Wugubule 9:20 - I CILAGANE CIPYA 1991

²⁰ I wanhu wanji wono wasigala, wono si wawulagwa no wongomezwe wuwo, nawo hamba si wanena no kuyileka vinhu vyono wali wavinozize kwe miwoko yawo weneco, langa wakajendelela du kuhemba masetani, ne vihwani vye zahabu, na vye fweza, na vye cuma cizelu, na vye mabwe, na vye mabici, vinhu vyono sivikusuma hamba kuwona yaye, hamba kuhulika, hamba kujenda.

Luganuzi Luswanu Kuli Wanhu Wose 2002

²⁰ I wanhu wanji wono wasigala, wono si wawulagwa no wongomezwe wuwo, nawo hamba si wanena, no kuvileka vinhu vyono wali wavinozize kwe miwoko yawo weneco, langa wakajendelela du kuhemba masetani, ne vihwani vye zahabu, na vye fweza, na vye shaba, na vye mabwe, na vye mabici, vinhu vyono sivikusuma hamba kuwona yaye, hamba kuhulika, hamba kujenda.

Wugubule 9:20 ပူးပေါင်းရင်းမြစ်များ

Matayo 21:32

Hambi Yohana nha yamuzizenyi yakamulajililenyi i nzila swanu ye mikalile, ninga anye hamba si mwamwihuwila, ninga i watoweza kodi, sunga ne wasenyha wakamwihuwila. Ninga anye hamba muwe mwaziwona zizo zose, si mukasaka kuzikawaniza i zinhumbula zenyu no kumwihuwila.”

Metumo ge Watumwa 17:29

“Ale, holeka hono ase cili wana wo Mulungu, si yicinojeye kumuganiciza u Mulungu nha cihwanicizo ca Zahabu, lunji Pesa, lunji yibwe lyono lisesigwe no kutajilwa wihambo ne wanhu.

Metumo ge Watumwa 19:26

Alu mosuma kuhulika no kwiwonelela moweneco zono Pawulo yakwituma, si baha du hono Efeso, langa sunga na mu Asiya yose nha vivyo. Mwene yawakwega wanhu no kuwapitula, sunga walumba vyono, milungu yiyo yono minozwe ne wanhu, si milungu hamba hadodo.

Metumo ge Watumwa 7:41

Baho ho wenozeza cihwani ca ndama, wakacikumbika, wakacisecelela cinhu cono wacinoza kwe miwoko yawo weneco.

2 Wakolinto 12:21

Kanyhi nghogopa, na lunji kolo neza kuza mu muhinzo wuwo wono nokuza, u Mulungu wangu komhela u wula nyemo hali nyenye, nane nolila ku soko ya wenji wa muli nyenye wono wetuma wubi hamba kunena wuwo wavu wawo, ne masulumizi gawo mabi, hamonga ne mawubi gawo go wusenyha wawo, gono wali wakondya kwituma.

1 Timoteyo 4:1

Ningo Muhe yakulonga ciwonelela vyono mu vilo vyono vikuza, iwanhu wanji wolowulecela lukulu u wihuwilo, nawo woloyihulicila i myuhe yo wukoci, no kwibata mafundo ge masetani.

Wugubule 15:1

Hanyuma nghawona citanjilo cinji ku wulanga citanjilo JL ciwaha muno kanyhi ca wizine. Baho hali na wamalayika wali mupunghati, wena magazo mupunghati ge ndumilizo. Ne likuwo lyo Mulungu lyomalicila mu magazo gago mupunghati.

Wugubule 16:8

Nayo malayika we kane yakalijidila libakuli lyakwe mwizuwa. Nalyo lizuwa likapegwa vilungo vyo kuwanyanya wanhu ko moto walyo.

Wugubule 9:19

hambi vilungo vye zifwalasi zizo, nha vyali vili mu milomo yazo sunga na mu micila yazo. Ne micila yazo yali yina mitwe, yihwanile ye zinzoka, nazo zetumamilaga i micila yiyo kuwatamisiza wanhu.

Wugubule 9:21

Hamba si wanena no kuwuleka wuwulaji wono wakwituma, hamonga no wuhawi wawo, hamonga no wusenyha wawo, sunga no wuhizi wawo.