Wugubule 2:9 - I CILAGANE CIPYA 1991

⁹ Nigamanyile magayo gako, kanyhi sunga no wuciwa wako, ninga imbeka agwe ho wuli mugoli. Kanyhi niwumanyile no wutovulwe wono watovulwa na walya wono wakwiyitya Wayahudi, ninga ho si Wayahudi we mbeka, langa ipuga lye Setani.

Luganuzi Luswanu Kuli Wanhu Wose 2002

⁹ Nigamanyile magayo gako, kanyhi sunga no wuciwa wako, ninga imbeka agwe ho wuli mugoli. Kanyhi niwumanyile no wutovulwe wono watovulwa na walya wono wakwiyitya Wayahudi, ninga ho si Wayahudi we mbeka, langa yipuga lye Setani.

Wugubule 2:9 ပူးပေါင်းရင်းမြစ်များ

Matayo 4:10

Baho nhondo, Yesu yakamulonjela Setani yakatya, “Bita ko Setani! Hambi nha yandikwe vyono, ‘Komuhemba Muwaha u Mulungu wako, nagwe komwitumamila u mweneco yali wene du.’ ”

Luka 12:21

Yesu yakamalila ko wutya, “Ale vyo yinha kuli munhu mono yakwiwicila sawo ku soko yakwe mweneco, nayo si mugoli kuli Mulungu.”

Luka 22:65

Wakamutovulanga no kumulonganga makani menji ga maligo.”

Luka 4:18

“U Muhe wo Muwaha wuli muli nene Kasiwanula, ho niwaganulile waciwa Luganuzi Luswanu, Kanhuma niwalonjele wono wafunjigwe, nha vyono wowopolelwa, Ne wabofu, vyono wowona kanyhi,

Luka 6:20

Yesu yakawapitucila wejizwa wakwe yakatya, “Muli wamoti nyo waciwa: hambi wutemi wo Mulungu nha wenyu.

Yohana 16:33

Nimulonjelenyi zizi, ho muwe no mulamu, mu wilunze wenyu na nene. Mononze heya, motuga wugaye, ninga mwisindamice! Ane niwasumile we yinze.”

Metumo ge Watumwa 14:22

Wakawasinyhimika zinhumbula i wejizwa, no kuwasikamya wekalaje mu wihuwilo. Wakawalonjela wakutya, “Yicinojeye ase wose kukolela mu magayo menji, mu winjile mu wutemi wo Mulungu.”

Metumo ge Watumwa 26:11

Kali kenji nawatowaga mu matangʼanilo go wuhembelo gose, nghawa kuwadindimiza watovule wihuwilo wawo. Ne likuwo lyangu kuli wene likacila muno, holeka nghawa kuwalondelela sunga mu matumbi go kutali.

Walumi 12:12

No witumbilo wenyu wumuwicenyi na nyemo nhondo zose, mweze na ngola mu wugaye, kanyhi mweze kuswelelela mu wulombe nhondo zose.

Walumi 2:17

Alu nagwe ma, Agwe go mweneco wukwiyitya wuli Muyahudi, kanyhi uwitumbiye u Wulajilize, no kwiwona nha vyono agwe wuli wo Mulungu,

Walumi 5:3

Kanyhi si nhavivyo du, ninga cikusangalala nha vivyo sunga na mumagayo, akuno cimanyile vyono imagayo galetaga wukangalile,

Walumi 8:35

Hambi nani lo, mono kosuma kucitemanula no wendo wa Kilisito? Alo wugazice, hamba wugaye, hamba wugazwe, hamba nzala, hamba wusawuce, hamba zimbali, hamba wuwulagwe?

Walumi 9:6

Ninga si vyono nghutya, uwihuwizo wo Mulungu wuwelile hambi, nha si wanhu wose wa mu Waisilayeli, wono wo wahagulwa wo Mulungu.

