Wugubule 3:7 - I CILAGANE CIPYA 1991

⁷ “Kuli malayika we likanisa lya Filadelifiya wandice nhavi, “Ayi yo nghani yono yikulawa kuli mwene mono yelile kanyhi we mbeka, mono yena funguwo ya Dawudi, mono kawudigulaga, hamba hasina kanyhi munhu mono kosuma kudinda, mono kadindaga, hamba hasina kanyhi munhu mono kosuma kuwudigula.

Luganuzi Luswanu Kuli Wanhu Wose 2002

⁷ “Kuli malayika we likanisa lya Filadelifiya wandice nhavi, ‘Ayi yo nghani yono yikulawa kuli mwene mono yelile kanyhi we mbeka, mono yena wufunguwo wa Dawudi, mono kawudigulaga, hamba hasina kanyhi munhu mono kosuma kudinda, mono kadindaga, hamba hasina kanyhi munhu mono kosuma kuwudigula.

Wugubule 3:7 ပူးပေါင်းရင်းမြစ်များ

Matayo 16:19

Nane nokupela gwegwe zifunguwo zo wutemi wa ku wulanga, na yowa, co cose cono kocidindila mononze, cowa cadindilwa nha vivyo na ku wulanga, na co cose cono kocidigulila mononze, naco cowa cadigulilwa nha vivyo na ku wulanga.”

Matayo 24:35

U wulanga ne yinze, heya vyopuluta, ninga i zinghani zangu, si zolopulutila lukulu.

Maluko 1:24

yakazoza, yakutya, “Alu wina nghanici nase, agwe Yesu wa Nazaleti? Alo kuza ho wucongomeze? Nghumanyile vyono wuli nani, yo gwegwe mono welile wo Mulungu!”

Luka 1:32

Mwene kowa Muwaha, nayo kocemwa mwana wo Mulungu mono yalawiliciye, no Muwaha Mulungu, komupela ligoda lyo sogwe Dawudi;

Luka 4:34

“Gwe Yesu wa Nazaleti, cina nghanici nagwe? Alo kuza ucongomeze? Nghumanyile gwegwe yo nani, yo Gwegwe Mono welile wo Mulungu.”

Yohana 14:6

Yesu yakamutya, “Ane nha yo nene nzila, ne mbeka, no wumi. Hasina mono kosuma kubita kuli Baba, langa sunga yakolele muli nene.

Metumo ge Watumwa 3:14

Yali munhu muswanu na yali yelile. Ninga anye mwamulema, mukasaka munhu yunji mono yali muwulaji yo yawopolelwe.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.

Wugubule 1:11

Nalyo lizi lilyo likatya, “Wuzandikaje mu citabu cicino zose zono wukuziwona, wugategulile gaga i makanisa mupunghati, ku Efeso, ku Simulina, ku Peligamo, ku Tuwatila, ku Saludisi, ku Filadelifiya, na ku Lawodikeya.”

Wugubule 1:18

Ane yo nene mono nili mumi! Nali fwiye, ningaʼlu nili mumi cibitilila ne cibitilila. Nina wulajilize we lifwa sunga na wa muyinze ye wafu.

Wugubule 1:5

kanyhi na ku wulawa kuli Yesu Kilisito, u muhomelezi mwihuwilwa, u mulongozi kuzukulwa muli wafu, mono yatemile i watemi we yinze. Mwene yacendile, na so isakami yakwe yakaciwopola kulawa mu wubi wetu,

Wugubule 15:3

Nawo wembaga u lwimbo lwa Musa u mwitumami wo Mulungu, no lwimbo lo Mwana we ngholo, wakutya, “Muwaha Mulungu, u Mudaha vyose i metumo gako ga wizine muno muno! Gwe go Mutemi we makungugo, zinzila zako zo ze wilingʼano kanyhi za mbeka!

Wugubule 16:7

Hanyuma nghahulika lizi kulawa mu cikumbicilo, likutya, “Heya go Mulungu u Mudaha vyose, i ningʼaniza yako yo ye mbeka kanyhi ye lingʼani.”

Wugubule 19:11

Nghawona wulanga wugubuce, na kuko kukawa na fwalasi yinji nzelu swe, na mono yali yapandile mucanyha yayo, yacemagwa “Mwihuwilwa,” ne “Mbeka.” Yuyo mwene kehomaga ku soko ye lingʼani.

Wugubule 19:2

Hambi iningʼaniza yakwe nha ye mbeka kanyhi ye lingʼani. Hambi nha kamulingʼaniza u musenyha muwaha, mono yali yakondya kuyajiliza yinze ku so wusenyha wakwe. U Mulungu kamulingʼaniza yuyo Babiloni likaya liwaha vyono lyawawulaga i wetumami wakwe!”

Wugubule 2:1

“Kuli malayika we likanisa lya Efeso, wandice nhavi, “Ayi yo nghani yono yikulawa kuli mwene mono yazibate i zinyelezi mupunghati mu muwoko wakwe wo kulume, mono kajendaga haciligati yo wuwiko we zitala mupunghati ze zahabu.

Wugubule 21:5

Ayulya mono yali yekaye mwigoda lyo wutemi, nayo yakatya, “Lanje ta! Ane nghuzinoza zose ziwe ʼmhya.” Yakanonjela kanyhi yakutya, “Yandikaje yiyi, hambi i zinghani zizino nha zo huwilwa, kanyhi za mbeka!”

Wugubule 3:14

“Kuli malayika we likanisa lya Lawodikeya wandice nhavi, “Ayi yo nghani yono yikulawa kuli mono yakucemwa, yo ‘Heya,’ Mwene yo muhomelezi mwihuwilwa na we mbeka, mono yo mwamulizo we viwumbwa vyose vyono u Mulungu yaviwumba.

Wugubule 4:8

Ne viwumba vivyo vyose vyono vine, vyali vina mabawa mutandatu mutandatu, kanyhi vyali vimemile meso, mugati na mudeha. Navyo vikalaga vikwimba hamba kuceha cilo ne misi, vikutya, “Welile, welile, welile, yo Muwaha Mulungu Mono yali vilungo mono yali, mono hoyuli, na mono yakuza.”

Wugubule 5:9

Nawo wakemba u lwimbo aluno lupya. “Agwe yo gwegwe mono wunojeye wucisole citabu cico no kubena vinamatizo vyayo. Vyono agwe wakondya kuwulagwa, wukamugulila Mulungu ne sakami yako, wose we zimbeyu zose, wezinonga zose, ne wanhu wose ne zinghungugo zose.

Wugubule 6:10

Nawo wakalila kweʼzi ʼwaha wakutya, “Agwe go Muwaha, mono welile kanyhi mono wuli mwihuwilwa, alo sunga vipulute vilo vilinga, ho wuze wuwalingʼanize no kuwalipiciza wose wono wekaye mononze, ku soko yo wu wulagwe wetu wono wali kuciwulaga?”