Wugubule 3:8 - I CILAGANE CIPYA 1991

⁸ Ninga manyile metumo gako gose! Langa ta, nakondya kuwudigula u mulango ha mwande yako, wono hasina munhu mono kosuma kuwudinda. Manyile vyono hamba wuwe wina vilungo vicefu, ninga hamba nha vivyo, wugebate ne mejizo gangu, wuyikamise ne nghani yangu, kanyhi hamba si walikana ne litagwa lyangu yaye.

Luganuzi Luswanu Kuli Wanhu Wose 2002

⁸ Ninga manyile metumo gako gose! Langa ta, nakondya kuwudigula u mulango ha mwande yako, wono hasina munhu mono kosuma kuwudinda. Manyile vyono hamba wuwe wina vilungo vicefu, ninga hamba nhavivyo, wugebate ne mejizo gangu, wuyikamise ne nghani yangu, kanyhi hamba si walikana ne litagwa lyangu yaye.

Wugubule 3:8 ပူးပေါင်းရင်းမြစ်များ

Luka 12:9

Ninga mono yakunghanila hali wanhu, nayo kolokanilwa hali Wamalayika wo Mulungu.

Yohana 15:20

Mukumbucile inghani yono namulonjelenyi, yono natya, “U mwitumami si yamucizize u muwaha wakwe.” Hono ane wangaza, womugazenyi na nyenye nha vivyo. Na hono wawe wayibata inghani yangu, woyibata ne nghani yenyu nha vivilya.

Yohana 17:6

“Nane nghunoza agwe, wumanyice kuli wanhu wono wamhela kononze. Wali wanhu wako, nagwe ukamhela wawe wangu, nawo wayikamise inghani yako.

Metumo ge Watumwa 14:27

Waza kufika kuko ku Antiyokiya, wakacema mukungʼano wa Kanisa ya baho. Wakawasimuliziza zose zono Mulungu yetumile hamonga nawo, kanyhi vyono Mulungu yawadiguliye mulango, iwanhu we makungugo ganji, ho wenjile mu wihuwilo.

1 Wakolinto 16:9

Hambi nha ndiguliywe mulango mugazi muno muno ku soko yo mulimo wangu muwaha wono wuli baha, hamba hawe howali na wenji wono wakumhinga mhinga.

2 Wakolinto 2:12

Lono nali neza kufika ku Tulowa kuluganula u Luganuzi Luswanu lwa Kilisito, nghagana u mulango wuli mwazi ku soko yo mulimo wo Muwaha.

Wafilipi 4:13

Nosuma kuwa mu wuwe wo wose, hambi Kilisito nha yo kamhelaga i vilungo.

Wakolosayi 4:3

Mucilombelaje na sese nha vivyo, u Mulungu ho yacipele i cilejeho co kuyiganulila i nghani yakwe Kilisito yono hundikwe. Alu ane nili mu jela ku soko ya yiyo.

1 Timoteyo 5:8

Ninga munhu mono si kalulaga wanhu we mhuga yakwe, ko muno wawalya wa mu kaya yakwe, ale, umunhu yuyo yakondya kuwukana wihuwilo, kanyhi mubi kuciza no munhu yuyo mono siyehuwiye.

2 Timoteyo 4:7

Hidimbala muno mu wisumanize, muhinzo niwumala viswanu, sunga no wihuwilo nawo niwukamisa.

Yuda 1:4

Hambi nha howali wanji wono siwamwihuwiye u Mulungu, wono weyinjize cinyele muli sese, i wanhu wono so cambuzi ce mikalile yawo mibi, wakuyipitulasya inghani ye lihewa lyo Mulungu wetu no kumukana Yesu Kilisito u mulongola wetu we ciwene no Muwaha wetu. Ninga i Mandiko Gono Gelile, gali gakondya kulonga zo wulingʼanizwe wono wuwalindiye i wanhu wawo kulawa katali.

Wugubule 2:13

Manyile kono wikaye. Agwe wikaye ku wikalo wuwaha wa Setani! Ninga hamba nha vivyo, wukali wibatiliye litagwa lyangu, hamba si wunakana u wihuwilo wako wa kuliʼne, sunga na mu vilo vya Antipa, muhomelezi wangu mwihuwilwa, lonoyawulajilwa i hanhu hono kekalaga Setani.

Wugubule 2:2

Manyile i metumo gako gose, niwumanyile no wuhidimbazi wako, hamonga no wukangalizi wako wose. Kanyhi manyile nha vyono si wukusuma kuwakangalila wanhu wabi, kanyhi na vyono wakondya kuwamanya awalya wono wakwiyitya watumwa, nawo wo si wene, kumbe wakulonga wulambi.

Wugubule 22:7

Yesu yakutya, “Ale wuhulicize ta! Ane nghuza musunho muno muno. Holeka yo mumoti munhu mono yakuzikamisa i zinghani zo wuwile wono wuli mu citabu cicino.”

Wugubule 3:1

“Kuli malayika we likanisa lya Salidisi wandice nhavi. “Ayi yo nghani yono yikulawa kuli mwene mono yena myuhe mupunghati yo Mulungu, hamonga ne zinyelezi mupunghati. Nigamanyile i metumo gako gose, manyile vyono wumanyice nha wuli mumi, kumbe ho wufwiye!

Wugubule 3:10

Vyono agwe wakamisa i lilajilizo lyangu lyo wukangalile, ale nha vivyo nane nokukamisa mwipango lyo wugaye lyono likuwaziza wa kononze wose, no kuwajela wono wekaye mononze wose.

Wugubule 3:15

Nigamanyile metumo gako gose! Manyile vyono agwe si wuli zizizi, hamba si wuli moto. Wali wuwe ciba, wuwe wuli kumonga du, zizizi hamba moto.

Wugubule 3:7

“Kuli malayika we likanisa lya Filadelifiya wandice nhavi, “Ayi yo nghani yono yikulawa kuli mwene mono yelile kanyhi we mbeka, mono yena funguwo ya Dawudi, mono kawudigulaga, hamba hasina kanyhi munhu mono kosuma kudinda, mono kadindaga, hamba hasina kanyhi munhu mono kosuma kuwudigula.