Yakobo 1:17 - I CILAGANE CIPYA 1991

¹⁷ Ivipegwa vyose viswanu ne vilavywa vyose vyono vikwilaniciye vilawaga ku wulanga, vilawaga kuli Sogo ya munhu, u Muwumbi we mazelu ga ku wulanga, mono yasina cipitupitu hamba yasina cinji co cose cono cosuma kumuletela wupituce.

Luganuzi Luswanu Kuli Wanhu Wose 2002

¹⁷ Ivipegwa vyose viswanu ne vilavywa vyose vyono vikwilaniciye vilawaga ku wulanga, vilawaga kuli Sogo yo munhu, u Muwumbi we mazelu ga ku wulanga, mono yasina cipitupitu hamba yasina cinji co cose cono cosuma kumuletela wupituce.

Yakobo 1:17 ပူးပေါင်းရင်းမြစ်များ

Matayo 7:11

Holeka hono anye mono muli wabi, ninga mumanyile kuwapela iwana wenyu ivinhu viswanu, mbeka, u Sogo yenyu wa ku wulanga kokwituma nha vivyo yacizilize, nayo kowapela iviswanu wose wono wakumulomba.

Luka 11:13

Hono anye mono muli wabi mumanyile kuwapela wana wenyu vinhu viswanu, u sogo yenyu wa ku wulanga yo yacilile, u mwene kuwapela Muhe Mono Yelile wono wakumulomba.”

Yohana 1:9

Awu wo wuzelu we mbeka, u wuzelu wono wukuza mono yinze, no kuwamulicila wanhu wose.

Yohana 3:27

Yohana yakapitula yakatya, “Munhu si kosuma kuwa na cinji, hono yalece kupegwa no Mulungu.

Yohana 3:3

Yesu yapitula yakamutya, “Ane nghukulonjela mbeka, vyono hono munhu yalece kulelwa wupya, si kosuma kuwuwona wutemi wo Mulungu.”

Yohana 8:12

Yesu lono yaduwaga ne Wafalisayo kanyhi, yakawalonjela, yakutya, “Ane yo nene wuzelu we yinze. Mono yakunhyatya nene, si kojendela lukulu mu wutitu, langa kowa no wuzelu wo wumi.”

Metumo ge Watumwa 11:18

Waza kuzihulika zizi, wakanyamala, wakamukumyo Mulungu wakutya “U Mulungu kawapela wanhu we Makungugo ganji cilejeho co kunena ho wawutuje wumi!”

Metumo ge Watumwa 5:31

Yuyo yo Mulungu yamwinula sunga ko ku muwoko wakwe wo kulume, yakawa Mulongola no Muponyi, yawapele wa Isilayeli u wunene, ho wanenelwe uwubi wawo.

Walumi 6:23

Hambi u musahala wo wubi nha yifwa, langa icipegwa cono yakulavyo Mulungu, wo wumi we cibitilila mu wilunza na Yesu Kilisito u Mutwa wetu.

1 Wakolinto 4:7

Hambi nani mbi mono yakukuwona agwe nha wuli cinji hamwande ye wanji? Hamba alu wina ci cici kanyhi cono siwapegwa, alu nhawule kanyhi wukwilumbilila mu cinhu cico, kotya nha munhu mono wukali si napegwa?

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kungʼalala mu wusu wa Kilisito.

Waefeso 1:18

Nghumulomba u Mulungu yazidigule izinhumbula zenyu ho zisume kuwuwona u wuzelu wakwe, ho musume kuwutanga u witumbilo wono yamucemelenyi, no lukumyo luwaha lwe vipegwa vyono yawawicila iwanhu wakwe,

Waefeso 2:8

Hambi nha mwakombozwa ku so lihewa lyo Mulungu mu nzila yo wihuwilo. Ne nghani yiyi si yili mu wuhidimbale wetu, langa cipegwa co Mulungu du.

Wafilipi 1:29

Hambi anye nha mwapegwa cipegwa co kumwitumamila Kilisito, si so kumwihuwila du, langa na so kugazwa ku soko yakwe nha vivilya.

1 Timoteyo 6:16

Umwene yali wene du yo kekalaga mumi cibitilila, kanyhi kekalaga mu wuzelu wono hasina munhu wo wose mono yadahile kuwusejelela. Hasina munhu mono yasuma kumuwona, hamba mono kosuma kumuwona. Kuli mwene lyeze yilumbo ne vilungo vye cibitilila! Heya.

Wahebelaniya 13:8

Yesu Kilisito yo yuyo du igolo ne zuwali, na ku cibitilila.

Yakobo 1:5

Na hono muyenyu yunji yawe yanjiye mahala, ale, yimunojeye yamulombe Mulungu mono komupela, hambi Mulungu nha kawapelaga wose kwa winji, na kwe nhumbula swanu.

Yakobo 3:15

Mahala gono genha nha vivi, sigalawaga kucanyha ku wulanga, langa imahala gago ga kononze, kanyhi ga ciyinze yinze, na kanyhi ga cisetani.

Yakobo 3:17

Ninga imahala gono galawaga kucanyha ku wulanga, gene gelile, gendile mulamu no wupolo, kanyhi galulaga wanhu, gamemile lusungu kanyhi galelaga mikalo ye metumo maswanu, gasina wuwaguzi hamba wukoci.

1 Yohana 1:5

I nghani yono cayihulika kuli Yesu, yono cikumulonjelenyi nha yoyi, u Mulungu wo wuzelu, na muli mwene, musina hamba citi.

1 Yohana 4:10

No wendo vyo winha nha vivi, si vyono ase camula kumwenda Mulungu, langa u mwene Mulungu yo yacenda, sunga yakawa kumutuma u Mwanagwe ho yawe ikumbiko lyo kuciwusiza wubi wetu.

Wugubule 21:23

Ne likaya lilyo si likusaka izuwa, hamba mwezi vilimulicile, hambi u lukumyo lo Mulungu nha lolukuwa kulimulicila, ne zitala zalyo, yo yuyo u Mwana we ngholo.

Wugubule 22:5

I cilo si colokwijela kanyhi, hamba si wolosaka wuzelu we tala hamba weʼzuwa, hambi u Muwaha Mulungu nha kowamulicila, nawo wotema cibitilila ne cibitilila.