Yohana 12:25 - I CILAGANE CIPYA 1991

²⁵ Mono yawendile wumi wakwe yo yakuwajiliza, nayo mono yawusulile wumi wakwe mono yinze yiyi, yo kolowukamisa sunga ku wumi we cibitilila.

Luganuzi Luswanu Kuli Wanhu Wose 2002

²⁵ Mono yawendile wumi wakwe yo yakuwajiliza, nayo mono yawusulile wumi wakwe mono yinze yiyi, yo kolowukamisa sunga ku wumi we cibitilila.

Yohana 12:25 ပူးပေါင်းရင်းမြစ်များ

Matayo 10:39

Nayo mono yakuwibatiliza u wumi wakwe, yo kowajiliza, langa mono yakuwajiliza u wumi wakwe ku soko yangu, yuyo langa kowutuga.

Matayo 16:25

Ku soko u munhu mono yakusaka kuwuponya u wumi wakwe mweneco, alu yuyo yo kowajiliza,

Matayo 19:29

Na muli wose mono yalecile nyumba yakwe, hamba wawahaze, hamba walumbuze, hamba u sogwe, hamba u nyina, hamba wanagwe, hamba migunda ku soko yangu, nayo kobocela kali igana na kuciza, na hanyuma kowutuga u wumi we cibitilila.

Maluko 8:35

Hambi munhu mono yakuhila kuwuponya wumi wakwe mweneco, nha kowajiliza, langa munhu mono kowajiliza u wumi wakwe, ku soko yangu na ku soko yo Luganuzi Luswanu, yuyo, langa kowuponya u wumi wakwe.

Luka 14:26

Munhu wo wose mono yakuza kuli nene, si kowa mwijizwa wangu, langa sunga yawe yanyendile nene si nha vyono yawendile u sogwe, no nyina, ne walumbuze, heya, sunga no wumi wakwe mweneco.

Luka 17:33

Muli wose mono kolondola kuponya nhumbula yakwe, koyajiliza, ninga muli wose mono koyajiliza, yo koyiponya.

Metumo ge Watumwa 20:24

Ninga ane si nghuganiciza wumi wangu nha cinji cikamu kuliʼne, si nho wukondeleze wo muhinzo wangu, no witumami wono nabocela kuli Muwaha Yesu, kuluhomelela u Luganuzi Luswanu lwe lihewa lyo Mulungu.

Metumo ge Watumwa 21:13

Ninga mwene Pawulo yakapitula yakatya, “Alo mukusaka kunoza cici? Mukulila no kunyenyanga mutima wangu? Hambi ne nha nilumbiye si kuwopwa du, langa no kufwila kuko ku Yelusalemi, kusoko ye litagwa lyo Muwaha Yesu.”

Wahebelaniya 11:35

Ne wacekulu wono wali wehuwiye, wakagomolelwa wakondya kuzukulwa i wafu wawo. Wanji muli wene wakalema kuwopolelwa, wakatamiswa vibi sunga wakafwa, ho watuje u wuzuce no kwinjila mu mikalile imiswanu yono yicizize muno.

Wugubule 12:11

Nawo iwandugu zetu wakamusuma ku so sakami yo Mwana we ngholo, na kwe vilungo vye imbeka yono wayiganula, kanyhi wawuwona u wumi wawo si cinji, hamba wafwe.