Wugubule 3:21 - I CILAGANE CIPYA 1991

²¹ “Wono wosuma, ale wawo nowekaza hamonga nane mwigoda lyangu lyo wutemi nha vyono ane no mweneco nasuma, nghawa kwikalana hamonga na Baba mwigoda lyakwe lyo wutemi.

Luganuzi Luswanu Kuli Wanhu Wose 2002

²¹ “Wono wosuma, wawo nowekaza hamonga nane mwi'goda lyangu lyo wutemi nha vyono ane no mweneco nasuma, nghawa kwikalana hamonga na Baba mwigoda lyakwe lyo wutemi.

Wugubule 3:21 ပူးပေါင်းရင်းမြစ်များ

Matayo 19:28

Yesu yakawalonjela, yakatya, “Ane nghumulonjelenyi mbeka, vyono u Mwana wo Munhu yalaza kwikala mwigoda lye nhojo, lyo lukumyo lwakwe, mu yinze yimhya, nanye mono mukunhyatya, molokwikala mu magoda ikumi na mejete, akuno mukuzilingʼaniza izinghungugo ikumi na nyejete za Isilayeli.

Matayo 25:21

U Muwaha wakwe nayo yakamutya, ‘Ale viswanu, wuli mwitumami muswanu, kanyhi wuli mwihuwilwa. Wali mwihuwilwa mu nghani ndodo, ninga alu nokupela zimbaha kuciza. Ale wuze wasangalalane hamonga no muwaha wako.’

Matayo 28:18

Nayo Yesu yakaza sunga behi nawo, yakawatya, “Ane mhegwa u wulajilize wose, wa ku wulanga, sunga na wa kononze.

Luka 22:30

Musume kulya no kungʼwa ha wulilo wangu mu wutemi wangu. Nanye molokwikala mu magoda go wutemi mukugalingʼaniza makungugo ikumi na mejete ga Isilayeli.”

Yohana 13:32

Na hono lukumyo lo Mulungu lwanzalicilwa muli mwana. Nayo Mulungu kolwanzalicila u lukumyo lo Mwana muli mweneco, nayo konoza nhavivyo kamonga.

Yohana 16:33

Nimulonjelenyi zizi, ho muwe no mulamu, mu wilunze wenyu na nene. Mononze heya, motuga wugaye, ninga mwisindamice! Ane niwasumile we yinze.”

2 Timoteyo 2:12

Na hono cijendelele no wukangalile, ale, colotemana nayo nha vivyo. Ninga hono cimukane, ale, kolocikana nayo nha vivyo

Wugubule 1:6

yakacinoza ciwe wutemi ciwe wakohani, ho cimwitumamile Mulungu u Sogwe. Ale, kuli mwene Yesu Kilisito, lweze lukumyo ne vilungo, cibitilila ne cibitilila! Heya.

Wugubule 12:11

Nawo iwandugu zetu wakamusuma ku so sakami yo Mwana we ngholo, na kwe vilungo vye imbeka yono wayiganula, kanyhi wawuwona u wumi wawo si cinji, hamba wafwe.

Wugubule 17:14

Nawo wokwihoma na Mwana we ngholo, ningo Mwana we ngholo, hamonga na wawala wono yawacema kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 2:7

“Mono yena makutu go kuhulicila, ale yazihulikaje zono u Muhe yakugalonjela i makanisa! “Nawo wono wosuma, ale, nowapela i lingʼani yo kulye mana go mubici wo wumi, wono wuli mu mugunda wo Mulungu.”

Wugubule 20:4

Nghawona magoda ge citemi hamonga ne wanhu wono wali wagekaliye. I wanhu wawo, wakapegwa vilungo vyo kulingʼaniza. Nghawona kanyhi nha vivilya izinhumbula za wono wadumulwa mitwe yawo ku soko ya kumuganula Yesu, na ku soko yo kuyiganula nghani yo Mulungu. Wawano wo wawo wono si walihemba lilimu lililya hamonga ne cihwani calyo, kanyhi hamba si wawicilwa citanjilo mu mahanda go wusu wawo, hamba mu miwoko yawo. Wakawumipa kanyhi, no kutema hamonga na Kilisito myaka elufu monga.

Wugubule 20:6

Wena nyemo, kanyhi wamotile muno, wawo wose wono wakuhanga mu wuzuce wuwuno wulongozi. Hambi i lifwa lye kejete nha lyowa lisina vilungo kanyhi muli wene, nawo wowa wakohani wo Mulungu na wa Kilisito, nawo wotemana hamonga nayo, myaka elufu monga.

Wugubule 5:10

Agwe yo gwegwe mono wawanoza wawe wutemi we wakohani, wamwitumamilo Mulungu wetu, nawo wotema mononze.”

Wugubule 6:2

Nane naza kulanga, nghawona kumbe baho hoyili fwalasi monga nzelu. Na mono yali yali mucanyha yayo, yali yena wupinde, kanyhi yakapegwa no mukumbo. Nayo yakawuka baho nha mono yakondya kusuma, ho yajendelele kusuma.

Wugubule 7:17

hambi u Mwana we ngholo mono yali haciligati ye ligoda lyo wutemi, nha yo kolowa yo mudimi wawo, nayo kowatonga sunga ko ku mivwilo ye malenga go wumi. No Mulungu kogapatila lukulu mahozi gose ga mu meso gawo.”