Wugubule 3:18 - I CILAGANE CIPYA 1991

¹⁸ Alu ane nghukupela yihala nhavi, wugule kwangu zahabu swanu muno, ho wuwe wuli mugoli mbeka. Kanyhi nghukunena, dedede, wugule ne vivwalo vizelu, wuvwale, ho wugubicize cevu ce cipwi cako. Wugule kanyhi ne mafuta, wibace mu meso gako ho wuwone.

Luganuzi Luswanu Kuli Wanhu Wose 2002

¹⁸ Alu ane nghukupela yihala nhavi, wugule kwangu zahabu swanu muno, ho wuwe wuli mugoli mbeka. Kanyhi nghukunena, dedede, wugule ne vivwalo vizelu, wuvwale, ho wugubicize cevu ce cipwi cako. Wugule kanyhi ne mafuta, wibace mu meso gako ho wuwone.

Wugubule 3:18 ပူးပေါင်းရင်းမြစ်များ

Matayo 13:44

“U wutemi wa ku wulanga wihwanile ne ciwutwa cono cali cihundikwe mu mugunda. U munhu yunji yaza kuciwona, yakacihundika kanyhi. Nayo yasangalala muno, sunga yakawa kubita kuviguza i vinhu vyakwe vyose vyono yali yena navyo yakawa kuwugula u mugunda wuwulya.”

Matayo 25:9

Ninga awalya we mahala, wakawatya, ‘Sigocikwila anye na sese! Ciba hono mubite kwiduka mukegulile nyo weneco!’

Luka 12:21

Yesu yakamalila ko wutya, “Ale vyo yinha kuli munhu mono yakwiwicila sawo ku soko yakwe mweneco, nayo si mugoli kuli Mulungu.”

2 Wakolinto 5:3

Heya yicinojeye civwikwe nha vivyo, ho cize cilece kwima ha mwande yo Mulungu akuno cisina vivwalo.

2 Wakolinto 8:9

Hambi anye nha mulimanyile lihewa lyo Mutwa wetu Yesu Kilisito, nha vyono mwene hamba yawe yali yakwizize vyose, ninga yakenoza nha muciwa ku soko yenyu, anye ho mugolipile mu wuciwa wakwe.

1 Timoteyo 6:18

Uwalonjelaje wetume viswanu, wawe wagoli mu metumo maswanu, kanyhi wawe wacemezi, wono wewikanize mu wuhanga ne wanji zisawo zawo.

Yakobo 2:5

Wandugu zangu, wendece, hulicizenyi ta! u Mulungu yakondya kuwahagula iwanhu wono waciwa wa mu yinze yiyi, ho wawe wagoli wo wihuwilo kanyhi wawubocelega wutemi wono yawatemezeza wa walya wono wamwendile.

1 Petelo 1:7

Ne nhunizo yayo, anye ho musume kukangazwa mu wihuwilo wenyu. Hambe zizahabu zenezo, zono zihodanjikaga, zijelagwa no moto, nhavivyo sunga no wihuwilo wenyu, wono yo sawo kuciza zizahabu, siwoleka kujelwa ho wuwe wuli vilungo. Hanyuma ho mubocele lilumbo no lukumyo no wutogoze, lizuwa lilyo kolo Yesu Kilisito yakugubulwa.

Wugubule 16:15

“Wuhulicize! Ane nghuza nha muhizi! Holeka, mumoti munhu mono yakwikala meso, no kuvwala myenda yakwe, ho yalece jenda cipwi ako na ako ha mwande ye wanhu.”

Wugubule 19:8

Nayo yavwalile mwenda we bafuta swanu…, kanyhi yikungʼalala!” (U mwenda wuwo we bafuta swanu go metumo maswanu ge wanhu wo Mulungu.)

Wugubule 2:9

Nigamanyile magayo gako, kanyhi sunga no wuciwa wako, ninga imbeka agwe ho wuli mugoli. Kanyhi niwumanyile no wutovulwe wono watovulwa na walya wono wakwiyitya Wayahudi, ninga ho si Wayahudi we mbeka, langa ipuga lye Setani.

Wugubule 3:17

Agwe wukwiyitya, ‘Ane nili mugoli, nina vinhu vyose, hamba si nyanjize cinji co cose.’ Kumbe si wumanyile vyono agwe wuli musocele, kanyhi wuli munhu wo kuwonelwa lusungu, wuli muciwa, kanyhi wuli mubofu, kanyhi wusawuce!

Wugubule 4:4

Hakawa hogali magoda makumi mejete na mane gono gali galipilime ligoda lyo wutemi, na mu magoda gago, wali wekaye wawaha makumi mejete na wane, nawo wali wavwalile vivwalo vizelu, na mu mitwe yawo, wali wavwalile mikumbo ya zahabu.

Wugubule 7:13

Yunji muyagwe na wawalye wanzehe yakambuza yakutya, “Alu mwene wawa wono wavwalile vivwalo vizelu, wo wanhuci? Na kanyhi, walawa hayi wene?”