Yakobo 2:18 - I CILAGANE CIPYA 1991

¹⁸ Ninga munhu yadahile kutya, “Agwe wina wihuwilo, ane nina metumo!” Ale! Undajile ta vyono munhu kowa yena wihuwilo wono wusina metumo, nane nokulajila wihuwilo wangu mu metumo gangu.

Luganuzi Luswanu Kuli Wanhu Wose 2002

¹⁸ Ninga munhu yadahile kutya, “Agwe wina wihuwilo, ane nina metumo!” Ale! Wundajile ta vyono munhu kowa yena wihuwilo wono wusina metumo, nane nokulajila wihuwilo wangu mu metumo gangu.

Yakobo 2:18 ပူးပေါင်းရင်းမြစ်များ

Walumi 14:23

Ninga u munhu mono yakuwa no wukangamyanje kuli ndigwa yono yakulya, yuyo yakuhoswa hono yalye, ku soko ilitumo lyakwe lilyo, si lili mu wihuwilo ngʼo. Na co cose cono si cili mu musinji wo wihuwilo, wo wubi.

Walumi 3:28

Hambi u munhu nha kanozagwa yavumilwe hali Mulungu so wihuwilo, du, hamba si so kufisiliza u wuhile wo wulajilize.

Walumi 4:6

Na kuli ze nyemo yo munhu yuyo, mono u Mulungu yakumunoza ho yavumilwe nayo, hamba kulanga ze metumo gakwe, Dawudi yakutya,

Walumi 8:1

Alu nhondo hasina wuhoswe kuli walya wono mu mikalile yawo, wakondya kwilunza na Kilisito Yesu.

Walumi 9:19

Lunji kombuza wutye, “Alu hono zili nha vivyo, u Mulungu kosuma nhawule kumuhosa munhu? alu nani mbi mono kosuma kuwimila u wuhile wakwe?”

1 Wakolinto 13:2

Na kanyhi yisumice niwe ne cipegwa ciswanu co kuyiganula nghani yo Mulungu, no kuzimanya ze cinyele zose, sunga no kusuma kuzimanya zose, kanyhi ndahile kuwa no wihuwilo wono wukwilaniciye, sunga sume kugahamye matunda, ninga hamba nha vivyo hono niwe sina wendo, ane si nili cinji yaye.

2 Wakolinto 5:17

No munhu wo wose hono vilunze na Kilisito, yakuwa ciwumbwa cipya, i ze katali zapuluta, alu zaweza mhya.

2 Wakolinto 7:1

Holeka nyo wendece, vyono cakondya kupegwa i vilagane vivyo yicinojeye nase ciyeze muli zose zono zosuma kucitipiza mu miwili sunga na mu zinhumbula zetu, ho ciwe celile muno muno, no kwikala mu mikalile yono yimogopilo Mulungu.

Wagalatiya 5:6

Hambi hono ciwe cakondya kuwa muli Kilisito Yesu, kwalama hamba wula kwalama mose musina cambuzi, i nghani yono yina cambuzi, wo wihuwilo wono wukwitumila u mulimo mu wendo.

1 Timoteyo 1:5

Ale u wulunji we lilajilizo lili nha wukukongʼonheza uwendo wono wukulawa mu nhumbula nzelu no mutima muswanu, na mu wihuwilo we mbeka.

Tito 2:7

Yikunojeye gwegwe go mweneco weze wina musambo we metumo maswanu. Weze wuli mutuvu, ne mafundo gako geze gena wuzito.

Wahebelaniya 11:31

Na so wihuwilo Lahabu mono yali musenyha si yajililana hamonga na awalya wono wamubezo Mulungu, ku soko vyono yawacemela ku mulamu awalya wapelelezi.

Wahebelaniya 11:33

So wihuwilo wawa wose wehoma ne watemi, wakasuma. Wetuma zo wilingʼano, nawo wakabocela zono yehuwiza u Mulungu. Wadinda i milomo ye masimba,

Wahebelaniya 11:6

Holeka si yosumika kumwendeza u Mulungu hono hasina wihuwilo. Vyono u munhu wo wose mono yakusaka kumwendeza u Mulungu, yimunojeye yehuwile vyono u Mulungu yali baho, na kanyhi vyono u Mwene kawakamisaga wose wono wakumulondola.

Yakobo 2:14

Nye wandugu zangu, alu kocili cambuzici, hono munhu yatye yena wihuwilo, ninga kuno ho siyakulajila imetumo gayo? Alu wuwo wihuwilo wosuma kumuponya wule?

Yakobo 3:13

Ma, nani mono yena mahala no wizuce muli nyenye? Ale, yayilajliaje ta inghani yiyi mu mikalile yakwe miswanu, na mu metumo gakwe maswanu, gono ganozagwa mu winenenyhezi ne mahala.