Wugubule 6:4 - I CILAGANE CIPYA 1991

⁴ Nane naza kulanga, kumbe kanyhi hakawa na fwalasi yinji ndunghu baho. Nayo mono yali yali mucanyha yayo, yakapegwa vilungo vyo kuleta wulugu mononze, wanhu wewulaje, kanyhi yakapegwa no mumaje muwaha muno.

Luganuzi Luswanu Kuli Wanhu Wose 2002

⁴ Nane nali neza kulanga, kumbe kanyhi hakawa na fwalasi yinji ndunghu baho. Nayo mono yali yali mucanyha yayo, yakapegwa vilungo vyo kuleta wulugu mono'nze, wanhu wewulaje, kanyhi yakapegwa no mumaje muwaha muno.

Wugubule 6:4 ပူးပေါင်းရင်းမြစ်များ

Matayo 10:34

“Mulece kutya mba naza ho ndete mulamu kononze. Ane si naza ho ndete mulamu aa, ngʼo, langa mumaje.

Matayo 24:6

Kanyhi molohulika muli zo wulugu, ne zinonga nonga zo wulugu, ninga anye mulece kwihwelela, hambi zizo, nha zinojeye zize, ninga ndumo yeneco yowa yikali si nawa.

Yohana 19:11

Yesu yakamupitula yakatya, “Si wali wuwe no wulajilize wo wose kuli nene hamba hadodo, hono wali wulece kupegwa no Mulungu. Ku soko yiyo, yuyo mono yandavizye kuli gwegwe, kacila kuwa no wubi.”

Wugubule 12:3

I citanjilo cinji kanyhi cikejela ku wulanga. Kukawa na nzoka mbaha ndunghu yono yina mahembe ikumi ne mitwe mupunghati, ne mitwe yiyo yikawa yina mutwe no mukumbo wayo.

Wugubule 13:10

Nawo wono wawicilwa ho wasolwe mateka, awo wolosolwa mateka du, nawo wono wawicilwa ho wawulagwe ko mumaje, awo nawo wolowulagwa, ko mumaje du. Holeka yiwanojeye i wanhu wo Mulungu wawe no wukangalile wuwaha hamonga no wuhuwilo.”

Wugubule 17:3

Hanyuma nghasolwa no Muhe, yakanhegula sunga ko ku nyika. Na kuko, nghawona mucekulu yekaye mucanyha ye lilimu yidunghu. Ne lilimu lilyo lyali lyandicigwe matagwa ge nhovu hose mu muwili walyo wose, nalyo lyali lina mitwe mupunghati ne mahembe yikumi.

Wugubule 17:6

Nghamuwona mucekulu yuyo yagalile i sakami ye wanhu wo Mulungu, ne sakami ye wanhu wono wawulagwa ku soko yo kumuganula Yesu. Nane nalimuwona, nghezina wizine wuwaha muno muno.