Yohana 11:47 - I CILAGANE CIPYA 1991

⁴⁷ Holeka i Wakohani wawaha, ne Wafalisayo wakekonghola hamonga, wakatya, “Alu conoza nhawule? Hambi munhu ayu nha yakunoza vitanjilo vinji muno.

Luganuzi Luswanu Kuli Wanhu Wose 2002

⁴⁷ Holeka i Wakohani wawaha, ne Wafalisayo wakekonghola hamonga, wakatya, “Alu conoza nhawule? Hambi munhu ayu nha yakunoza vitanjilo vinji muno.

Yohana 11:47 ပူးပေါင်းရင်းမြစ်များ

Matayo 26:3

Na mwipango lilyo i Wakohani wawaha hamonga ne wanyamhala we wanhu, waketangʼanila hamonga mwikumbo lya Kayafa, Mukohani Muwaha.

Matayo 5:22

Ninga ane nghumutyenyi, muli wose mono yakumuwonela likuwo u nduguye, yuyo yimunojeye yalingʼanizwe. Nayo mono yakumubedegala unduguye, ale yuyo kotegulwa ku wulingʼanizwe. Na mono yakumutya u nduguye ‘Go mulele gwe,’ yuyo yanojeye yenjile mu moto we Gehena.

Maluko 14:1

Na lono vyali vikali vilo vyejete du, ho yiwe sikukuu ya Pasaka na ye mikate yono siyisasize. Iwakohani wawaha ne wejizi wo Wulajilize, walondolaga nzila yo kumwibata Yesu ko wusugu ho wamuwulaje.

Luka 22:2

Ne Wakohani wawaha ne wejizi wo Wulajilize walondolaga nzila ho wamuwulaje Yesu: ninga wogopaga wanhu.

Yohana 11:57

Iwakohani wawaha hamonga ne Wafalisayo, wali walajilize vyono, hono munhu yawe yamanyile Yesu hono hoyuli, ale yawalonjelaje, ho wamwibate.

Yohana 12:19

Holeka Wafalisayo wakalongana weneco wose, wakutya, “Alu mwawona! Si cosuma kwituma nghani yo yose! Lanje, vyono we yinze wose wakamutyatya.”

Yohana 2:11

Aci co citanjilo cilongozi, Yesu yacinozeza ku Kana ya ku Galilaya, yakalulajila u lukumyo lwakwe, nawo wejizwa wakwe wakamwihuwila.

Yohana 6:2

Ne mhuga mbaha ye wanhu wakamutyatya kuko, hambi iwanhu wawo nha wali waziwona ivitanjilo vyono yanozaga vyo kuwaponya i watamwa.

Yohana 7:32

Iwafalisayo wakahulika iwanhu wakupwepwa zizo za Yesu. Holeka Wafalisayo, hamonga ne wakohani wawaha, wakatuma wasilikale wamwibate Yesu.

Yohana 7:45

Baho iwasilikale, wakawuya kuli wakohani wawaha ne Wafalisayo, nawo wakawawuza wakutya, “Alu nhawule si mumuletile?”

Metumo ge Watumwa 5:21

Nawo watumwa wakahulika, wakenjila mu Nyumba yo Mulungu hakali mitondo muno, wakawa kwanza kwijiza. Ninga u Mukohani Muwaha, hamonga na wono wali nayo, wali weza kuza, wakacema mukungʼano we libalaza lyose, hamonga ne wanyamhala wose we wana wa Isilayeli, hanyuma wakawatuma wanhu ku jela wakawalete watumwa.

Metumo ge Watumwa 5:24

U Muwaha we walindilizi we Nyumba yo Mulungu ne wakohani wawaha, waza hulika zizi, wakawa na mahwele, hamba kumanya zono ziwatujile.