Yakobo 1:22 - I CILAGANE CIPYA 1991

²² Mulece kwiyikonga nyo weneco, mu wuhuliciza i nghani yakwe du, langa mweze wetuma i nghani yakwe.

Luganuzi Luswanu Kuli Wanhu Wose 2002

²² Mulece kwiyikonga nyo weneco, mu wuhuliciza i nghani yakwe du, langa mweze wetuma i nghani yakwe.

Yakobo 1:22 ပူးပေါင်းရင်းမြစ်များ

Matayo 12:50

Vyono u munhu wo wose mono yakwituma nha vyono yakuhila Baba mono yali ku wulanga, ale, yuyo yo muwaha wangu, yo lumbu lyangu, kanyhi yo nyina yangu.”

Matayo 28:20

Kanyhi, muwejizaje, webate i malajilizo gose gono namupelenyi. Nane nili hamonga nanye vilo vyose, heya, sunga ko kundumilizo ye vilo.”

Luka 11:28

Nayo Yesu yakamutya, “Heya, ninga wamoti muno wanhu wono wakuyihulika nghani yo Mulungu no kuyikamisa.”

Yohana 13:17

Holeka hono muwe mwayimanya i mbeka yiyi, mowa wamoti hono muyitume.

Walumi 2:13

U munhu, si kosuma kuvumilwa hali Mulungu, so kuwuhulika bwete du Wulajilize, langa mono yakuwituma Wulajilize.

1 Wakolinto 15:33

Nye, mbeka mulece kukongwa bwete! U wiyendi wono si wuswanu, mbeka wuhodangaga i mikalile miswanu.

1 Wakolinto 3:18

Mbeka mulece kwikonga! U munhu wo wose wa muli nyenye hono yehwese nha vyono yena mahala, kumbe ho mahala ge ciyinze yinze du, yili ciba u munhu yuyo hono yewone nha mulele, ho yasume kuwa ne mahala ge mbeka.

1 Wakolinto 6:9

Hamba si mumanyile lo, vyono i wanhu wabi, si wosuma kuwuhala u Wutemi wo Mulungu? Ale, mulece kwikonga! Iwanhu wono wekalilaga mu mikalile yo wusenyha, na wono wahembaga vihwani, na wono wakwisulumila walume wose, hamba wono wakwitendya,

Wagalatiya 6:3

Munhu hono yewone kotya nha yali cinji, na kumbe ho si yali cinji, yuyo yakwikonga mweneco.

Wagalatiya 6:7

Mulece kukongwa, u Mulungu si wakunozeza nzwaji. Cono u munhu yakucihadika, co cico du co kolodudula kanyhi.

Wafilipi 4:8

Ze ndumilizo wandugu zangu, mugamemyaje mahweso genyu ne zinghani ziswanu zono zili mbeka, swanu, na ze lingʼani, zono zilenguce, zono zikwendeza na ze cogopo.

Wakolosayi 3:17

Na zose zono mukwituma, mu wulonje, hamba mu witume, mwitumilaje zose mwitagwa lyo Muwaha Yesu, akuno mukumulumbila u Mulungu Baba muli mwene.

2 Timoteyo 3:13

Ninga i wanhu wabi ne wakonji, awo wojendelela kuwa wabi du, wakuwakonga wayawo, kanyhi sunga na weneco wakukongwa.

Tito 3:3

Hambi mu vipango vinji, nase nha cali walele, kanyhi cili cibede, call cajiliye. Cali cili wawanda we masulumizi ne makani ga mononze. Cekalilaga mu mikalile yo wavu no wivu, wanhu wakacisula, nase cikawasula.

Yakobo 1:26

Na hono munhu yewone mweneco nha munhu mono yebate dini muno muno, ninga kuno siyakusuma kulwimila lulimi lwakwe, dini yakwe u munhu yuyo yikuwa yisina hamba cambuzi co cose, langa yakwikonga mweneco du.

Yakobo 4:11

Wandugu zangu, mulece kwihosa nyenye wose. Mono yakumuhosa nduguye no kumulingʼaniza, yuyo, yakuwuhosa kanyhi yakuwulingʼaniza Wulajilize. Na hono wuwuhose Wulajilize, ale, agwe siwukuwibata Wulajilize, langa wukuwuhosa.

Yakobo 4:17

Ale, no munhu mono siketumaga ziswanu zono yazimanyile vyono zo zimunojeye yetume, ale yuyo yakwituma wubi.

2 Petelo 2:13

Kanyhi wolipwa magazo ku soko ye magazo gono wesaciye weneco. Ne nyemo yawo yili muwunoza, co cose cono cikwigutya imasulumizi gawo go muwili, kanyhi wakuzinoza zizo mu misi du mugati. Iwanhu we nha vivyo wakuleta cevu hamonga na soni mbaha kolo mwekonghola hamonga nawo mu wulye we zindigwa zenyu ze zisikukuu, akuno wakuzisecelela i zinzila zawo zo wukoci.

1 Yohana 1:8

Na hono ciwe kutya cisina wubi, cikwikonga co weneco, ne mbeka muli sese musina.

1 Yohana 2:3

Hono cigakamise i malajilizo go Mulungu, ale ho cosuma kumanyila lukulu vyono cimumanyile.

1 Yohana 3:7

Anye wanangu, mulece kuvumila munhu yunji yamwajilizenyi. Na munhu wo wose mono yakwituma ze lingʼani, yuyo yo we lingʼani nha vyono Kilisito yali lingʼani muno.

3 Yohana 1:11

Gwe mwendece wangu, wulece kutyatya u musambo mubi, langa u musambo muswanu. Munhu wo wose mono yakwituma i ziswanu, yo wo Mulungu, ninga mono yakwituma i zimbi, yuyo yakali si namuwona u Mulungu.

Wugubule 12:9

Holeka ilizoka lilyo liwaha, likagumilwa kunze. Ne lizoka lilyo, yo nzoka yi yilya ye katali, yono kanyhi yicemagwa Ibilisi hamba Setani, mono kawakongaga we yinze wose. Heya likagumilwa kononze hamonga ne wamalayika walyo wose.

Wugubule 22:7

Yesu yakutya, “Ale wuhulicize ta! Ane nghuza musunho muno muno. Holeka yo mumoti munhu mono yakuzikamisa i zinghani zo wuwile wono wuli mu citabu cicino.”