Wugubule 3:1 - I CILAGANE CIPYA 1991

¹ “Kuli malayika we likanisa lya Salidisi wandice nhavi. “Ayi yo nghani yono yikulawa kuli mwene mono yena myuhe mupunghati yo Mulungu, hamonga ne zinyelezi mupunghati. Nigamanyile i metumo gako gose, manyile vyono wumanyice nha wuli mumi, kumbe ho wufwiye!

Luganuzi Luswanu Kuli Wanhu Wose 2002

¹ “Kuli malayika we likanisa lya Salidisi wandice nhavi, “ ‘Ayi yo nghani yono yikulawa kuli mwene mono yena myuhe mupunghati yo Mulungu, hamonga ne zinyelezi mupunghati. Nigamanyile i metumo gako gose, manyile vyono wumanyice nha wuli mumi, kumbe ho wufwiye!

Wugubule 3:1 ပူးပေါင်းရင်းမြစ်များ

Luka 15:24

Hambi yuyu mwanangu nha yali nha yafwiye, kumbe mumi, yali yajiliye, ninga alu kejela.’ Hobaho wakawa kwanza kuyinoza sikukuu.

Luka 15:32

Ninga yali yicinojeye cinoze sikukuu no kusangalala; hambi ayu mwanakwenyu, nha yali kotya yafwiye, kumbe mumi; yali yajiliye ninga alu yejela.’ ”

Yohana 1:16

Hambi mu wukwilanicile wakwe, nase mo cikubocelela lihewa lyakwe cibitilila.

Yohana 1:33

Nane sinamumanya: langa u Mulungu mono yanhuma nghawabaputize wanhu kwe malenga, yali yanonjela yakutya, ‘U munhu yuyo mono komuwona u Muhe yakumutimila, yakumwikalila, yuyo yo yakubaputiza mu Muhe Mono Yelile.’

Yohana 20:22

Yaza kukondya kulonga zizi, yakawahulila, yakawatya, “Mubocele u Muhe Mono Yelile.

Yohana 3:34

Hambi mono yatumwa no Mulungu, nha yo kalongaga zinghani zo Mulungu, hambi u Mulungu nha yakumupela munhu yuyo Muhe wakwe wusina cipimo.

Metumo ge Watumwa 2:33

Yesu yananuswa kucanyha, sunga ku lubavu lo kulume lo Mulungu, yakabocela kuli Sogwe cicilya cipegwa cono yehuwiza, co Muhe Mono Yelile; holeka azi zono mukuwona alu no kuhulika, wo witice wa yuyo Muhe.

Waefeso 2:1

Nanye mwali mufwiye ku soko ye masutya no wubi wenyu.

Waefeso 2:5

hamba yiwe cali cifwiye ku cimuhe ku soko yo wubi wetu, yaciwumifya hamonga na Kilisito. Na ku so ilihewa lyo Mulungu, nanye mwaponywa.

Wakolosayi 2:13

Mu mapango ganji, anye mwali mufwiye ku soko ye masutya genyu, na ku soko vyono mwali muli wanhu we makungugo ganji. Ninga u Mulungu yamupelenyi anye wumi hamonga na Kilisito. U Mulungu yakondya kucinenela u wubi wetu wose,

1 Timoteyo 5:6

Ninga mucekulu mono yakwikala mu mikalile yo wiyendezi mweneco, yuyo yakondya kufwa akuno ho yakali mumi.

Yakobo 2:26

Ale, nha vyono umuwili wezaga wufwiye hono wusina muhe, ale nha vivyo no wihuwilo nawo, wezaga wufwiye hono wusina metumo.

1 Petelo 1:11

Wakajela kumanya ivilo ne ndawililo ye litumo lilyo, nha cinji vilo vyono yalonga u Muhe wa Kilisito mono yali yali muli wene, lono yawilaga ze magazo gono gomuziza Kilisito, no lukumyo lono lotyatya.

Yuda 1:12

Na ku so mazozo gawo gono gasina cogopo, i wanhu wawo waweza manamha mabi mu wihangulize wenyu mu ndigwa yo Muwaha, wakuwa kwiyilanga weneco du, kanyhi wenha i mavunde gono gasina malenga, gono gakupemheluswa ne mbeho no kutegulwa ako na ako. I wene wenha mibici yono si yilelaga mana hamba yiwe co cipango cayo co kulela, wenha kotya i mibici yono mikulwe ne milela yayo, wafwiliye lukulu.

