Yohana 12:48 - I CILAGANE CIPYA 1991

⁴⁸ Nayo mono si yakwibata zinghani zangu, yali baho mono yakumulingʼaniza, Inghani yiyilya yono nalonga, yo yolomulingʼaniza Mwizuwa lya ku Ndumo.

Luganuzi Luswanu Kuli Wanhu Wose 2002

⁴⁸ Nayo mono si yakwibata zinghani zangu, yali baho mono yakumuling'aniza, Inghani yiyilya yono nalonga, yo yolomuling'aniza Mwizuwa lya ku Ndumo.

Yohana 12:48 ပူးပေါင်းရင်းမြစ်များ

Matayo 10:15

Mbeka nghumutyenyi, Mwizuwa lye ningʼaniza, ilikaya lilyo lyolotuga wulipicizwe wuwaha muno kuciza, si nho wulipicizwe wulya wono galipicizwa i makaya ga Sodoma na Gomola.

Matayo 21:42

Baho nayo Yesu yakawatya, “Alo mukali si nayisoma inghani yiyi mu Mandiko Gono Gelile? yono yikutya, ‘Ilibwe lyono walilema i wazenji alu lyo lyaweza lyo libwe liwaha lyo musinji. No Muwaha yo yayinozize inghani yiyi. Nayo yo nghani yo wizine muno muno kuliʼse!’

Matayo 25:31

“Mu cipango cono kolokuziza u Mwana wo Munhu mu lukumyo lwakwe yena hamonga ne wamalayika wakwe, ale baho ho yalekala mwigoda lyakwe lye nhojo, lyo lukumyo.

Maluko 12:10

Wulenyi, si munasoma i Mandiko gaga gono gakutya, ‘Ilibwe lyono walilema iwazenji alu lyanozwa liwe lyo libwe liwaha lyo musinji,

Maluko 16:16

Na yuyo mono kokwihuwila no kubaputizwa yo koponywa. Na yuyo mono si kokwihuwila yo kololingʼanizwa.

Maluko 8:31

Yesu yakanza kuwejiza iwejizwa wakwe, yakutya, “Yimunojeye u Mwana wo Munhu yatuje magazo menji no kulemwa ne wanyamhala, ne wakohani wawaha ne wejizi wo Wulajilize. Kowulagwa na hanyuma ye vilo vidatu, kozuka.”

Luka 10:16

Hanyuma yakatya, “Mono yakumuhulicizenyi nyenye, yakuhulika na nene. Na mono yakulema kumubocelenyi nyenye, yakulema kumbocela nene. Munhu wowose mono yakulema kumbocela nene, yakulema kumubocela mono yanhuma.”

Luka 17:25

Ninga lono zikali si nawa zizo, sikoleka kwamula kutamiswa vibi, no kulemwa no lulelo alu.

Luka 20:17

Ninga Yesu yakawalanga, yakawatya, “Mandiko gaga gono Gelile alu gena nhunizo ci? ‘Ilibwe lyono walilema Wazenji, Alu lyonozwa kuwa iwaha lyo musinji!’

Luka 7:30

Ninga Wafalisayo ne wejizi wo Wulajilize wakalema wuhile wo Mulungu wono wali wuwanojeye, wakalema sunga no kubaputizwa na Yohana.

Luka 9:22

“U Mwana wo Munhu, si koleka kugazwa muno no kulemwa ne wanyamhala ne wakohani wawaha, ne wejizi wo Wulajilize, no kuwulagwa, ne lizuwa lye kadatu kozukulwa.”

Luka 9:26

Hambi muli wose mono kombonela soni nene ne zinghani zangu, nayo u Mwana wo Munhu kolomuwonela soni, yalaza kuziza mu nhojo yakwe, na yo Sogwe, na ye Wamalayika wono welile.

Yohana 11:24

Malita yakamutya, “Manyile vyono kolozuka ku wuzuce we lizuwa lya ku ndumo.”

