Wugubule 21:3 - I CILAGANE CIPYA 1991

³ Hanyuma kanyhi, nghahulika lizi yiwaha likalawilila heʼgoda lyo wutemi, likutya, “Lanje ta! U Mulungu kawunoza u wikalo wakwe muli wanhu. Nayo kokwikala muli wene, nawo wowa wanhu wakwe, nayo kowa Mulungu wawo.

Luganuzi Luswanu Kuli Wanhu Wose 2002

³ Hanyuma kanyhi, nghahulika lizi yiwaha likalawilila he'goda lyo wutemi, likutya, “Lanje ta! U Mulungu kawunoza u wikalo wakwe muli wanhu. Nayo kokwikala muli wene, nawo wowa wanhu wakwe, nayo kowa Mulungu wawo.

Wugubule 21:3 ပူးပေါင်းရင်းမြစ်များ

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Yohana 14:23

Yesu yakamupitula, yakamutya, “Munhu hono yanyende, yuyo kokwibata inghani yangu, na Baba komwenda, nase cokuza kuli mwene, no kwikalana nayo.

2 Wakolinto 6:16

Hamba howuli wulaganeci we Nyumba yo Mulungu ne vihwani vyo wulambi? Hambi ase nha cili wuhembelo wo Mulungu mumi. Nha vyono Mulungu mweneco yalonga yakatya, “Nowunoza u wikalo wangu wuwe muli wene, na muli wene mo nowa jendela, Nane nowa Mulungu wawo, Nawo wowa wanhu wangu.”

2 Wakolinto 6:18

Ane nowa Sogo yenyu, nanye mowa wanangu, we cilume na we cicekulu U Muwaha Mono yali Vilungo, vyo yakutya.”

1 Watesalonike 3:11

Nase cikumulomba u Mulungu u Sogo yetu mweneco, no Muwaha wetu Yesu, yaciwikanizize nzila yo kuza u kwenyu.

Wahebelaniya 11:16

Ninga alu wakusaka i yisi ya ku wulanga. Holeka u Mulungu nayo si yakuwona soni hono wamutye Mwene Mulungu wawo, ku soko vyono Mwene yakondya kuwawikaniziza i kaya.

Wahebelaniya 8:10

Ne cilagane cono nonoza ne wanhu wa Isilayeli mu vilo vyono vikuza nha cocino; Nologenjiza i malajilizo gangu mu mahala gawo, Kanyhi nologandika mu zinhumbula zawo. Nane nolowa Mulungu wawo Nawo wolowa wanhu wangu.

Wahebelaniya 8:2

Mwene ketumaga u mulimo wo Wukohani Muwaha i Hanhu Hono Helile muno nha cinji mugati ye lihema lililya lye mbeka lyono lyazengwa no Muwaha hamba si na munhu yaye.

Wugubule 10:4

Na gago i mabalalusi mupunghati lono galongaga, ane nghasaka kuzandika. Ninga nghahulika lizi likulawa kuwulanga, likutya, “Izinghani zizo ze mabalalusi mupunghati, zo nghani za cinyele, holeka wulece kuzandika!”

Wugubule 10:8

Hanyuma lizi li lilya lyono nalihulika likulongana nane baho ha mwamulizo, likalonga nane kanyhi, likutya, “Wubite wukacisole i citabu ci cilya cigubulwe, cono cili mu muwoko we malayika mono yemile mwilenga mucanyha, na mu yisi nghavu.”

Wugubule 12:10

Hanyuma nghahulika lizi yiwaha likulawilila ku wulanga, likutya, “Alu mhonelo yono yikulawa kuli Mulungu, yakonya kuza! I vilungo no wutemi wo Mulungu wetu, wakondya kwijela. Na Kilisito wakwe kawulajila u wulajilize wakwe! Hambi ayulya mono kawasonjeza i wandugu zetu, mono yemile hali Mulungu, mono kawasonjezaga misi ne cilo, alu kagumilwa kononze.

Wugubule 21:7

Nayo munhu wo wose mono kosuma, yuyo kopegwa acino. Ane nowa Mulungu wakwe, nayo kowa mwanangu.

Wugubule 22:3

Na hasina hamba cinji co cose cono cilijitwe no Mulungu, cono cosuma kuwa mwikaya lilyo. Ligoda lyo wutemi lyo Mulungu na lyo Mwana we ngholo, lyo lyowa mwikaya lilyo, ne wetumami wakwe womuhemba.

Wugubule 7:15

Holeka wukuwawona wali heʼgoda lyo wutemi lyo Mulungu. Nawo wamwitumamilaga u Mulungu mu wuhembelo wakwe, misi na cilo, nayo mono yekaye mwigoda lyo wutemi, nayo kokoma lihema lyakwe muli wene ho yawadime.