Wugubule 4:8 - I CILAGANE CIPYA 1991

⁸ Ne viwumba vivyo vyose vyono vine, vyali vina mabawa mutandatu mutandatu, kanyhi vyali vimemile meso, mugati na mudeha. Navyo vikalaga vikwimba hamba kuceha cilo ne misi, vikutya, “Welile, welile, welile, yo Muwaha Mulungu Mono yali vilungo mono yali, mono hoyuli, na mono yakuza.”

Luganuzi Luswanu Kuli Wanhu Wose 2002

⁸ Ne viwumbwa vivyo vyose vyono vine, vyali vina mabawa mutandatu mutandatu, kanyhi vyali vimemile meso, mugati na mudeha. Navyo vikalaga vikwimba hamba kuceha cilo ne misi, vikutya, “Welile, welile, welile, yo Muwaha Mulungu u Mudaha vyose mono yali, mono hoyuli, na mono yakuza.”

Wugubule 4:8 ပူးပေါင်းရင်းမြစ်များ

Metumo ge Watumwa 20:31

Holeka mwikalaje meso, mweze kumbucila vyono, mu myaka midatu cilo na misi, si nadilaga kumulanjizenyi wose ne mahozi.

2 Wakolinto 6:18

Ane nowa Sogo yenyu, nanye mowa wanangu, we cilume na we cicekulu U Muwaha Mono yali Vilungo, vyo yakutya.”

1 Watesalonike 2:9

Nye wandugu zangu, mukumbuciye vyono cetuma u mulimo hamonga ne magaziko. Lono camuletelenyi u Luganuzi Luswanu lo Mulungu, hambi nha cetumaga mulimo ku misi na ku cilo, ho cilece kuwa mutegulo kuli munhu wo wose muli nyenye.

1 Timoteyo 4:16

Wiyikamisaje muno muno go mweneco hamonga ne mejizo gako. Wuhidimbale muno muno mu wituma zizo, hambi nha kokwiponya go mweneco, hamonga na wawo wono wakukuhuliciza.

2 Timoteyo 4:2

holeka wuyiganulaje nghani yiyo, wiyohaje du kuyiganula (mu cipango cono cinojeye, hamba yiwe mu cipango cono si cinojeye), kalipile no kulanjiza, kanyhi wuwaswaswanizaje wanhu wose, akuno wukuwejiza ko wukangalizi wose.

Wahebelaniya 13:8

Yesu Kilisito yo yuyo du igolo ne zuwali, na ku cibitilila.

Wugubule 1:4

Ane yo nene Yohana mono nghugandicila makanisa mupunghati gono gali mu yisi ya Asiya. Ilihewa no mulamu vyeze kulinye ku wulawa kuli mwene mono hoyuli, mono yali ho yali, kanyhi mono yakuza, na kanyhi ku wulawa kuli i myuhe mupunghati yono yikalaga heʼgoda lyakwe lyo lukumyo,

Wugubule 1:8

“Ane yo nene wo Mwamulizo na wo Mudumo, vyo yakutya Muwaha Mulungu Mono yali Vilungo, mono hoyuli, mono yali ho yali, na mono yakuza.”

Wugubule 11:17

“Muwaha Mulungu Mudaha vyose mono wuli ho yuli, na mono wali wuli baho! Cikukulumba, vyono kwitumamila vilungo vyako viwaha wukamula kutema!

Wugubule 14:11

Lyosi lyo moto wo wugazwe wawo, lifunghaga cibitilila ne cibitilila. I wanhu wawo langa wono walihembaga lilimu lilyo hamonga ne cihwani calyo, kanyhi wakawicilwa ne citanjilo ce litagwa lyalyo, wawo wolowa wasina wucehe wo wose ku misi na ku cilo.

Wugubule 14:3

Nawo wa walya i wanhu elufu igana limonga na mkumi mane na yine wembaga u lwimbo lupya ha mwande ye ligoda lyo wutemi na hali avilya viwumbwa vine vyumi, hamonga na wa walye wawaha. Na hasina munhu mono yasuma kwijizo lwimbo lulo, langa hono si wa walya du wanhu we ligana limonga na makumi mane na yine elufu wono wagulwa mononze.

Wugubule 15:3

Nawo wembaga u lwimbo lwa Musa u mwitumami wo Mulungu, no lwimbo lo Mwana we ngholo, wakutya, “Muwaha Mulungu, u Mudaha vyose i metumo gako ga wizine muno muno! Gwe go Mutemi we makungugo, zinzila zako zo ze wilingʼano kanyhi za mbeka!

Wugubule 15:7

Hanyuma ciwumbwa cinji ciyagwe ne viwumbwa vivilya vine vyumi, cikawapela wawalya wamalayika mupunghati, mabakuli ga zahabu gono gamemile likuwo lyo Mulungu, mono kekalaga cibitilila ne cibitilila.

