Yohana 10:4 - I CILAGANE CIPYA 1991

⁴ Nayo kolo yazilavya kunze, kazilongolelaga kumwande, nazo zingholo zimutyatyaga, hambi nha zimumanyile lizi lyakwe.

Luganuzi Luswanu Kuli Wanhu Wose 2002

⁴ Nayo kolo yazilavya kunze, kazilongolelaga ku mwande, nazo zingholo zimutyatyaga, hambi nha zimumanyile lizi lyakwe.

Yohana 10:4 ပူးပေါင်းရင်းမြစ်များ

Matayo 16:24

Hanyuma Yesu yakawalonjela i wejizwa wakwe, yakawatya, “Hono munhu wo wose yasace kuwa mutyatyi wangu, yimunojeye yekapise mweneco, yawudinghule u musalaba wakwe, yanhyatye.

Yohana 10:16

Hozili zingholo zangu zinji zono si zili mwibululu lili, yinojeye zizo nazo nizilete; Nazo zolihulika ilizi lyangu. Nazo zowa itewa limonga no mudimi yumonga.

Yohana 10:27

Izingholo zangu zikuwa kulihulika ilizi lyangu, nane nizimanyile, nazo zinhyatyaga.

Yohana 10:3

U mulindilizo mulango we libululu, kamudigulilaga yuyo, ne zingholo zikuwa kumuhulika lizi lyakwe, nayo yakuwa kuzicema kwe matagwa zingholo zakwe, yimonga yimonga, kazitulusaga zilawile kunze.

Yohana 10:5

Ne zingholo zizo, si zidahile kumutyatya mujenzi, langa zomutiza, hambi nha si zimumanyile u mujenzi lizi lyakwe.”

Yohana 10:8

Na wose wono walongola kuza, lono ane nali nghali si naza, wawo wo wahizi, kanyhi waboci, nawo hamba ne zingholo si zawahulika.

Yohana 12:26

Munhu mono yakusaka kunyitumamila, yimunojeye yanhyatye, kanyhi ho hose hono nili honili ane, baho ho kowa no mwitumami wangu. Na munhu wo wose mono yakunyitumamila ane, nayo Baba komupela lilumbo.

Yohana 13:15

Hambi nha nimupelenyi luzu, nanye ho muwe kunoza nha vyono nimutendelenyi nyenye.

Yohana 18:37

Baho Pilato yakamutya, “Alu agwe wuli mutemi hongo?” Yesu yakapitula, “Kulonga heya, vyono ane nili mutemi. Ane nha nalelwa kusoko yiyo, na kanyhi ku soko yiyo nghaza kononze, ho niwalonjele wanhu muli ze mbeka. Na munhu wo wose mono yali mu mbeka, yuyo kahulikaga.”

Yohana 3:29

Bibi halusi yo wa bwana halusi, ninga mwendece wa bwana halusi, mono yemile yakuhuliciza, yakuwa na nyemo mbaha muno muno, lono yakumuhulika bwana halusi yakulonga. Ne nyemo yangu vyo yifisilizwe.

1 Wakolinto 11:1

Ale munyigaje nene nha vyono ane nane nghumwiga Kilisito.

Waefeso 5:1

Alu vyono muli wana wendece wo Mulungu, yimunojelenyi muwe nha vyono yenha Mwene.

Wahebelaniya 12:2

Akuno cikumulanga Yesu u mwamulizo u wihuwilo wetu, no kuwukwiza. Mono ku soko i nyemo yono yali yawiciywe u mwene yakangalila u wufwe wa mu musalaba, hamba kulanga ze cevu cakwe, alu yekaye ku lubavu lo kulume lwe ligoda lyo lukumyo lyo Mulungu.

Wahebelaniya 6:20

Nayo Yesu yo yalongola kwinjila mumo ku soko yetu, nayo yawa Mukohani Muwaha cibitilila, mu wutyatya u wityatye wo wukohani wa Melicizedeki.

1 Petelo 2:21

Na zizo zo mwacemelwa, hambi Kilisito mweneco nha yagazwa ku soko yenyu, yakamulecelenyi musambo, ho muyityatye i mikalile yakwe.

1 Petelo 4:1

Ku soko lu vyono Kilisito yagazicila mu muwili, holeka nanye yimunojelenyi mwisikamizizye mu wuhile wakwe wuwo, hambi mono yakugazicila mu muwili, nha vyakondya kwileka no wubi.

1 Petelo 5:3

Mulece kuwatema kwe vilungo wawo wono wawicigwe mu wulanjliizi wenyu, langa mweze nha musambo kuli mhuga yiyo.