Yohana 13:34 - I CILAGANE CIPYA 1991

³⁴ Nghumupelenyi ilajilizo yipya, mwiyendaje, nha vyono nimwendilenyi anye, nanye vyo mwiyendaje.

Luganuzi Luswanu Kuli Wanhu Wose 2002

³⁴ Nghumupelenyi lilajilizo yipya, mwiyendaje, nha vyono nimwendilenyi anye, nanye vyo mwiyendaje.

Yohana 13:34 ပူးပေါင်းရင်းမြစ်များ

Matayo 5:44

Ninga ane nghumutyenyi, ‘Muwendaje iwalugu wenyu, kanyhi mweze kuwalombela wono wakumugazenyi nyenye,

Yohana 15:17

Ne lilajilizo lyangu, lyoli, mwiyendaje.

Yohana 17:21

Nghuwalombela wose ho wawe cinhu cimonga. Baba, nghulomba wawe muli sese, nha vyono cinha nagwe, Baba, agwe wuli muli nene, nane nili muli gwegwe. Nghulomba wawe cinhu cimonga, we yinze ho wehuwile vyono yo gwegwe mono wanhuma.

Walumi 12:10

Mweze mwiyendile nha Wakilisito, wana wa munhu yumonga, namo mu lukumyo, mweze kwamula kuwehweseza iwayenyu.

Walumi 13:10

Mono yamwendile u muyagwe, si kosuma kumunozeza vibi. Holeka mu wendo, mo wukufisilizizwa u wulajilize wose.

Walumi 13:8

Mulece kuzijliwa na yunji wo wose cinhu co cose, langa mweze kuzijilwa u mugawa wo kwiyenda nyenye wose. Hambi mono yamwendile u muyagwe, nha kafisiliza u wulajilize.

Wagalatiya 5:22

Ninga zono zikwijela so wutongwa no Muhe, wo wendo, nyemo, mulamu, wukangalizi, wuswanu, wucemezi, wihuwilwa,

Wagalatiya 5:6

Hambi hono ciwe cakondya kuwa muli Kilisito Yesu, kwalama hamba wula kwalama mose musina cambuzi, i nghani yono yina cambuzi, wo wihuwilo wono wukwitumila u mulimo mu wendo.

Wagalatiya 6:10

Holeka lono cikali cina cilejeho, yicinojeye ciwatendele wanhu wose i ziswanu, na ko muno i wandugu zetu wa mu wihuwilo wetu.

Wagalatiya 6:2

Mwidinghuzaje zono zikumuvunenyi mu mikalile yenyu, na nha vivyo, ho mowufisiliza u Wulajilize wa Kilisito.

Waefeso 5:2

Imikalile yenyu yeze kulongozwa no wendo, nha vyono Kilisito yacenda, yakelavya ku soko yetu cilavywa ce mhunjile swanu ne likumbiko lyono limwendezaga u Mulungu.

Wakolosayi 1:4

Hambi nha cahulika zo wihuwilo wenyu muli Kilisito Yesu na muli zo wendo wenyu kuli wanhu wose wo Mulungu.

1 Watesalonike 3:12

U Muwaha yamupelenyi wiyendi nyenye wose, no kucila muno kuwenda i wanhu wose, nha vyono ase cimwendilenyi nyenye.

2 Watesalonike 1:3

Nye wandugu zangu, yicinojeye ceze kumulumbo Mulungu nhondo zose ku soko yenyu. Kanyhi yicinojeye cinoze nha vivyo, vyono u wihuwilo wenyu wukucila muno muno, sunga no wiyendi wenyu wukucila konjelezeka muno muno.

Wahebelaniya 13:1

Mujendelele mu wendo we cindugu.

Yakobo 2:8

Na hono muwe mukuwufisiliza u wulajilize wulya wo Wutemi nha vyono yandicigwe mu Mandiko Gono Gelile: “Umwendaje munhu muyago nha vyono wiyendile gwegwe go mweneco,” ale mowa mukunoza viswanu muno muno.

1 Petelo 1:22

Alu vyono mu wuhulika mbeka, anye mwakondya kweza i zinhumbula zenyu, no kuwenda iwayenyu musina wukoci, ale, mwiyendaje yendi yendi kwe nhumbula yose.

2 Petelo 1:7

Mu wogopo Mulungu namo, monjeleze wenda ndugu, na mu wenda ndugu namo monjeleze wendo.

1 Yohana 3:11

Ne nghani yono mwayihulika kuwulawa mwamulizo nha yoyi. Yicinojeye ciyendaje!

1 Yohana 3:23

Ne lilajilizo lyakwe nha lyoli, Cimwihuwile u Mwanagwe Kilisito, no kwiyenda sese wose, nha vyono yacilajiliza.

1 Yohana 4:21

Holeka ali lye lajilizo lyono Kilisito yacipela; Mono yamwendile Mulungu, yimunojeye yamwende no nduguye.

2 Yohana 1:5

Nalu go mugolece, nghulomba nghani monga du kwako, “Ciyendaje.” Si nha vyono nghukwandicila ilajilizo ipya, langa lye lajilizo lililya du lyono cawezaga nalyo na katali.