Yohana 5:45

Mulece kwihwesa vyono ane nomusonjezenyi kuli Baba. Yuyo Musa mono mumwitumbiye, yo komusonjezenyi kuli Baba.

Yohana 6:39

No wuhile wa mono yanhuma nha wowu, “Ndece kumwajiliza hamba yumonga muli wose wono napegwa nayo, langa niwazukule wose mwizuwa lya ku ndumo.”

Yohana 8:47

Wo Mulungu nha kahulikaga zinghani zo Mulungu. Ninga anye si mukuhulika, vyono anye, si muli wanhu wo Mulungu.”

Metumo ge Watumwa 17:31

Hambi nha yakondya kuwika lizuwa lyono koloyilingʼaniza yinze mu lingʼani, mu nzila ya muli munhu yumonga mono yamuhagula. No Mulungu yawapela wanhu wose wuhomelezi we nghani yiyi, ko kumuzukula munhu yuyo mu wafu!”

Metumo ge Watumwa 3:23

“Na yowa muli wose mono si komuhulika muwizi yuyo, kotengwa no kutagwa kutali ne wanhu wo Mulungu.

Walumi 2:16

Holeka nha vyono lwinha u Luganuzi lulu Luswanu lono nghumuganulilenyi, nha vivyo vyo lyolowa ilizuwa lyono u Mulungu kolozilingʼaniza zose ze cinyele ze wanhu, muli Yesu Kilisito.

2 Wakolinto 4:3

Hambi u Luganuzi Luswanu lono cikuluganula, hono luhundikwe, lowa luhundikwe kuli wono wakwajilila du.

2 Watesalonike 1:8

hamonga ne malambi go moto, ho yawalipicize wawalya wose wono wakumulema u Mulungu, na wawalya wono si wakuluhulika u Luganuzi Luswanu lo Muwaha wetu Yesu.

Wahebelaniya 10:25

Cilece kuwuleka u wityatye wuwulya wo witangʼanila hamonga, nha vyono wanozaga wanji. Kanyhi yicinojeye kwiyitaza sese wose, nha vyono mukuwona, i lizuwa lilya lyo Muwaha lyeza lili behi.

Wahebelaniya 12:25

Holeka mulanjilile, mulece kulema kumuhuliciza mono yakulongana nanye. Nha vyono awalya wono walema kumuhuliciza ayulya mono yawasugula hono yinze si wapona yaye. Alu ase cosuma kupona wule hono cileme kumuhuliciza ayulya mono yakucisugula mono yalawa ku wulanga?

Wahebelaniya 2:3

Alu ase ma! ho coponela hayi hono ciyileceleze mhonelo mbaha nha yiyi? Yono yamula kutongwa no Muwaha mweneco, na wono wahulika, wakacihomelela vyono yili mbeka.

Wahebelaniya 4:12

Hambi nghani yo Mulungu nha nyumi kanyhi nyitumi, kanyhi nghali yicizize u mumaje mukali kose kose, kanyhi yicinyaga sunga ku wutemanula i nhumbula no Muhe, sunga hono vihanjiye i vilunzwa vyo muwili no musopo. Ne nghani yiyo yisalangulaga u wuhile ne mahweso ga mu zinhumbula ze wanhu.

1 Petelo 1:5

Zizo zolowa zenyu nyenye mono ko wihuwilo, mukudimwa viswanu telele, kwe vilungo vyo Mulungu so mhonelo yono yikondizye kugubulwa ku ndumo ye vilo.

2 Petelo 3:3

Mukwamula kumanya vyono mu vilo vya ku ndumo wolokuza wanhu wono mikalile yawo yitemigwe ne masulumizi gawo mabi. Wolowazwajizenyi nyenye,

2 Petelo 3:7

Ninga wulanga ne yinze za lulu mbikwe ne nghani yo Mulungu, ziwiciywe moto. Ziwicigwe ku soko ye lizuwa lililya lono wanhu wono siwamogopile Mulungu wololingʼanizwa no kongomezwa.