Wugubule 22:16 - I CILAGANE CIPYA 1991

¹⁶ “Ane yo nene Yesu, nimutuma malayika wangu, yamuhomelelenyi i zinghani zizino mu makanisa. Ane nili lulelo lwe mbeyu ya Dawudi: Ane yo nene i nyelezi i mwacinghunghu yono yingʼalalaga ya hakali mitondo!”

Luganuzi Luswanu Kuli Wanhu Wose 2002

¹⁶ Ane yo nene Yesu, nimutuma malayika wangu, yamuhomelelenyi i zinghani zizino mu makanisa. Ane nili wo lulelo lwa Dawudi: Ane yo nene i nyelezi i mwacinghunghu, yono ying'alalaga ya hakali mitondo!

Wugubule 22:16 ပူးပေါင်းရင်းမြစ်များ

Matayo 1:1

U wityatye we ndelwa ya Yesu Kilisito mono yali we ndelwa ya Dawudi, wa mu ndelo ya Abulahamu. Na awuno ahano wo wityatye we mbeyu yakwe vyono yinha.

Matayo 2:2

wakawa kuwuza wakutya, “Yalihayi mwana, u Mutemi we Wayahudi mono yaleligwe? Hambi nha ciyiwona i nyelezi yakwe lono yilawiye kulubavu lwa kucilima, alu nase ciza ho cimuhembe.”

Matayo 22:42

“Alu anye mukuwona nhawule kuli za Kilisito? Wulenyi, mukwihwesa vyono kowa mwana wa nani?” Nawo wakamupitula wakatya, “Mwana wa Dawudi.”

Matayo 22:45

Holeka hono Dawudi yakumutya Kilisito, ‘Muwaha,’ ho kowa mwanagwe nhawule kanyhi?”

Luka 1:78

U Mulungu wetu mupolo kanyhi yali lusungu. Koleta wuzelu wo wukombozwe wucizize kuwulawa ku wulanga,

Luka 20:44

Dawudi vyo yakumucema mwene ‘Muwaha,’ alu ho kawa mwanagwe nhawule kanyhi?”

Walumi 15:12

Kanyhi Isaya yakutya: “Kolokwijela munhu mu mbeyu ya Yese Nayo kolotema muli wanhu we Makungugo Nawo wolomwitumamila.”

Walumi 9:5

Wene wo wezukulu wa wakoko, nayo Kilisito ku lubavu lo wunhu wakwe, yalawilila mu mbeyu yawo. U Mulungu mono yatemile muli vyose, yalumbwe cibitilila, Heya.

2 Petelo 1:19

Kanyhi sunga ne zinghani ze wawizi zikuyihomelela nghani yiyi nanye mukunoza viswanu hono mukuyibata, hambi nha yinha tala yono yikumulika hanhu hatitu sunga lizuwa lililya kolo likusomoza, no wuzelu we nyelezi yimwacinghunghu kolo wukubulila mu zinhumbula zenyu.

Wugubule 1:1

I Citabu acino, co cina zinghani ze metumo gono gagubulwa na Yesu Kilisito. U Mulungu yamugubulila Kilisito u wugubule wu wuno, ho yawalajile i wetumami wakwe zinghani zono si zotinya kwijela. Kilisito yamutuma malayika wakwe yamumanyize Yohana u mwitumami wakwe, i zinghani zizino,

Wugubule 1:11

Nalyo lizi lilyo likatya, “Wuzandikaje mu citabu cicino zose zono wukuziwona, wugategulile gaga i makanisa mupunghati, ku Efeso, ku Simulina, ku Peligamo, ku Tuwatila, ku Saludisi, ku Filadelifiya, na ku Lawodikeya.”

Wugubule 1:4

Ane yo nene Yohana mono nghugandicila makanisa mupunghati gono gali mu yisi ya Asiya. Ilihewa no mulamu vyeze kulinye ku wulawa kuli mwene mono hoyuli, mono yali ho yali, kanyhi mono yakuza, na kanyhi ku wulawa kuli i myuhe mupunghati yono yikalaga heʼgoda lyakwe lyo lukumyo,

Wugubule 2:11

“Mono yena makutu go kuhulicila, ale yazihulikaje zono u Muhe yakugalonjela i makanisa! “Nawo wono wosuma, si wotamiswa ne lifwa lye kejete yaye.

Wugubule 2:17

“Mono yena makutu go kuhulicila, ale yazihulikaje zono u Muhe yakugalonjela i Makanisa! “Nawo wono wosuma, nowapela ayilya mana yono hundikwe. Kanyhi nowapela yibwe yidodo yizelu lyono lyandicigwe itagwa yipya, lyono munhu yunji sikosuma kulimanya, langa wawo du wono wolibocela.

Wugubule 2:7

“Mono yena makutu go kuhulicila, ale yazihulikaje zono u Muhe yakugalonjela i makanisa! “Nawo wono wosuma, ale, nowapela i lingʼani yo kulye mana go mubici wo wumi, wono wuli mu mugunda wo Mulungu.”

Wugubule 22:1

Hanyuma kanyhi malayika yakandajila i likolongo lye malenga go wumi gono gakungʼalala nha cilole, gakulawilila heʼgoda lyo wutemi lyo Mulungu, hamonga ne Mwana we ngholo.

Wugubule 22:11

Ninga luno, mono yakwituma i zimbi, ale yajendelele muno kwituma zizo i zimbi, nayo u mwavu, ale yajendelele muno kuwa mwavu. Ale, nayo mono yakwituma ziswanu, yajendelele muno kwituma ziswanu. Nayo mono yelile, yajendelele muno kuwa yelile.”

Wugubule 22:20

Nayo mono yakuhomelela zizino, yakutya, ‘Heya mbeka! Nghuza musunho muno muno.” Heya. Na yiweze nha vivyo! Wuze go Muwaha Yesu!

Wugubule 22:6

Malayika yakanonjela kanyhi yakutya, “Izinghani zizino zo ze mbeka, kanyhi huwilwa. U Muwaha Mulungu mono kawapelaga i wawizi u Muhe wakwe, yamutuma malayika wakwe yawalajile i wetumami wakwe i zinghani zono zinojeye zijele hanyuma.”

Wugubule 3:13

“Mono yena makutu go kuhulicila, ale yazihulikaje zono u Muhe yakugalonjela i Makanisa!

Wugubule 3:22

“Mono yena makutu go kuhulicila, ale yazihulikaje zono Muhe yakugalonjela i makanisa!”

Wugubule 3:6

“Mono yena makutu go kuhulicila, ale yazihulikaje zono u Muhe yakugalonjela i makanisa!

Wugubule 5:5

Hanyuma yumonga wa muli wawalya wawaha yakanonjela yakutya, “Wulece kulila! Wulanje ta! Simba we nghungugo ya Yuda, wo lulelo lwa Dawudi, yakondya kusuma. Nayo yo kosuma kuvibena vinamatizo, vivyo mupunghati, no kucigubula cico citabu.”