Yohana 10:10 - I CILAGANE CIPYA 1991

¹⁰ U muhizi si kazaga bwete, langa kazaga ho yahize, ho yawulaje no kongomeza. Ane naza, anye ho muwe no wumi. U wumi wono wukwilaniciye.”

Luganuzi Luswanu Kuli Wanhu Wose 2002

¹⁰ U muhizi si kazaga bwete, langa kazaga ho yahize, ho yawulaje no kongomeza. Ane naza, anye ho muwe no wumi. U wumi wono wukwilaniciye.”

Yohana 10:10 ပူးပေါင်းရင်းမြစ်များ

Matayo 18:10

“Ale mwilanjililaje! Mulece kumubedegala yunji muyagwe ne wadodo wawa. Nghumulonjelenyi imbeka, vyono i wamalayika wawo kuko ku wulanga, wekalaga nhondo zose ha mwande yo Sogo yangu mono yali ku wulanga. [

Matayo 18:11

Hambi u Mwana wo Munhu nha yaza ho yawaponye wono wajiliye.]

Matayo 20:28

Na vyo nha vivyo, u Mwana wo Munhu nayo, si yaza ho yetumamilwe, langa ho yetumame, no kuwulavya u wumi wakwe ho wuwe wukombozwe wa wanhu wenji.”

Matayo 21:13

Akuno yakuwatya, “Yandikwe mu Mandiko Gono Gelile nha vyono ‘I Nyumba yangu yocemwa, nyumba yo kulombela.’ Ninga alu anye, mwayinoza kuwa mhango ye wahizi.”

Matayo 23:13

“Woyi he kuliʼnye mo wejizi wo Wulajilize ne Wafalisayo, mo wakoci! Mono mukuwadindila iwanhu u mulango wo Wutemi wa ku wulanga. Nanye mo weneco si mukwinjila mugati, kanyhi hamba si mukusaka kuwakombola wono wakusaka kwinjila ho wenjile. [

Maluko 11:17

Hanyuma yakawejiza, yakutya, “Yandikwa, ‘Nyumba yangu yocemwa nyumba yo wulombelo kuli makungugo gose!’ Ninga ʼnye mwayinoza yawa nhe pango lya wahizi!”

Luka 19:10

Hambi Mwana wo Munhu nha yaza kulondola no kuponya i wanhu wono wajiliye.”

Yohana 10:1

Yesu yakatya, “Munhu wo wose mono si yakwinjilila mu mulango we libululu lye zingholo, ninga yakukolela ha wukolo wunji, yuyo muhizi, kanyhi muboci.

Yohana 10:11

Ane yo nene mudimi muswanu. U mudimi muswanu, kawusuzaga u wumi wakwe kusoko ye zingholo zakwe.

Yohana 12:47

Na munhu hono yazihulice zono nghulonga, nayo ho yalece kuzibata, ane singhumulingʼaniza, hambi ane nha si naza ho niwalingʼanize wa mononze, langa niwaponye wa mononze.

Yohana 12:6

Yalonga zizi si vyono yawakumbucilaga waciwa, langa ku soko vyono u mwene yo yali mutunza mufuko we zipesa, kanyhi yali muhizi, na kenji na kenji, yahizaga zipesa zono zatajilagwa mumo.

Yohana 3:17

Hambi u Mulungu, nha si yamutuma Mwanagwe kononze, ho yayilingʼanize iyinze, langa ho yayikomboze.”

Yohana 5:40

Hamba nha vivyo, anye si mwendile kuza kwangu ho mutuje wumi.

Yohana 6:33

Hambi indigwa yo Mulungu nha yo yulya mono yakutima kulawa ku wulanga, no kuyipela iyinze wumi.”

Yohana 6:51

Ane yo nene indigwa yo wumi, yono yatima kulawa ku wulanga, munhu wo wose hono yalye indigwa yiyi, kokwikala mumi cibitilila, ne ndigwa yono nomupela, wo muwili wangu wono nghuwulavya so wumi we yinze.”

Walumi 2:21

Alu agwe wukuwejiza wanji, nha wule alu si wukwiyijiza nagwe go mweneco? Wukuwaganulila wanji walece kuhiza, ninga kumbe gwegwe go mweneco wukuhiza.

1 Timoteyo 1:15

No wulonje wuwu nha we mbeka, na kanyhi wunojeye wuvumilwe muno muno, vyono Kilisito Yesu yaza kononze kuwaponya wanyo wubi. Nane nha nili mubi kuciza wawo wose.

Wahebelaniya 6:17

Nayo u Mulungu, yawukangaziza u wihuwizo wakwe mu wilahize, na muli zizo, yakawalajila calinze, wawo wono yawehuwiziza, vyono si kowupitula kanyhi u wuhile wakwe wuwo.

Wahebelaniya 7:25

Holeka u mwene, yadahile nhondo zose kuwaponezya lukulu wose wono wakumubitila u Mulungu muli mwene, hambi u mwene nha kekalaga cibitilila yakuwalonjela hali Mulungu.

2 Petelo 1:11

Na yiyo yo yoleka mosuma kupegwa wilingʼano wono wukwilaniciye wo kwinjliila mu wutemi wo Mutwa wetu no Mukombozi wetu Yesu Kilisito.