, wihuwiye muli zizi?”

Yohana 12:49

Ku soko ane si nonjile ko wulajilize wangu no mweneco, langa Baba mono yanhuma, yo yandajilize zono nolonga na zono notya.

Yohana 14:11

Yinojeye anye, munyihuwile vyono nghutya ane nili muli Baba, nayo Baba yali muli nene, hamba lunji, munyihuwile so metumo geneco gono nghugetuma.

Yohana 14:20

Mwizuwa lilyo, anye ho molomanya vyono ane nili muli Baba, nanye muli muli nene, nane nili muli nyenye.

Yohana 14:24

Nayo mono siyanyendile, si yakwibata zinghani zangu. Ne nghani yono mwayihulika si yangu langa ya Baba mono yanhuma.

Yohana 17:8

Ane nakondya kuwapela inghani yako yono wamhela, nawo wayibocela, nawo wamanya vyono mbeka nalawa kwako, nawo wehuwiye vyono gwegwe wanhuma.

Yohana 3:2

Yuyo yamubitila Yesu mwizuwa linji ne cilo, yakamutya, “Labi, cimanyile vyono wuli mwijizi mono watumwa no Mulungu. Hambi nha hasina munhu, mono kosuma kunoza vitanjilo vinha vivi vyono wukunoza agwe, hono Mulungu yalece kuwa hamonga nayo.”

Yohana 5:17

Ninga Yesu yakawalonjela, “Baba yakwituma milimo cibitilila, holeka nane nghwituma milimo nha vivilya.”

Yohana 5:19

Yesu yakawalonjela, “Mbeka nghumutyenyi, u Mwana si kosuma kwituma cinji yali wene, yadahile kwituma cicilya du cono yakuwona u Sogwe yakwituma, kusoko cicilya cono sogwe ketumaga, no mwana nayo vyo ketumaga nha vivyo.

Yohana 7:16

Nayo Yesu yakawapitula, yakawatya, “Imejizo gono nghwijiza, si gangu yaye, langa ga yuyo mono yanhuma.

Yohana 8:28

Holeka Yesu yakawalonjela “Kolo mwakondya kumutumbika Mwana wo Munhu, baho ho molomanyila vyono ‘Ane yo Nene.’ Na kanyhi vyono si nghwitumila cinji co cose mu wulajilize wangu, langa nghulonga zizilya du zono nejizwa na Baba.

Yohana 8:38

Ane nghulonga zono nawona kwa Baba, nanye mukwituma zono mwahulika ko sogo yenyu.”

Yohana 8:40

Ane nghumulonjelenyi imbeka yono nayihulika kuli Mulungu, hamba nhavivyo anye mukusaka kumbulaga. Abulahamu siyetuma nhavivyo.

Metumo ge Watumwa 10:38

Yo Yesu wa Nazaleti, mono mumumanyile vyono u Mulungu yamwitila Muhe Mono Yelile ne vilungo. U Mulungu yali yali hamonga nayo, umwene yakola ako na ako yakwituma viswanu, no kuwaponya wose wono wagazagwa na Setani.

2 Wakolinto 5:19

Wo wutya, u Mulungu yakuyilamula yinze no mwene mu nzila ya Kilisito, no kuleka kuwawalila wanhu u wubi wawo. Umwene yacipela nghani yo kuwalamula i wanhu no Mwene.

Wakolosayi 1:19

Hambi u Mulungu nha yawona vyono u Mwana nayo yena u wukwilanicile wose wo wulungu muli mwene.

Wakolosayi 2:9

Ku soko muli mwene Kilisito mu hwani yo munhu, mo mowuli wukwilanicile wose wo Mulungu.

1 Yohana 5:7

Holeka wali baho wahomelezi wadatu.