Yohana 10:28 - I CILAGANE CIPYA 1991

²⁸ Nane nghuzipela wumi we cibitilila, nazo si zolokwajilila yaye, hamba hasina yunji mono kosuma kuziboka mu muwoko wangu.

Luganuzi Luswanu Kuli Wanhu Wose 2002

²⁸ Nane nghuzipela wumi we cibitilila, nazo si zolokwajilila yaye, hamba hasina yunji mono kosuma kuziboka mu muwoko wangu.

Yohana 10:28 ပူးပေါင်းရင်းမြစ်များ

Maluko 13:22

Hambi nha wolokwijela wanhu wo wulambi lambi wono wokwiyitya weneco yo Kilisito, ne wawizi wo wulambi lambi, nawo wolonoza vitanjilo ne mezino, ho wajilize i wahagulwa wo Mulungu, hono yisumice.

Luka 23:46

Yesu yakalila ne lizi yiwaha yakatya, “Baba, nghuwika muhe wangu mu Miwoko yako.” Yaza kukondya kulonga zizi, hodu yakawa kufwa.

Yohana 10:29

Baba mono yamhela, yo Muwaha yacizize wose, na hasina munhu mono kosuma kuziwusa mu miwoko ya Baba.

Yohana 11:25

Yesu yakamutya, “Ane nha yo nene wuzuce, no wumi. Nayo mono yanyihuwiye nene, hamba yafwe kowa mumi,

Yohana 14:19

Hakali hadodo we yinze, si wowa kumbona kanyhi, anye langa mombona, na vyono ane nili mumi, na nyenye nanye mowa womi.

Yohana 17:2

Hambi nha wamupela wulajilize muli wanhu wose, ho yawapele u wumi we cibitilila wawo wose wono wamupela.

Yohana 18:9

Yazilonga zinghani zizo, ho yifisilizwe inghani yono yayilonga, yono yatya, “Muli wawa wono wamhela, si najiliza hamba yumonga.”)

Yohana 3:36

Mono yamwihuwiye u Mwana wo Mulungu, yena wumi we cibitilila; ninga mono si yakumuhulika u Mwana wo Mulungu, si kowa no wumi, langa; wulipicizwe wo Mulungu wo kwikala muli mwene.

Yohana 4:14

Ninga muli wose mono kongʼwa malenga gono nomupela, si kokalucila lukulu, Malenga gono nomupela gowa muli mwene nha muvwilo wa malenga, gakuvwila sunga ku wumi we cibitilila.”

Yohana 5:24

“Mbeka nghumutyenyi, Mono yakuyihulika i nghani yangu, no kumwihuwila mono yanhuma, yena wumi we cibitilila. Hamba si kolingʼanizwa ngʼo langa yakondya kuwuka mwifwa, yenjila mu wumi.

Yohana 6:27

Mulece kuyipiligalila indigwa yono yihodanjikaga, langa muyipiligalilaje indigwa yono yikalaga sunga ku wumi we cibitilila. U Mwana wo Munhu mono u Sogwe yamuwicila i citanjilo, yo komupelenyi indigwa yiyo.”

Yohana 6:37

Wose wono yakumhela Baba wokuza kwangu, nane si nomutaga kunze wo wose mono yakuza kwangu.

Yohana 6:47

Mbeka nghumulonjelenyi, vyono mono yakwihuwila, yena u wumi we cibitilila.

Yohana 6:68

Simoni Petelo yakamupitula yakatya, “Muwaha cobita kuli nani? Nha yo gwegwe mono wina zinghani zo wumi we cibitilila.

Metumo ge Watumwa 7:59

Wakajendelela kumutowanga Sitefano ne mabwe, akuno u mwene yakulomba yakutya, “Go Muwaha Yesu, ubocele Muhe wangu!”

Walumi 5:17

Na mbeka, ku soko yo wubi wa munhu yumonga, ilifwa likawa kutema, ku soko ya yuyo umunhu yumonga, ninga yili calinze vyono yono yetuma yuyo munhu yumonga, Yesu Kilisito, co ciswanu cicizize. Na wose wono wakulibocela ilihewa lyo Mulungu ko winji, no kwilamula nayo, wolotema mu wumi mu nzila ya yuyo yumonga, Yesu Kilisito.

Walumi 5:2

So wihuwilo wetu, mwene yakacileta no kucinjiza mwihewa lyo Mulungu, mono alu mo cikuwumipila. Holeka cikwilumbila u witumbilo wono cina nawo, wo kuhanga mu lukumyo lo Mulungu.

