Yohana 10:1 - I CILAGANE CIPYA 1991

¹ Yesu yakatya, “Munhu wo wose mono si yakwinjilila mu mulango we libululu lye zingholo, ninga yakukolela ha wukolo wunji, yuyo muhizi, kanyhi muboci.

Luganuzi Luswanu Kuli Wanhu Wose 2002

¹ Yesu yakatya, “Munhu wo wose mono si yakwinjilila mu mulango we libululu lye zingholo, ninga yakukolela ha wukolo wunji, yuyo muhizi, kanyhi muboci.

Yohana 10:1 ပူးပေါင်းရင်းမြစ်များ

Matayo 7:15

“Mwilanjililaje kuli iwawizi wo wulambi. Wono wakumuzizenyi, akuno wakwijela kunze nha ngholo, ninga mugati yawo ho maminzi makali.

Yohana 10:7

Holeka Yesu yakawatya kanyhi, “Mbeka nghumutyenyi, Ane yo nene mulango we zingholo.

Yohana 3:3

Yesu yapitula yakamutya, “Ane nghukulonjela mbeka, vyono hono munhu yalece kulelwa wupya, si kosuma kuwuwona wutemi wo Mulungu.”

Walumi 10:15

Kanyhi, iwanhu ho woganula nhawule hono walece kutumwa? Nha vyono gakutya i Mandiko Gono Gelile, “Yo nghani yono yikwendeza muno, yo wuze wa wono wakuganula u Luganuzi Luswanu.”

Walumi 16:18

hambi iwanhu wono wenha wawo, nha si wakumwitumamila Mutwa wetu Kilisito, langa wakuzitumamila izinda zawo weneco du. Kanyhi so zinghani zawo, no wuganule wawo wo wupepeleze, wakuwa kuwakonga iwanhu we zinhumbula zimhelu mhelu.

Tito 1:11

Yiwanojeye i milomo yawo yidindwe, hambi nha weza kuwahodanga i wanhu wose so mejizo gawo gono si gawanojeye wejize, nawo wakwituma zizo ko wuhile wubi wo kusaka ho watuje mapesa.

Wahebelaniya 5:4

Hasina munhu mono kosuma kwisolela mweneco lilumbo lyo kuwa Mukohani Muwaha. Langa munhu wo wose yakuwa kuhagulwa no Mulungu yawe Mukohani Muwaha nha vyono Haluni.

1 Petelo 1:10

Iwawizi walondola londola muno, no kutikula zo wukombozwe wuwo, wakawila ze lihewa lilyo, lyono anye mwali mupegwe.

2 Petelo 2:1

Wakalawila wawizi wo wulambi muli wanhu, nha vivyo kanyhi iwejizi wo wulambi wololawila sunga na muli nyenye. Ne wanhu we liwala lilyo wololeta i mafundo go wiwajize no kumukana Muwaha mono yakawakomboza, na mu nzila yiyo wokwiletela musunho u wongomezwe wawo weneco.

2 Petelo 2:3

Na ku soko ye masulumizi gawo mabi, wolokwisavizya muli nyenye kolo wakumulonjelenyi zinghani zo wulambilambi. No wulipicizwe wawo wakondya kuwikanizwa kulawa katali, siwocela yaye. Nayo mono kowongomeza, yali meso!

1 Yohana 4:1

Mo wendece wangu, mulece kumwihuwila munhu wo wose mono yakwiyitya yena Muhe wo Mulungu, langa mwamulaje mumulanjilile muno muno, ho muwone hono u munhu yuyo yakutongwa no Muhe wo Mulungu, hamba ngʼo. Hambi i wawizi wenji wo wulambi nha wakwijela mononze.