Wugubule 20:13 - I CILAGANE CIPYA 1991

¹³ I lilenga nalyo, likawalavya kunze, i wafu wose wono wali wali mugati yalyo, i lifwa hamonga ne yinze ye wafu, vikawalavya kunze iwafu wose wono wali mumo. Na wose wakalingʼanizwa nha vyono genha metumo gawo.

Luganuzi Luswanu Kuli Wanhu Wose 2002

¹³ I lilenga nalyo, likawalavya kunze, i wafu wose wono wali wali mugati yalyo, i lifwa hamonga ne yinze ye wafu, vikawalavya kunze iwafu wose wono wali wali mumo. Na wose wakaling'anizwa nha vyono genha metumo gawo.

Wugubule 20:13 ပူးပေါင်းရင်းမြစ်များ

Matayo 11:23

Nagwe go Kapelanawumi, wukwihwesa vyono kotegulwa sunga ku wulanga mbi? Aa, ngʼo, langa kovulumuswa sunga kono kowali wafu! Kusoko i mapoto gono ganozezwa kuliʼgwe, hono gali ganozezwe ku Sodoma, mhali likaya lilyo lilibaho sunga ne nzuwayi.

Matayo 16:27

Hambi u Mwana wo Munhu nha kolokuziza mu lukumyo lo Sogwe, hamonga ne wamalayika wakwe, na baho ho kolomulipila munhu wo wose nha vyono genha imetumo gakwe.

1 Wakolinto 15:26

No mulugu we ndumilizo mono kolokongomezwa, lyo lifwa.

Wugubule 1:18

Ane yo nene mono nili mumi! Nali fwiye, ningaʼlu nili mumi cibitilila ne cibitilila. Nina wulajilize we lifwa sunga na wa muyinze ye wafu.

Wugubule 2:23

Kanyhi nowawulaga i watyatyi wakwe, i makanisa gose ho gamanye vyono yo nene du mono nizimanyile zinhumbula ne mahweso ge wanhu. Nane nomulipa munhu wo wose muli nyenye nha vyono genha i metumo gakwe.

Wugubule 20:12

Nane nghawona i wafu wawaha ne wadodo wemile heʼgoda lyo wutemi, ne vitabu vikagubulwa. Hanyuma citabu cinji, i citabu co wumi, naco nha vivyo cikagubulwa. Iwafu wakalingʼanizwa nha vyono genha metumo gawo, nha vyono yandikwe mu vitabu vivyo.

Wugubule 20:14

Hanyuma ilifwa hamonga ne yinze ye wafu, vikatagwa mwilamba lyo moto. Ne lilamba lilino lyo moto, lyo lifwa lye kejete.

Wugubule 21:4

U Mwene kogapatila lukulu mahozi gawo gose, mu meso gawo kowa kusina lifwa, hamba wukalale hamba cililo, hamba wusungu si vyolokwijela yaye, hambi zihuma nha zakondya kupuluta!”

Wugubule 6:8

Nane nghalanga, nghawona baho fwalasi yinji ye liwala lye silu. Ne litagwa lyo mono yali yali mucanyha yayo, yacemagwa Wufwe na Ahela vityatizye nayo. Ale, wawo wakapegwa vilungo mwipinga limonga lye lipinga lye yinze ho wawawulaje wanhu ko mumaje, ne nzala, ne lihuhuji, na kwe malimu makali ga mononze.