Walumi 5:21

Nha vyono ivilungo vyo wubi, viletaga lifwa, navyo ivilungo vye lihewa viletaga wilingʼano, na kundumilizo, wumi we cibitilila mu nzila ya Yesu Kilisito u Mutwa wetu.

Walumi 5:9

Alu vyono cakondya kunozwa, ho civumilwe hali Mulungu mu nzila ye sakami ya Kilisito, alu yili calinze, nha vyono kociponya mwikuwo lyo Mulungu.

Walumi 6:23

Hambi u musahala wo wubi nha yifwa, langa icipegwa cono yakulavyo Mulungu, wo wumi we cibitilila mu wilunza na Yesu Kilisito u Mutwa wetu.

Walumi 8:1

Alu nhondo hasina wuhoswe kuli walya wono mu mikalile yawo, wakondya kwilunza na Kilisito Yesu.

Walumi 8:29

Hambi wawo wono yawahagula kuwulawa mwamulizo, wawa kanyhi yawasiwanula, ho wehwane no Mwanagwe, u mwana nayo, ho yawe mulongozi muli wanduguze wenji.

Wafilipi 1:6

Holeka nitumbiye vyono, u Mulungu mono yawanza u mulimo wuwu muswanu muli nyenye, kowujendeleza sunga ko ku wukondelecele mwizuwa tilya lya Kilisito Yesu.

2 Watesalonike 2:13

Yicinojeye cimulumbe u Mulungu nhondo zose ku soko yenyu anye i wandugu zetu, anye mono mwendigwe no Muwaha, hambi u Mulungu nha yamuhagulenyi ku wulawa ku mwamulizo ho muponywe kwe vilungo vyo Muhe, ho munozwe muwe wanhu wakwe wono mwelile mu nzila yo wihuwilo wenyu mu mbeka.

1 Timoteyo 1:16

Ninga mwene Mulungu yakambonela lusungu, ho Kilisito yawulajile wukangalizi wakwe wose kuliʼne, wuwe nha musambo kuli awalya wono hanyuma yayo wolomwihuwila no kubocela wumi we cibitilila.

2 Timoteyo 1:12

na ku soko yiyo, holeka nghutamiswa nha vivi. Holeka nghali nina witumbilo wuwaha, hambi nha nimumanyile mono namwihuwila, kanyhi manyiye lukulu vyono mwene kocikamisa cicilya cono yanghoza, sunga Mwizuwa lilya.

Wahebelaniya 7:25

Holeka u mwene, yadahile nhondo zose kuwaponezya lukulu wose wono wakumubitila u Mulungu muli mwene, hambi u mwene nha kekalaga cibitilila yakuwalonjela hali Mulungu.

1 Petelo 1:5

Zizo zolowa zenyu nyenye mono ko wihuwilo, mukudimwa viswanu telele, kwe vilungo vyo Mulungu so mhonelo yono yikondizye kugubulwa ku ndumo ye vilo.

1 Yohana 1:2

No wumi wuwo waza kwanzalikwa, ase cawuwona, nalu cikulonga kanyhi cikumulonjelenyi zo wumi wuwo we cibitilila wono wali ko Sogo yo munhu, hanyuma wukanzalikwa kwetu.

1 Yohana 2:19

Ne wanhu wawo wakulawilila muli sese, ninga i mbeka si wali wayetu na ku soko yiyo holeka wakawuka, hambi mhali wawe mbeka wayetu, wali wawe wali hamonga na sese. Ninga alu wawuka, wakabita kono wakusaka, ho yijele calinze vyono si wali wayetu.

1 Yohana 2:25

No wihuwizo wono yacihuwiziza ase, nha wowu, u wumi we cibitilila.

1 Yohana 5:11

No wuhomelezi weneco nha wowu: U Mulungu yacipela wumi we cibitilila, no wumi wuwo wuli muli Mwanagwe.

Yuda 1:1

Ane Yuda u mwitumami wa Yesu Kilisito, kanyhi mono nili muwahawe wa Yakobo, nghumwandicilenyi anye mono mwacemwa no Mulungu, mono muli mu wendo wo Mulungu Baba, na mu wukamiswe wa muli Yesu Kilisito.

Yuda 1:21

No kwikala mu wendo wo Mulungu, akuno mukumulindila Muwaha wetu Yesu Kilisito yamupelenyi wumi we cibitilila ko lusungu lwakwe.

Yuda 1:24

Alu kuli mwene mono kosuma kumukamisenyi ho mulece kugwa, kanyhi ho yamuletenyi sunga ko kulukumyo lwakwe akuno musina yilema,