Yakobo 5:16 - I CILAGANE CIPYA 1991

¹⁶ Ale, mweze kwiyivumilila mabi genyu, mwilombelaje, ho muponywe. Uwulombe wo munhu we lingʼani wina vilungo vyo kwituma nyinji.

Luganuzi Luswanu Kuli Wanhu Wose 2002

¹⁶ Ale, mweze kwiyivumilila mabi genyu, mwilombelaje, ho muponywe. Uwulombe wo munhu we ling'ani wina vilungo vyo kwituma nyinji.

Yakobo 5:16 ပူးပေါင်းရင်းမြစ်များ

Matayo 21:22

Na hono muwe no wihuwilo du, ale co cose du cono mocilomba mu wulombe wenyu, cico mocituga.”

Matayo 3:6

wakawuvumila u wubi wawo, nayo Yohana yakawabaputiza mwikolongo lya Yoludani.

Maluko 1:5

I wanhu kulawa mbavu zose za Yudiya, na wanya Yelusalemi wose wakamuziza Yohana, wakavumila wubi wawo, nayo yakawabaputiziza mwikolongo lya Yoludani.

Luka 9:6

Wakatuluka, wakakola mu vitumbi wakaganula Luganuzi Luswanu, no kuponya watamwa hanhu hose.

Yohana 9:31

Cimanyile vyono Mulungu si yakuwa kuwahulika wanyo wubi, ninga munhu hono yawe kamogopaga Mulungu no kwituma zo wuhile wakwe, yuyo langa u Mulungu kamuhulikaga.

Metumo ge Watumwa 10:38

Yo Yesu wa Nazaleti, mono mumumanyile vyono u Mulungu yamwitila Muhe Mono Yelile ne vilungo. U Mulungu yali yali hamonga nayo, umwene yakola ako na ako yakwituma viswanu, no kuwaponya wose wono wagazagwa na Setani.

Metumo ge Watumwa 19:18

Na wenji wono wehuwila wakaza, wakavumila cagalanze ze metumo gawo gono wetumaga.

Metumo ge Watumwa 8:24

Simoni yapitula yakatya, “Nghumunenenyi, munombele kuli Muwaha, zono mulonjile zilece kunyagana hamba monga.”

Walumi 3:10

Nha vyono gakulonga i Mandiko Gono Gelile. “Hasina we lingʼani hamba monga.

Walumi 5:19

Nha vyono iwanhu wenji waweza wanya wubi, ku soko yo wula cihuliko ca munhu monga, ale nha vivyo, ne wenji wonozwa wavumilwe hali Mulungu, kusoko ye cihuliko co munhu monga.

Wakolosayi 1:9

Ku soko yiyo nase kanyhi, vyono calawa lizuwa lyono cahulicila i zenyu, si cidilaga kumulombelenyi. Cikumulomba u Mulungu yamumemyenyi u wumanye wose wo wuhile wakwe, yamumemyenyi mahala gose no wutanje wono wukuletwa no Muhe wakwe.

1 Watesalonike 5:17

akuno mukulomba musina wudile,

1 Watesalonike 5:23

No Mulungu mono kacipelaga mulamu, yamunozenyi muwe mwelile muli zose, yamukamisenyi nyenye, u muhe, no wumi ne miwili yenyu, ho mulece kuwa na yilema lyo lyose ha wuze wo Muwaha wetu Yesu Kilisito.

1 Watesalonike 5:25

Nye wandugu zangu, mucilombelaje na sese nha vivyo.

Wahebelaniya 11:4

So wihuwilo Habeli yamulavizya u Mulungu ikumbiko lyono lyali yiswanu muno licizize lya Kayini. Na so wihuwilo wakwe yavumilwa no Mulungu nha munhu we lingʼani; u Mulungu mweneco yavisumila i vilavya vyakwe. Na so wihuwilo wakwe, hamba yawe yakondya kufwa, ninga yakali yakulonga.

Wahebelaniya 11:7

So wihuwilo, Noha yasugulwa no Mulungu kuli za kumwande zono yali yakali si yanasuma kuziwona yaye. Yamuhuliko Mulungu, yakanoza ligalawa lyono yaponela u mweneco hamonga na we mhuga yakwe wose. Na mu wulawilila muli zizo, i yinze yikalingʼanizwa, nayo Noha yakatuga u wilingʼano wono wukulawilila mu wihuwilo.

Wahebelaniya 12:13

Mujendelele kujendela mu nzila yono yigoloce, u mugulu wono wulemaye ho wulece kutamiswa, langa wuponywe.

Wahebelaniya 13:18

Mucilombelaje na sese. Cimanyiye lukulu vyono cina ciselinji ciswanu, hambi nha cendile kwituma yono yili lingʼani nhondo zose.

1 Petelo 2:24

U mwene yawudinghulila u wubi wetu mu muwili wakwe mu musalaba, ho cisume kufwa ku lubavu lo wubi, no kuwumipila ku wilingʼano. Na muzinghomele zakwe, anye mo mwaponyezwa.

1 Yohana 3:22

nase cosuma kubocela co cose cono colomba, hambi nha cigebate malajilizo gakwe, no kwituma zono zikumwendeza.