Wugubule 16:14

Ayi yo myuhe ye masetani yono yinozaga mapoto. Yiyi myuhe midatu yo yiyo yono yiwabitilaga watemi we yinze yiyi yose, no kuwakonghola hamonga ho wehome wulugu wuwaha mwizuwa liwaha lyo Mulungu Mudaha vyose.

Wugubule 16:7

Hanyuma nghahulika lizi kulawa mu cikumbicilo, likutya, “Heya go Mulungu u Mudaha vyose, i ningʼaniza yako yo ye mbeka kanyhi ye lingʼani.”

Wugubule 19:15

No mumaje mukali wukulawa mu mulomo wakwe, nayo kowasumila, we makungugo, u mumaje wuwo. Nayo yo mweneco mono kotema muli wene ne nghome ya cuma, akuno yakuminyila idivayi mu ciya co kuminyila zizabibu ze likuwo liwaha lyo Mulungu u Mudaha Vyose.

Wugubule 19:4

Nawo i wawaha wawalya makumi mejete na wane, hamonga ne viwumbwa vine vyumi, wakagwa hasi, wakamuhembo Mulungu mono yekaye mwigoda lyo wutemi, akuno wakutya, “Heya! Mulungu yalumbwe!”

Wugubule 21:22

Hamba si nawona wuhembelo mwikaya lilyo, hambi u Muwaha Mulungu u Mudaha vyose, hamonga na yuyulya u Mwana we ngholo, nha wo wuhembelo walyo.

Wugubule 3:7

“Kuli malayika we likanisa lya Filadelifiya wandice nhavi, “Ayi yo nghani yono yikulawa kuli mwene mono yelile kanyhi we mbeka, mono yena funguwo ya Dawudi, mono kawudigulaga, hamba hasina kanyhi munhu mono kosuma kudinda, mono kadindaga, hamba hasina kanyhi munhu mono kosuma kuwudigula.

Wugubule 4:4

Hakawa hogali magoda makumi mejete na mane gono gali galipilime ligoda lyo wutemi, na mu magoda gago, wali wekaye wawaha makumi mejete na wane, nawo wali wavwalile vivwalo vizelu, na mu mitwe yawo, wali wavwalile mikumbo ya zahabu.

Wugubule 4:6

Na hamwande ye ligoda lyo wutemi, hali ho cili cinhu cinji cono cihwanile malenga ga cilole, ne malenga gago gakawa gakungʼalala kotyeʼbwe lyono likungʼalala muno muno. Na mu mbavu zose ze ligoda lilyo lyo wutemi, mu wupilime walyo, kwali kovili viwumbwa vine vyumi. Ne viwumbwa vivyo vikawa vimemile meso, ku mwande na kunyuma.

Wugubule 4:9

Na lono viwumbwa vi vilya vine vyembaga zinyimbo zo kumukumya, na ze cogopo, hamonga no kumulumba yuyo mono yekaye mwigoda lyo wutemi, mono kekalaga cibitilila ne cibitilila,

Wugubule 5:6

Hanyuma nghawona u Mwana we ngholo yemile haciligati ye ligoda lyo wutemi, yapilimwe mbavu zose na vivilya viwumbwa vyumi, hamonga na wawalya wawaha. Na yuyo Mwana we ngholo yakawa kwijela nha muwulagwe. Yali yena mahembe mupunghati, ne meso mupunghati, nayo yo myuhe mupunghati yo Mulungu, i myuhe yono yali yategulwa hanhu hose mononze yose.

Wugubule 6:1

Hanyuma nghawa kumuwona u Mwana we ngholo yakunamatula cinamatizo cinji ca muli vinamatizo vi vilya mupunghati. Nghahulika ciwumbwa cimonga ca muli viwumbwa vine vyumi, cikulonga kweʼzi ʼwaha neʼzi lye balalusi cikutya, “Wuze!”

Wugubule 6:6

Nghahulika cinhu cinji kotya nha yizi lyono likulawilila kuli vi vilya viwumbwa vine vyumi. Nalyo lizi lilyo likatya, “Cibaba cimonga ca wusaje wa ngano, cogulwa dinali monga, na vibaba vidatu vya sayili, navyo vyogulwa dinali monga nha vivyo. Ninga wulanjilile, wulece kuhodanga mafuta hamba divayi!”

Wugubule 7:11

Nawo wamalayika wose wakenuka, wakalipilima ligoda lyo wutemi, hamonga na wa walya wawaha hamonga na vi vilya i viwumbwa vine. Wose wakagwa funama heʼgoda lyo wutemi, wakamuhembo Mulungu,

Wugubule 7:15

Holeka wukuwawona wali heʼgoda lyo wutemi lyo Mulungu. Nawo wamwitumamilaga u Mulungu mu wuhembelo wakwe, misi na cilo, nayo mono yekaye mwigoda lyo wutemi, nayo kokoma lihema lyakwe muli wene ho yawadime.