Yohana 10:14 - I CILAGANE CIPYA 1991

¹⁴ Ane yo nene u mudimi muswanu. Iwangu niwamanyile, nawo iwangu, wamanyileʼne,

Luganuzi Luswanu Kuli Wanhu Wose 2002

¹⁴ Ane yo nene u mudimi muswanu. Iwangu niwamanyile, nawo iwangu, wamanyile'ne,

Yohana 10:14 ပူးပေါင်းရင်းမြစ်များ

Yohana 10:11

Ane yo nene mudimi muswanu. U mudimi muswanu, kawusuzaga u wumi wakwe kusoko ye zingholo zakwe.

Yohana 10:13

U mudimi mono kadimaga so musahala, katizaga no kuzileka i zingholo, vyono u mwene yakuzidima kusoko yo kulipwa musahala.

Yohana 10:27

Izingholo zangu zikuwa kulihulika ilizi lyangu, nane nizimanyile, nazo zinhyatyaga.

Yohana 17:3

Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

Yohana 17:8

Ane nakondya kuwapela inghani yako yono wamhela, nawo wayibocela, nawo wamanya vyono mbeka nalawa kwako, nawo wehuwiye vyono gwegwe wanhuma.

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kungʼalala mu wusu wa Kilisito.

Waefeso 1:17

ho u Mulungu wo Muwaha wetu Yesu Kilisito u sogo wo lukumyo, yamupelenyi u Muhe wakwe mono komupelenyi wizuce, no kumugubulilenyi ho mumumanye u Mulungu.

Waefeso 3:19

Kanyhi muwumanye no wendo wa Kilisito, wono wucizize wumanye wose, ho mumemywe u wukwilanicile wose wo Mulungu.

Wafilipi 3:8

Heya, hamba si nha vivyo du, ninga nghawona vyono vyose wo wambuce wa bwete, ku so wuswanu wo wumumanya Kilisito Yesu u Mutwa wangu. Hambi nha ku so mwene ane navumila kugaleka gose, nane nghagawona gago gose nha takataka, ho nimutuje Kilisito,

2 Timoteyo 1:12

na ku soko yiyo, holeka nghutamiswa nha vivi. Holeka nghali nina witumbilo wuwaha, hambi nha nimumanyile mono namwihuwila, kanyhi manyiye lukulu vyono mwene kocikamisa cicilya cono yanghoza, sunga Mwizuwa lilya.

2 Timoteyo 2:19

Ninga musinji wono wukamile, wono wawikwa no Mulungu si wusinjisikaga yaye, na mucanyha yo musinji wuwo, zandikwe zinghani azi, “U Muwaha yawamanyile i wakwe,” na kanyhi, “Na muli wose mono yakwiyitya, mwene yo wo Muwaha, ale yimunojeye yeleje no wavu.”

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.

Wugubule 2:13

Manyile kono wikaye. Agwe wikaye ku wikalo wuwaha wa Setani! Ninga hamba nha vivyo, wukali wibatiliye litagwa lyangu, hamba si wunakana u wihuwilo wako wa kuliʼne, sunga na mu vilo vya Antipa, muhomelezi wangu mwihuwilwa, lonoyawulajilwa i hanhu hono kekalaga Setani.

Wugubule 2:19

Nigamanyile i metumo gako gose. Kanyhi manyile no wendo wako, no wihuwilo wako, u witumami wako, hamonga no wukangalizi wako. Agwe aluno wukwituma viswanu muno si nha hamwamulizo.

Wugubule 2:2

Manyile i metumo gako gose, niwumanyile no wuhidimbazi wako, hamonga no wukangalizi wako wose. Kanyhi manyile nha vyono si wukusuma kuwakangalila wanhu wabi, kanyhi na vyono wakondya kuwamanya awalya wono wakwiyitya watumwa, nawo wo si wene, kumbe wakulonga wulambi.

Wugubule 2:9

Nigamanyile magayo gako, kanyhi sunga no wuciwa wako, ninga imbeka agwe ho wuli mugoli. Kanyhi niwumanyile no wutovulwe wono watovulwa na walya wono wakwiyitya Wayahudi, ninga ho si Wayahudi we mbeka, langa ipuga lye Setani.

Wugubule 3:1

“Kuli malayika we likanisa lya Salidisi wandice nhavi. “Ayi yo nghani yono yikulawa kuli mwene mono yena myuhe mupunghati yo Mulungu, hamonga ne zinyelezi mupunghati. Nigamanyile i metumo gako gose, manyile vyono wumanyice nha wuli mumi, kumbe ho wufwiye!

Wugubule 3:15

Nigamanyile metumo gako gose! Manyile vyono agwe si wuli zizizi, hamba si wuli moto. Wali wuwe ciba, wuwe wuli kumonga du, zizizi hamba moto.

Wugubule 3:8

Ninga manyile metumo gako gose! Langa ta, nakondya kuwudigula u mulango ha mwande yako, wono hasina munhu mono kosuma kuwudinda. Manyile vyono hamba wuwe wina vilungo vicefu, ninga hamba nha vivyo, wugebate ne mejizo gangu, wuyikamise ne nghani yangu, kanyhi hamba si walikana ne litagwa lyangu yaye.