2 Wakolinto 6:10

Hamba ciwe catuga wulipicizwe, ninga si cikawulagwa yaye, hamba ciwe cina wuzinguce, ninga cikusangalala nhondo zose, hamba ciwe ciciwape muno muno, ninga cikuwagolifya wanhu wenji, cijelaga nha cili wanhu mono cisina cinji co cose, ninga kumbe ho cina navyo i vinhu vyose.

2 Wakolinto 8:2

Wose wono wehuwiye wono wali kuko, vyono watuga majelo mawaha so wugaye, ninga hamba nhavivyo inyemo yawo yikonjelezeka muno, sunga wakawa wacemezi muno, hamba wawe wali waciwa muno muno.

2 Wakolinto 8:9

Hambi anye nha mulimanyile lihewa lyo Mutwa wetu Yesu Kilisito, nha vyono mwene hamba yawe yali yakwizize vyose, ninga yakenoza nha muciwa ku soko yenyu, anye ho mugolipile mu wuciwa wakwe.

1 Watesalonike 3:4

Hambi mbeka lono cali kwenyu, nha camula kumulonjelenyi vyono cowa kutamiswa, na vyono mumanyile, na mbeka vyo yikawa.

1 Timoteyo 1:13

hambe bahalya halulongozi nene no mweneco nghamuliga no kumugaza no kumugalila. Ninga mwene Mulungu yakambonela lusungu, ku soko nali nghali sina wihuwilo, na holeka si nali manyile cono netumaga.

1 Timoteyo 6:18

Uwalonjelaje wetume viswanu, wawe wagoli mu metumo maswanu, kanyhi wawe wacemezi, wono wewikanize mu wuhanga ne wanji zisawo zawo.

Wugubule 1:9

Ane yo nene Yohana u ndugu yenyu, na mu wilunza na Kilisito, nghuhanga hamonga nanye mu wukangalila magayo gono gakuwagana wose wono wali mu wutemi wakwe. Ane nawikwa mu cizingwa ca Patimo, ku soko yo kuyiganula nghani yo Mulungu ne mbeka ya Yesu.

Wugubule 2:13

Manyile kono wikaye. Agwe wikaye ku wikalo wuwaha wa Setani! Ninga hamba nha vivyo, wukali wibatiliye litagwa lyangu, hamba si wunakana u wihuwilo wako wa kuliʼne, sunga na mu vilo vya Antipa, muhomelezi wangu mwihuwilwa, lonoyawulajilwa i hanhu hono kekalaga Setani.

Wugubule 2:2

Manyile i metumo gako gose, niwumanyile no wuhidimbazi wako, hamonga no wukangalizi wako wose. Kanyhi manyile nha vyono si wukusuma kuwakangalila wanhu wabi, kanyhi na vyono wakondya kuwamanya awalya wono wakwiyitya watumwa, nawo wo si wene, kumbe wakulonga wulambi.

Wugubule 2:24

“Ninga anye mo wanji mono muli kuko ku Tuwatila, mono si mukugatyatye mafundo gakwe yuyo Yezebeli, na kanyhi mono si mweyijiza cico cono wakucicema wakutya, ‘Ze cinyele za Setani,’ nghumulonjelenyi vyono si nomutwicenyi mutegulo wunji.

Wugubule 3:9

Alu wuhulicize! Nokuletela wanhu we lipuga lya Setani, wanhu wono weyitezaga Wayahudi, kumbe ho walambi. Alu wawo nowaleta kuliʼgwe wakufugamile hamwande yako, ho wamanye vyono ane mbeka nghwendile agwe.

Wugubule 7:14

Nane nghamupitula nghamutya, “Muwaha, gwegwe wumanyile!” Nayo yakanonjela yakutya, “Wawa awa, wo wawalya wono wakola wapolile mugati yo wugaye wuwaha. Ne myenda yawo, wakayezeza mu sakami yo Mwana we ngholo, nayo yikawa mizelu swe.