Wugubule 6:12 - I CILAGANE CIPYA 1991

¹² Nane nghawona lono Mwana we ngholo yakabena cinamatizo co mutandatu, kukawa neʼtulo yiwaha lye yisi, ne lizuwa likatukuwala nhe mwenda ititu no mwezi nawo, wukadunghuwala nha sakami.

Luganuzi Luswanu Kuli Wanhu Wose 2002

¹² Nane nghawona lono Mwana we ngholo yakacinamatula cinamatizo co mutandatu, kukawa ne'tulo yiwaha lye yisi, ne lizuwa likatukuwala nhe mwenda yititu no mwezi nawo, wukadunghuwala nha sakami.

Wugubule 6:12 ပူးပေါင်းရင်းမြစ်များ

Matayo 11:21

“Woyi he, kuliʼgwe go Kolazini, woyi he, kuliʼgwe, go Betesayida. Hambi i mapoto gono ganozezwa kuliʼgwe, hono gali ganozezwe ku Tulo na Sidoni, iwanhu wa mumo mhali wavwala katali vivwalo vye magunila, no kwibaka i mavu, ho walajile vyono wanena.

Matayo 24:29

“Ninga u wugaye kolo wapuluta, lulo baho du ilizuwa lyolotukuwazwa, no mwezi nawo si wolosana ngʼo, ne zinyelezi nazo zologwa ku wulawa kucanyha, ne vilungo vyo wulanga, vyolosinjiswa.

Matayo 24:7

Likungugo lyokwihoma ne likungugo liyagwe, no wutemi nawo wokwihoma no wutemi wuyagwe. Ne mazala nago gokuza ako na ako, sunga ne matulo ge yisi nago gokuza.

Matayo 27:45

Na muwulawa mu saa sita mu misi, sunga mu saa tisa, yisi yose yikawa mu wutitu.

Matayo 27:54

Hodu, yuyulya u muwaha we wasilikale igana, sunga na wawalya wono wamudimaga Yesu, wali weza kuwona u wucicime we yisi, sunga na zose zono zejela, Oo! wakogopa muno muno, wakatya, “Mbeka u munhu ayu, yali Mwana wo Mulungu.”

Matayo 28:2

No wucicime we yisi wukaza kwa nhinicizo muno na Malayika wo Muwaha yakatima kuwulawa ku wulanga, yakaliwusa i libwe lililya, nayo yakalikalila mucanyha yayo.

Maluko 15:33

Kuwulawa mu saa sita ye misi, sunga ku saa tisa ye misi, kukawa kutitu tuku muʼsi yose.

Wugubule 11:13

Na mwidaha lilyo likaza itulo yiwaha lyeʼsi, ne libimha lye likumi lye likaya likagwa. Ne wanhu elufu mupunghati wakawulagwa ku soko ye litulo lilyo lye yisi. Ne wanhu wono wasigala wakawa kogopa muno, wakamukumyo Mulungu wa ku wulanga.

Wugubule 16:18

Hodu, kukawa na mamuli, mazozo, mabalalusi, ne litulo liwaha lyeʼsi, litulo lyeʼsi lyono likali si nejela hamba hadodo kuwulawa lono Mulungu yamuwumbilo munhu.

Wugubule 16:8

Nayo malayika we kane yakalijidila libakuli lyakwe mwizuwa. Nalyo lizuwa likapegwa vilungo vyo kuwanyanya wanhu ko moto walyo.

Wugubule 8:12

Malayika we kane nayo yakayitowe ndulele yakwe. Na hobaho libimha lye kadatu lye lizuwa, na lyo mwezi, na lye zinyelezi likatowa, sunga no wuzelu wayo, wukatukuwazwa libimha lye kadatu lyo wungʼalale wayo. Ne libimha lye kadatu lye misi likawa lisina wuzelu, sunga ne libimha lye kadatu lye cilo, nalyo nha vivyo.

Wugubule 8:5

Hanyuma yuyo, yakasola cifusizo, yakacimemya moto wono yawusola mu wukumbicilo, yakacigumila kononze. Baho hakawa na mabalalusi, ne mazi, ne mamuli, sunga ne litulo lye yisi.