Wugubule 22:14 - I CILAGANE CIPYA 1991

¹⁴ Wo wamoti wawo wono wakuvikanza i vivwalo vyawo, hambi wawo nha wo wowa ne lingʼani yo kulya mana go mubici wo wumi, kanyhi wo wowane lingʼani yo kukolela mu milango yalyo, no kwinjila mwikaya.

Luganuzi Luswanu Kuli Wanhu Wose 2002

¹⁴ Wo wamoti wawo wono wakuvikanza i vivwalo vyawo, hambi wawo nha wo wowa ne ling'ani yo kulya mana go mubici wo wumi, kanyhi wo wowa ne ling'ani yo kukolela mu milango yalyo, no kwinjila mwi'kaya.

Wugubule 22:14 ပူးပေါင်းရင်းမြစ်များ

Yohana 10:7

Holeka Yesu yakawatya kanyhi, “Mbeka nghumutyenyi, Ane yo nene mulango we zingholo.

Yohana 10:9

Ane yo nene mulango, munhu hono yenjliile muli nene, kopona, kokwinjila kolawaniza, nayo kowona wudimo.

Yohana 14:15

“Hono munyende, mokwibata i malajilizo gangu.

Yohana 14:6

Yesu yakamutya, “Ane nha yo nene nzila, ne mbeka, no wumi. Hasina mono kosuma kubita kuli Baba, langa sunga yakolele muli nene.

Yohana 4:12

Hamba alu agwe wukwinoza wuli muwaha si nho Sogo yetu Yakobo? Mwene Yakobo yacipela ase lisima lili, nayo yakangʼwa mweneco i malenga ge lisima lili, ne wanagwe, sunga ne zimitugo zakwe?”

1 Wakolinto 7:19

Hambi kwalama hamba wula kwalama nha si cinji yaye, cinhu ciwaha, kwibata i malajilizo go Mulungu du.

1 Wakolinto 8:9

Ninga mwilanjililaje, u welecele wenyu wuwu, wulece kuwanoza wono wena u wihuwilo wono wusoceye, wagwile mu wubi.

1 Wakolinto 9:5

Hamba ase cisina lingʼani yo kujendana mu muhinzo, hamonga no munhu wo wose we cicekulu nha vyono wanozaga i watumwa wanji ne wanduguze wo Muwaha sunga na Petelo?

Wagalatiya 5:6

Hambi hono ciwe cakondya kuwa muli Kilisito Yesu, kwalama hamba wula kwalama mose musina cambuzi, i nghani yono yina cambuzi, wo wihuwilo wono wukwitumila u mulimo mu wendo.

1 Yohana 3:3

Na muli wose mono yena u witumbilo wuwu muli Kilisito yakwiyeza, nha vyono u mwene Kilisito yelile muno.

1 Yohana 5:3

vyono kumwenda Mulungu, wo wibate we malajilizo gakwe. Ne malajilizo gakwe si mazito.

Wugubule 2:7

“Mono yena makutu go kuhulicila, ale yazihulikaje zono u Muhe yakugalonjela i makanisa! “Nawo wono wosuma, ale, nowapela i lingʼani yo kulye mana go mubici wo wumi, wono wuli mu mugunda wo Mulungu.”

Wugubule 21:12

I likaya lilyo lyali lina ijinji itali muno kanyhi igazi muno, nalyo lyali lina milango ikumi na myejete, nawo wamalayika walindilize milango ikumi na wejete. Ne matagwa ge zinghungugo ikumi na nyejete za Isilayeli, gali mandikwe hacanyha ye milango yiyo.

Wugubule 21:27

Ninga hasina cisemunwa co cose cono colokwinjila mumo, hamba munhu wo wose mono ketumaga i makani ge cikomaza, hamba i makani go wulambi lambi, yuyo si kokwinjlia mumo. Langa wono wokwinjila mumo mugati, wo wawalya du wono wandikwe mu citabu co wumi co Mwana we ngholo.

Wugubule 22:2

Ne likolongo lilyo likuhuluma malenga, likolile hagati ye balabala mbaha ye likaya. Na mu mhelo ye likolongo lilyo, hali howuli mubici wo wumi wono wukulela mikalo kali ikumi na nyejete kwa mwaka, wo wutya wukulela mwezi kwa mwezi ne mahamha go mubici wuwo yo miti yo kuponezya i wanhu we makungugo.

Wugubule 22:7

Yesu yakutya, “Ale wuhulicize ta! Ane nghuza musunho muno muno. Holeka yo mumoti munhu mono yakuzikamisa i zinghani zo wuwile wono wuli mu citabu cicino.”

Wugubule 7:14

Nane nghamupitula nghamutya, “Muwaha, gwegwe wumanyile!” Nayo yakanonjela yakutya, “Wawa awa, wo wawalya wono wakola wapolile mugati yo wugaye wuwaha. Ne myenda yawo, wakayezeza mu sakami yo Mwana we ngholo, nayo yikawa mizelu swe.