Wugubule 8:10 - I CILAGANE CIPYA 1991

¹⁰ Hanyuma malayika we kadatu nayo, yakayitowa ndulele yakwe. Ne nyelezi mbaha yono yakaga nha moto, yikagwa kulawa ku wulanga, nayo yikagwila mwibimha lye kadatu lye makolongo ne mivwilo ye malenga.

Luganuzi Luswanu Kuli Wanhu Wose 2002

¹⁰ Hanyuma malayika we kadatu nayo, yakayitowa ndulele yakwe. Ne nyelezi mbaha yono yakaga nha moto, yikagwa kulawa ku wulanga, nayo yikagwila mwi'bimha lye kadatu lye makolongo ne mivwilo ye malenga.

Wugubule 8:10 ပူးပေါင်းရင်းမြစ်များ

Matayo 25:1

“Lulo baho, u Wutemi wa ku wulanga wolokwihwananizwa ne wahinza ikumi wono wasola zitala zawo, wakawa kubita kumuhinjliiza bwana halusi.

Luka 10:18

Mwene Yesu yakawatya, “Namuwona Setani yakugwa yakulawa ku wulanga kotya limuli.

Yuda 1:13

I wanhu wawo wehwanile i mawingo ge lilenga gono gagalile, ne metumo gawo ge cevu, gejeye calinze nha mafulo ge mawingo. Wene wawo wehwanile i zinyelezi zono zikuyumbayumba, wono u Mulungu yawawiciye i hanhu hawo cibitilila ha wutitu wuwaha.

Wugubule 1:20

Ne nhunizo hundikwe ye zinyelezi zo mupunghati zono wuziwene mu muwoko wangu wo kulume, hamonga ne nhunizo hundikwe yo wuwiko wu wulya we zitala mupunghati za zahabu, nha yoyi, zi zilya i zinyelezi zo mupunghati, wo wamalayika we makanisa go mupunghati, na wulya u wuwiko mupunghati we zitala, go makanisa mupunghati.

Wugubule 12:4

Lizoka lilyo likazikwejenha zinyelezi za mu mwanya, ibimha lye kadatu, no mucila walyo, no kuzigumila kononze. Nalyo likema behi no mucekulu yuyo mono yali yeza behi no kusawo mwana, nalyo likawa liwikanizize lukulu ho limumelo mwana yuyo baho du yalakulelwa.

Wugubule 14:7

Nayo malayika yuyo yakalonga kweʼzi yiwaha yakutya, “Ale mumogopajo Mulungu, kanyhi mumukumye! Hambi cidaha co kulavye ningʼaniza yakwe, nha cakondya kuza. Holeka mumuhembaje mweneco mono yawumba wulanga ne yinze, lilenga ne mivwilo ye malenga.”

Wugubule 16:4

Malayika we kadatu nayo yakalijidila libakuli lyakwe mu makolongo na mu mivwilo ye malenga, navyo vyose vikagaluka sakami.

Wugubule 6:13

Zinyelezi nazo zo wulanga, zikagwa hasi nha mana go mukuyu gono si gakangaye, vyono gakunghunhikaga lono mubici wayo wukusinjiswa ne mbeho mbaha.

Wugubule 8:7

Malayika u mulongozi yakayitowe ndulele yakwe. Hobaho yikagwa kononze mvula ya mabwe, yono yali yihangahanjile no moto, hamonga ne sakami. Ne libimha lye kadatu lye yinze likatakamila, ne libimha lye kadatu lye mabici likatakamila, hamonga ne mahanze gose ge dedede gakatakamila.

Wugubule 9:1

Hanyuma malayika we hano nayo yakayitowe ndulele yakwe. Nane nghayiwona nyelezi yono yali yigwiye mono yisi, yilawiliye ku wulanga. Nayo nyelezi yiyo yikapegwa funguwo ye likombo lyo wuninyina.

Wugubule 9:15

Nayo malayika yakawawopolela wawo wane, wono wali wakondya kuwikanizwa so lipango lilyo lye lizuwa lyo mwezi wuwo wo mwaka wuwo, ho wawulaje libimha lye kadatu lye wanhu.

Wugubule 9:18

Ne libimha lye kadatu lye wanhu, wawulagwa na gago mawulaji madatu, moto, ne lyosi, ne cibiliti, vyono vyalawilaga mu milomo yazo,