Wugubule 22:11 - I CILAGANE CIPYA 1991

¹¹ Ninga luno, mono yakwituma i zimbi, ale yajendelele muno kwituma zizo i zimbi, nayo u mwavu, ale yajendelele muno kuwa mwavu. Ale, nayo mono yakwituma ziswanu, yajendelele muno kwituma ziswanu. Nayo mono yelile, yajendelele muno kuwa yelile.”

Luganuzi Luswanu Kuli Wanhu Wose 2002

¹¹ Ninga luno, mono yakwituma i zimbi, ale, yajendelele muno kwituma zizo i zimbi, nayo u mwavu, ale, yajendelele muno kuwa mwavu. Ale, nayo mono yakwituma ziswanu, yajendelele muno kwituma ziswanu. Nayo mono yelile, yajendelele muno kuwa yelile.”

Wugubule 22:11 ပူးပေါင်းရင်းမြစ်များ

Matayo 15:14

Muwalekaje wene! Hambi wene nha wabofu, kanyhi wene wakuwatonga i wabofu, no mubofu hono yamutonje u mubofu muyagwe, ale, wose vyono wejete wogwila mwikombo.”

Matayo 21:19

Yakawuwona mukuyu wunji ha mhelo ye nzila, yakawubitila, ho yahepe imikalo yayo, ninga yakawagana wusina mikalo hamba hadodo, langa go mahamha du gali wene. Hodu yakawa kuwulonjela yakawutya, “Wulecele lukulu kulela kanyhi mikalo cibitilila!” Hobaho baho du, no mukuyu wuwo wukawa kunyala.

Matayo 25:10

Ale, baho kunyuma bwana halusi yakawa kuza, awalya i wahinza wono wali wewikanizize lukulu, wakawa kwinjila hamonga na bwana halusi mu nyumba ye halusi, no mulango hodu, wukawa kudindwa.

Matayo 5:45

ho musume kuwa wana wo Sogo yenyu mono yali ku wulanga. Hambi u Mwene nha kawamulicilaga ilizuwa lyakwe iwanhu waswanu ne wabi, no kuwatonyezeza imvula iwanhu waswanu ne wabi.’

Matayo 5:6

Wamoti wono wena nzala ne nyhilu, yo kwituma zo wuhile wo Mulungu, hambi u Mulungu nha kowegutya.

Yohana 8:21

Yesu yakawalonjela kanyhi yakatya, “Ane nghubita, anye monondola, ninga molofwa no wubi wenyu. Kono ane nghubita, anye si mosuma kuza.”

Waefeso 5:27

ho yetujile Likanisa lyono lyelile, na lyono iswanu, Likanisa lyono lisina manamha manamha hamba cilema, hamba ganji go gose gono genha gaga.

Wakolosayi 1:22

Ninga alu so wufwe wo Mwanagwe mono yekala baha mononze, u Mulungu yakondya kwilamula nanye, ho yamuletenyi hali mwene mwelile, musina yilema.

2 Timoteyo 3:13

Ninga i wanhu wabi ne wakonji, awo wojendelela kuwa wabi du, wakuwakonga wayawo, kanyhi sunga na weneco wakukongwa.

Yuda 1:24

Alu kuli mwene mono kosuma kumukamisenyi ho mulece kugwa, kanyhi ho yamuletenyi sunga ko kulukumyo lwakwe akuno musina yilema,

Wugubule 16:21

Ne mvula ye mabwe mawaha gono gali gena wuzito nha wa kilo makumi mahano limonga limonga, yikawatonyela wanhu. Nawo wanhu wakamutovula u Mulungu ku soko ye ligazo lye mvula yiyo ye mabwe. Ne ligazo lye mvula yiyo ye mabwe, lyali igazo yiwaha muno muno.

Wugubule 22:3

Na hasina hamba cinji co cose cono cilijitwe no Mulungu, cono cosuma kuwa mwikaya lilyo. Ligoda lyo wutemi lyo Mulungu na lyo Mwana we ngholo, lyo lyowa mwikaya lilyo, ne wetumami wakwe womuhemba.