Yakobo 5:10 - I CILAGANE CIPYA 1991

¹⁰ Wandugu zangu, hono muwe mukusaka kuwona musambo we ngola no wukangalile muli magazo, mwihwesaje ze wawizi wono waganulaga mwitagwa lyo Muwaha.

Luganuzi Luswanu Kuli Wanhu Wose 2002

¹⁰ Wandugu zangu, hono muwe mukusaka kuwona musambo we ngola no wukangalile muli magazo, mwihwesaje ze wawizi wono waganulaga mwitagwa lyo Muwaha.

Yakobo 5:10 ပူးပေါင်းရင်းမြစ်များ

Luka 13:34

“Yelusalemi! Gwe Yelusalemi! Kuwawulagaga wawizi, no kuwatowa na mabwe wono wakutumwa kuliʼgwe! Kalinga nali kuhila kuwakongholela wanago hamonga, nha vyono nghuku yikunyanjilaga viziyoziyo vyayo mu mabawa gayo, ninga walemaga?

Luka 6:23

Mucidaha cico zilakwijela zizo, nhondo muze musecelele mwizuwa lilyo so nyemo. Hambi wuhumbilizwe wenyu nha wuwaha ku wulanga. Hambi wasogo zawo nha vyo wawatendela i wawizi.”

Metumo ge Watumwa 3:21

U Mwene si koleka kwikala ku wulanga sunga kolo lyafika lipango lyo kunozwa wupya vinhu vyose, nha vyono Mulungu yalonjile muli wawizi wakwe wono welile wo wulawa katali.

Metumo ge Watumwa 7:52

Wahayi muyagwe ne wawizi, mono si wamugaza iwasenyu? Wakawawulaga awalya wono Mulungu yawatuma wawalonjele wanhu zo wuze wa Mono yali lingʼani, alu nanye mukamugaluka, no kumuwulaga.

Wahebelaniya 13:7

Mweze kuwakumbucila i walongola wenyu wono wamulonjelenyi i nghani yo Mulungu. Mwihwesaje ze njenda yawo, muwegaje u wihuwilo wawo.

Yakobo 4:11

Wandugu zangu, mulece kwihosa nyenye wose. Mono yakumuhosa nduguye no kumulingʼaniza, yuyo, yakuwuhosa kanyhi yakuwulingʼaniza Wulajilize. Na hono wuwuhose Wulajilize, ale, agwe siwukuwibata Wulajilize, langa wukuwuhosa.

Yakobo 5:13

Ma, hoyuli munhu wo wose muli nyenye mono yena wugaye? Yimunojeye yalombe. Ma, hoyuli yunji musangalafu? Yimunojeye yembe zinyimbo zo wulumbe.

Yakobo 5:7

Ale, wandugu zangu, mweze no wukangalile sunga Muwaha kolo kokuziza. Lanjenyi ta u mulimi vyono kalindilaga ko wukangalile i ndudula yakwe yilete ndigwa swanu. Umwene kalindilaga ko wukangalile i mvula ye lifuku ne ye lihwela.

Yakobo 5:9

Wandugu zangu, mulece kwingʼungʼulicila nyenye wose, ho mulece kulingʼanizwa no Mulungu. Hambi u Mulingʼanizi nha yeza behi no kwinjlia ha mulango.