Wugubule 20:15 - I CILAGANE CIPYA 1991

¹⁵ No munhu wo wose mono litagwa lyakwe si lyejela lyandikwe mu citabu co wumi, u munhu yuyo yagumilwa mwilamba lyo moto.

Luganuzi Luswanu Kuli Wanhu Wose 2002

¹⁵ No munhu wo wose mono litagwa lyakwe si lyejela lyandikwe mu citabu co wumi, u munhu yuyo yagumilwa mwilamba lyo moto.

Wugubule 20:15 ပူးပေါင်းရင်းမြစ်များ

Matayo 13:42

no kuwalajila mwilamba lyo moto, na kuko wolowa kulila no kugwezula meno.

Matayo 13:50

Nokuwagumila i wabi mwilamba lyo moto. Na kuko wowa kulila no kugwezula meno.”

Matayo 25:41

“Ale, baho ho kowalonjela na awalya wono wali ku lubavu lwakwe lo kucekulu yawe kutya, ‘Ale, mbucilenyi anye mono mwalijitwa! Bitenyi mu moto we cibitilila wono wawicilwa Setani ne wamalayika wakwe.

Maluko 16:16

Na yuyo mono kokwihuwila no kubaputizwa yo koponywa. Na yuyo mono si kokwihuwila yo kololingʼanizwa.

Luka 10:20

Hamba nhavivyo, mulece kusecelela vyono macisi gakumuhulicenyi; langa musecelele vyono matagwa genyu gandikwa ku wulanga.”

Yohana 14:6

Yesu yakamutya, “Ane nha yo nene nzila, ne mbeka, no wumi. Hasina mono kosuma kubita kuli Baba, langa sunga yakolele muli nene.

Yohana 3:36

Mono yamwihuwiye u Mwana wo Mulungu, yena wumi we cibitilila; ninga mono si yakumuhulika u Mwana wo Mulungu, si kowa no wumi, langa; wulipicizwe wo Mulungu wo kwikala muli mwene.

Metumo ge Watumwa 4:12

“Hamba hasina mhonelo muli yunji wo wose, hamba itagwa linji nha hasina hono hasi yo wulanga, lyono wapegwa wanhu, lyono linojeye ciliponele.”

Wahebelaniya 12:25

Holeka mulanjilile, mulece kulema kumuhuliciza mono yakulongana nanye. Nha vyono awalya wono walema kumuhuliciza ayulya mono yawasugula hono yinze si wapona yaye. Alu ase cosuma kupona wule hono cileme kumuhuliciza ayulya mono yakucisugula mono yalawa ku wulanga?

Wahebelaniya 2:3

Alu ase ma! ho coponela hayi hono ciyileceleze mhonelo mbaha nha yiyi? Yono yamula kutongwa no Muwaha mweneco, na wono wahulika, wakacihomelela vyono yili mbeka.

Wugubule 19:20

Ninga lilimu lilyo likasolwa mateka, hamonga no muwizi wo wulambi, mono yanozaga mapoto ha mwande yalyo. (Na ku so mapoto gago, yasuma kuwajiliza wenji wono wali wena i citanjilo ce lilimu lilyo, kanyhi na wono wacihemba ne cihwani calyo.) Ne lilimu lilyo hamonga no muwizi yuyo, wose vyono wejete wakagumilwa vyo womi du, mwilamba lyono lyakaga moto we cibiliti.

Wugubule 20:10

Na Setani mono yawakongaga, nayo yakagumilwa mwilamba lyono likwako moto we cibiliti, mumo mono molili alilya lilimu hamonga no muwizi wo wulambi, nawo wowa kugazwa misi ne cilo, cibitilila ne cibitilila.

Wugubule 20:12

Nane nghawona i wafu wawaha ne wadodo wemile heʼgoda lyo wutemi, ne vitabu vikagubulwa. Hanyuma citabu cinji, i citabu co wumi, naco nha vivyo cikagubulwa. Iwafu wakalingʼanizwa nha vyono genha metumo gawo, nha vyono yandikwe mu vitabu vivyo.

Wugubule 20:14

Hanyuma ilifwa hamonga ne yinze ye wafu, vikatagwa mwilamba lyo moto. Ne lilamba lilino lyo moto, lyo lifwa lye kejete.

Wugubule 3:5

“Nawo wono wosuma, wovwikwa vivwalo vizelu nha vivi. Nane hamba si nogapatila lukulu i matagwa gawo mu citabu co wumi, kanyhi nowavumilila hali Baba na hali wamalayika wakwe, vyono wangu.