Yakobo 1:4 - I CILAGANE CIPYA 1991

⁴ Kanyhi mweze mumanyile vyono ingola yenyu yomutazenyi sunga ku ndumo, ho muwe mukamile kanyhi mukwilaniciye, ho mulece kucepucilwa na cinji co cose.

Luganuzi Luswanu Kuli Wanhu Wose 2002

⁴ Kanyhi mweze mumanyile vyono, ingola yenyu yomutazenyi sunga ku ndumo, ho muwe mukamile kanyhi mukwilaniciye, ho mulece kucepucilwa na cinji co cose.

Yakobo 1:4 ပူးပေါင်းရင်းမြစ်များ

Matayo 10:22

Ne wanhu wose wolomusulenyi nyenye, ku soko ye litagwa lyangu. Ninga mono kokangalila sunga ko ku ndumo yo kopona.

Matayo 19:20

Nayo yuyo u muzelelo, yakamutya, “Gago gose nigebate kuwulawa wudodo wangu, aluno ma, nitumaje ci cici komuno?”

Matayo 5:48

Holeka mweze mukwilaniciye, nha vyono u Senyu wa ku wulanga yakwilaniciye.

Maluko 10:21

Nayo Yesu yakamulanga, yakamwenda, yakamutya, “Alu wukusakwa witume nghani monga du, nayo yoyi, wubite wukaguze ivinhu vyose vyono wina navyo, ukawapele waciwa, nagwe kowa na sawo ku wulanga, hanyuma ho wuze wunhyatye.”

Luka 18:22

Nayo Yesu yaza kuzihulika zizo, yakamutya, “Wukali wanjiye nghani monga du; uguze vyose vyono wina navyo, ukawagawile waciwa, nagwe kowa na sawo kuwulanga; hanyuma ho wuze unhyatye.”

Luka 21:19

Mu wukangalizi wenyu, moponya wumi wenyu.

Luka 8:15

Nazo zono zalagala mu muhangha muswanu wo wanhu wono wakuyihulika nghani, no kuyikamisa kwa nhumbula swanu na ye cihuliko. Nawo wakuleta mikalo mu wukangalile.

Yohana 17:23

ane niwe muli wene, nagwe wuwe muli nene, nghulomba ho wakwilanicizwe no kuwa cinhu cimonga, we yinze ho wamanye vyono yo gwegwe wanhuma, na vyono wukawenda wene nha vyono unyendile ane.

1 Wakolinto 2:6

Hamba nha vivyo, ase citumamilaga u wulonje we mahala kuli walya wono wakangaye mu mikalile yawo ye cimuhe, kanyhi ne mahala gago go si mahala ga mononze yiyi, hamba si ge watemi wa mono yinze yiyi, wono wali mu mukumbo wo wajilile.

Wagalatiya 6:9

Holeka mulece kukatala mu wituma ziswanu, ku soko hono cilece kukatala, codudula i nhwanga mu cipango cayo.

Wakolosayi 4:12

Na Epafala nayo u munyawusi muyenyu, kanyhi u mwitumami wa Kilisito Yesu, nayo yakumulamusenyi. Kanyhi yakumulombelenyi nyenye nhondo zose ko wupiligazi, ho mwime mukamile, mukangale, mulece kusinjisika muli zose zono yakuzisaka u Mulungu.

1 Watesalonike 5:23

No Mulungu mono kacipelaga mulamu, yamunozenyi muwe mwelile muli zose, yamukamisenyi nyenye, u muhe, no wumi ne miwili yenyu, ho mulece kuwa na yilema lyo lyose ha wuze wo Muwaha wetu Yesu Kilisito.

2 Timoteyo 3:17

u munhu mono yakumwitumamilo Mulungu ho yawe yakwilaniciye, kanyhi yakondelezezwe lukulu ku wituma i milimo miswanu yose.

Wahebelaniya 13:21

U Mulungu wo mulamu yamukwilanicizenyi mu ziswanu zose, ho mwitume wuhile wakwe; nayo yetume muli sese zono zikumwendeza mweneco mu nzila ya Kilisito. Kuli mwene lweze lukumyo cibitilila ne cibitilila. Heya.

Yakobo 1:5

Na hono muyenyu yunji yawe yanjiye mahala, ale, yimunojeye yamulombe Mulungu mono komupela, hambi Mulungu nha kawapelaga wose kwa winji, na kwe nhumbula swanu.

Yakobo 3:2

Hambi na sese wose nha cisutyaga kali kenji. Ninga hone munhu sikasutyaga mu wulonje wakwe, ale, munhu yuyo kowa yakwilaniciye, kanyhi kosuma kuwimila muwili wakwe wose.

1 Petelo 5:10

Ninga kolo mukugazika cidaha cidodo vivi, Mulungu mono yo ndawililo ye lihewa lyose na mono yakumucemenyi muwuhanje ulukumyo lwakwe we cibitilila muwilunza na Kilisito, umweneco komukwilanicizenyi no kumukangazenyi, kanyhi komupelenyi vilungo no musinji wono wukamile.

2 Petelo 1:9

Ninga munhu mono yazisina zizi zose, yaweza mubofu hambi nha si yakusuma kuwona, kanyhi yasemwa vyono yakondya kukwemwa u wubi wakwe we katali.