Yohana 12:13 - I CILAGANE CIPYA 1991

¹³ ale wakasola i manhambi ge mitende, wakalawila, wakabita kumuhinjliiza, wakazoza wakutya, “U Mulungu yalumbwe! Mumoti mono yakuziza mwitagwa lyo Muwaha. Mumoti mutemi wa Isilayeli.”

Luganuzi Luswanu Kuli Wanhu Wose 2002

¹³ ale, wakasola i manhambi ge mitende, wakalawila, wakabita kumuhinjiliza, wakazoza wakutya, “U Mulungu yalumbwe! Mumoti mono yakuziza mwitagwa lyo Muwaha. Mumoti mutemi wa Isilayeli.”

Yohana 12:13 ပူးပေါင်းရင်းမြစ်များ

Matayo 23:39

Heya, mbeka, nane nghumutyenyi vyono, si mosuma kumbona kanyhi, sunga mwidaha lyono molotela, ‘Yo mumoti mono yakuziza Mwitagwa lyo Muwaha.’ ”

Matayo 27:42

“He! yawaponyaga wanji ninga alu kuwiponya mweneco, hamba si yakusuma yaye! Ati u mwene yo mutemi we Wayahudi! heya, yatime le, mu musalaba, nase ho cimwihuwile.

Yohana 1:49

Hobaho Nataneli yakamutya, “Mwijizi, yo gwegwe Mwana wo Mulungu, yo gwegwe Mutemi wa Isilayeli.”

Yohana 12:14

Nayo Yesu yaza kuyiwona inyana ye ndogowe yakapanda mucanyha yayo, nha vyono gakutye Mandiko,

Yohana 12:15

“Wulece kogopa go likaya lya Sayuni. Langa ta, u Mutemi wako yakuza. Yapandile mu nyana ye ndogowe.”

Yohana 19:15

Ninga wene wakazoza wakutya, “Muwulagaje, Muwulagaje, wumutumbice mu Musalaba si.” Pilato yakawatya, “Alo nimutumbice Mutemi wenyu?” Nawo Wakohani wawaha wakapitula, “Ase cisina mutemi yunji, langa Kayisali du.”

Wugubule 15:3

Nawo wembaga u lwimbo lwa Musa u mwitumami wo Mulungu, no lwimbo lo Mwana we ngholo, wakutya, “Muwaha Mulungu, u Mudaha vyose i metumo gako ga wizine muno muno! Gwe go Mutemi we makungugo, zinzila zako zo ze wilingʼano kanyhi za mbeka!

Wugubule 19:16

Na mu vivwalo vyakwe hamonga na mu mugulu wakwe, yali mwandikwe litagwa lya, “U Mutemi we watemi, no Muwaha we wawaha.”

Wugubule 7:9

Hanyuma naza kulanga, nghawona ipuga yiwaha lye wanhu si wakuwala, wanhu we zimbeyu zose, ne milango yose, na we zinonga zose. Nawo wali wemile heʼgoda lyo wutemi, na hali Mwana we ngholo, akuno wavwalile vivwalo vizelu, kanyhi webate ne manhambi ge mitende mu mawoko gawo.