Wugubule 1:11

Nalyo lizi lilyo likatya, “Wuzandikaje mu citabu cicino zose zono wukuziwona, wugategulile gaga i makanisa mupunghati, ku Efeso, ku Simulina, ku Peligamo, ku Tuwatila, ku Saludisi, ku Filadelifiya, na ku Lawodikeya.”

Wugubule 1:16

Na mu muwoko wakwe wo kulume, yakawa yadinghuye nyelezi mupunghati, na mu mulomo wakwe mukalawa mumaje mukali kose kose. No wusu wakwe wangʼalalaga nhe lizuwa likali.

Wugubule 1:20

Ne nhunizo hundikwe ye zinyelezi zo mupunghati zono wuziwene mu muwoko wangu wo kulume, hamonga ne nhunizo hundikwe yo wuwiko wu wulya we zitala mupunghati za zahabu, nha yoyi, zi zilya i zinyelezi zo mupunghati, wo wamalayika we makanisa go mupunghati, na wulya u wuwiko mupunghati we zitala, go makanisa mupunghati.

Wugubule 1:4

Ane yo nene Yohana mono nghugandicila makanisa mupunghati gono gali mu yisi ya Asiya. Ilihewa no mulamu vyeze kulinye ku wulawa kuli mwene mono hoyuli, mono yali ho yali, kanyhi mono yakuza, na kanyhi ku wulawa kuli i myuhe mupunghati yono yikalaga heʼgoda lyakwe lyo lukumyo,

Wugubule 2:13

Manyile kono wikaye. Agwe wikaye ku wikalo wuwaha wa Setani! Ninga hamba nha vivyo, wukali wibatiliye litagwa lyangu, hamba si wunakana u wihuwilo wako wa kuliʼne, sunga na mu vilo vya Antipa, muhomelezi wangu mwihuwilwa, lonoyawulajilwa i hanhu hono kekalaga Setani.

Wugubule 2:19

Nigamanyile i metumo gako gose. Kanyhi manyile no wendo wako, no wihuwilo wako, u witumami wako, hamonga no wukangalizi wako. Agwe aluno wukwituma viswanu muno si nha hamwamulizo.

Wugubule 2:2

Manyile i metumo gako gose, niwumanyile no wuhidimbazi wako, hamonga no wukangalizi wako wose. Kanyhi manyile nha vyono si wukusuma kuwakangalila wanhu wabi, kanyhi na vyono wakondya kuwamanya awalya wono wakwiyitya watumwa, nawo wo si wene, kumbe wakulonga wulambi.

Wugubule 2:9

Nigamanyile magayo gako, kanyhi sunga no wuciwa wako, ninga imbeka agwe ho wuli mugoli. Kanyhi niwumanyile no wutovulwe wono watovulwa na walya wono wakwiyitya Wayahudi, ninga ho si Wayahudi we mbeka, langa ipuga lye Setani.

Wugubule 3:15

Nigamanyile metumo gako gose! Manyile vyono agwe si wuli zizizi, hamba si wuli moto. Wali wuwe ciba, wuwe wuli kumonga du, zizizi hamba moto.

Wugubule 3:2

Ale winuce! Wuzisikamye ziswanu zono zisigaye, lono nazo zikali si najililila lukulu. Hambi sunga nalu, nha nghali sininawona i metumo gako gawe gono gakwilaniciye hali Mulungu wangu.

Wugubule 3:8

Ninga manyile metumo gako gose! Langa ta, nakondya kuwudigula u mulango ha mwande yako, wono hasina munhu mono kosuma kuwudinda. Manyile vyono hamba wuwe wina vilungo vicefu, ninga hamba nha vivyo, wugebate ne mejizo gangu, wuyikamise ne nghani yangu, kanyhi hamba si walikana ne litagwa lyangu yaye.

Wugubule 4:5

I mamuli ne lizi hamonga ne madidimo mawaha, vyalawaga baho heʼgoda lyo wutemi. Sunga ne zitala mupunghati zo moto, nazo zakaga baho heʼgoda lyo wutemi. Ne zitala zizo, yo myuhe mupunghati yo Mulungu.

Wugubule 5:6

Hanyuma nghawona u Mwana we ngholo yemile haciligati ye ligoda lyo wutemi, yapilimwe mbavu zose na vivilya viwumbwa vyumi, hamonga na wawalya wawaha. Na yuyo Mwana we ngholo yakawa kwijela nha muwulagwe. Yali yena mahembe mupunghati, ne meso mupunghati, nayo yo myuhe mupunghati yo Mulungu, i myuhe yono yali yategulwa hanhu hose mononze yose.