Yakobo 1:18 - I CILAGANE CIPYA 1991

¹⁸ So wendo wakwe mweneco yacilela mu nghani yakwe ye mbeka, ho ciwe nha cili mikalo milongozi wa muli viwumbwa vyakwe.

Luganuzi Luswanu Kuli Wanhu Wose 2002

¹⁸ So wendo wakwe mweneco, yacilela mu nghani yakwe ye mbeka, ho ciwe nha cili mikalo milongozi wa muli viwumbwa vyakwe.

Yakobo 1:18 ပူးပေါင်းရင်းမြစ်များ

Yohana 1:13

Wono si waleleywe mu vilungo vye cimunhu munhu, hamba mu vilungo vyo munhu, hamba mu wuhile wo munhu, langa u Mulungu mweneco yo Sogo yawo.

Walumi 4:17

Nha vyono Mandiko Gono Gelile gakulonga, “Nghuwika ho wuwe sogwe we zinghungugo nyinji.” No wihuwizo wuwo wo we mbeka hali Mulungu mono Abulahamu yamwihuwila. U Mulungu mono yakuwawumifya i wafu, na kanyhi kavitambulaga i vinhu vyono vili hasina, navyo vikuwa.

1 Wakolinto 4:15

Ku soko, hamba muwe mwina walezi maelufu mu mikalile yenyu ye Cikilisito, ninga mwina u sogo yenyu yumonga du, hambi mu mikalile ye Cikilisito, nha yo nene mono namulelenyi, mu nzila yo kumuganulilenyi u Luganuzi Luswanu.

2 Wakolinto 6:7

mu nghani ye mbeka, na kwe vilungo vyo Mulungu. No wilingʼano, co citwalo cetu co kwitaziza ku lubavu lo kulume no lubavu lo kucekulu.

Waefeso 1:12

Holeka ase mono calongola kumwitumbila Kilisito, yicinojeye cilukumyaje u lukumyo lo Mulungu!

Waefeso 1:13

Nanye nyo wanhu we makungugo ganji, mwayihulika inghani ye Mbeka, wo wutya u Luganuzi Luswanu lono lwamuletelenyi u wukombozwe, mukamwihuwila Kilisito, nayo u Mulungu yakamuwicilenyi citanjilo so kumupelenyi u Muhe Mono Yelile mono yacihuwiziza, ho yalajile vyono ase cili wakwe.

2 Timoteyo 2:15

Wupiligale muno kwiwika mu mikalile ye lilumbo hali Mulungu nha mwitumami mono si yakuwuwonela cevu u mulimo wakwe, kanyhi mono yakwijiziza mu wulunji inghani ye mbeka.

Wahebelaniya 12:23

Mwaficila ku wutangʼano wuwaha we walelwa iwalongozi wo Mulungu, wono matagwa gawo gandicigwe ku wulanga. Mwimile hali Mulungu yo mulingʼanizi wa wose, na hamwande ye myuhe ye wanhu we lingʼani wono wanozwa wakwilaniciye.

Yakobo 1:15

Na lono wusulumizi wenjipa wulelaga wubi, nawo wubi kolo wakangala, wulelaga lifwa.

Yakobo 1:21

Holeka, muyilecelaje lukulu i mikalile yenyu mibi ne mijendele yose yo wavu, mwiwice mu miwoko yo Mulungu no kuyibocela nghani yiyilya yono hadikwe mu zinhumbula zenyu, yono yosuma kuziponya zinhumbula zenyu.

Yakobo 3:14

Ninga hono zinhumbula zenyu ziwe zimemile wivu, simbili no wiyendezi, ale, mulece kwituma wubi mu mbeka, ku soko yowikumizya i mahala genyu.

1 Petelo 1:23

Hambi nha mu nzila ye nghani nyumi yo Mulungu, inghani ye cibitilila, anye mwalelwa wupya, si mwinha i wana wo sogo ya munhu mono yadahile kulwa, langa usogo yo munhu mono siyadahale kufwa cibitilila.

1 Petelo 1:3

Yalumbwe Mulungu, u Sogo yo Mutwa wetu Yesu Kilisito! Ko lusungu lwakwe luwaha, yacinoza cilelwe wupya mu wuzukula Yesu muli wafu. Yakondya kucipela u witumbilo wo wumi,

1 Yohana 3:9

Munhu wo wose mono yaleleywe muli Mulungu, siketumaga wubi, vyono yakondya kuwa no wuwe wa cinya Mulungu muli mwene, nayo sikosuma kwituma wubi vyono u mwene yawa mwana wo Mulungu.

Wugubule 14:4

I wanhu wawo, wo wanhu wono weyikamisa mu wele wose, wono siwetumana makani go wusulumizi na wecicekulu, hambi wene nha wasindile. I wene wawo, wamutyatyaga Mwana we ngholo ko kose kono yakubita. Wawo wo wagulwa kulawa muli wanhu wanji, kanyhi wakawa wo walongozi kulavywa kuli Mulungu na kuli Mwana we ngholo.