Wugubule 2:13 - I CILAGANE CIPYA 1991

¹³ Manyile kono wikaye. Agwe wikaye ku wikalo wuwaha wa Setani! Ninga hamba nha vivyo, wukali wibatiliye litagwa lyangu, hamba si wunakana u wihuwilo wako wa kuliʼne, sunga na mu vilo vya Antipa, muhomelezi wangu mwihuwilwa, lonoyawulajilwa i hanhu hono kekalaga Setani.

Luganuzi Luswanu Kuli Wanhu Wose 2002

¹³ Manyile kono wikaye. Agwe wikaye ku wikalo wuwaha wa Setani! Ninga hamba nhavivyo, wukali wibatiliye litagwa lyangu, hamba si wakana u wihuwilo wako wa kuli'ne, sunga na mu vilo vya Antipa, muhomelezi wangu mwihuwilwa, lono yawulajilwa i hanhu hono kekalaga Setani.

Wugubule 2:13 ပူးပေါင်းရင်းမြစ်များ

Matayo 10:23

“Iwanhu kolo wakumulanjenyi mwikaya ali, ale mutizize mwikaya linji. Ninga mbeka nghumulonjelenyi vyono, si mosuma kugajendela makaya gose ga Isilayeli mugamale, lono u Mwana wo Munhu yakali si naza.”

Matayo 24:9

“Kanyhi nawo wolomulavyenyi ho mutamiswe no kuwulagwa. Ne makungugo gose kono galila, golomusulenyi anye, ku soko ye litagwa lyangu.

Matayo 4:10

Baho nhondo, Yesu yakamulonjela Setani yakatya, “Bita ko Setani! Hambi nha yandikwe vyono, ‘Komuhemba Muwaha u Mulungu wako, nagwe komwitumamila u mweneco yali wene du.’ ”

Luka 21:17

Ne wanhu wose womusulenyi ku soko ye litagwa lyangu.

Metumo ge Watumwa 22:20

Na lono muhomelezi wako Sitefano yawulagagwa, nane no mweneco nali nili baho, nane nghelumbaniza ne litumo lilyo, sunga nghawa nigalindilize imakoti ga walya wono wamuwulagaga.’

Metumo ge Watumwa 9:14

Sunga na bahano, kaza yena no wukombolwe wulawa kuli Wakohani wawaha, yawawope wose wono walicemelezaga litagwa lyako.”

1 Watesalonike 5:21

Ninga mweze kuvijela vinhu vyose; mukamise muno muno ziswanu,

1 Timoteyo 5:8

Ninga munhu mono si kalulaga wanhu we mhuga yakwe, ko muno wawalya wa mu kaya yakwe, ale, umunhu yuyo yakondya kuwukana wihuwilo, kanyhi mubi kuciza no munhu yuyo mono siyehuwiye.

2 Timoteyo 1:13

Holeka wugakamisizaje lukulu i mafundo gagalya ge mbeka gono nakwijiza, kanyhi wikalaje du mu wihuwilo na mu wendo wetu wuwo, mu wilunza na Kilisito Yesu.

2 Timoteyo 2:12

Na hono cijendelele no wukangalile, ale, colotemana nayo nha vivyo. Ninga hono cimukane, ale, kolocikana nayo nha vivyo

Wahebelaniya 10:23

Ciwukamisaje u witumbilo wetu wono cikuwuvumila, hambi u Mulungu mono yawunoza u wihuwizo wakwe nha mwihuwilwa.

Wahebelaniya 3:6

Langa Kilisito yo mwihuwilwa nho mwana mono yena Wulajilize mu nyumba yo Mulungu. Ne nyumba yakwe yo sese, hono cibatilile lukulu zo wuluwuce wetu wa muli cono citumbiye.

Yakobo 2:7

Wulenyi, si wowa wo wono walitovulaga litagwa lyenyu liswanu lyono mucemeywe?

Wugubule 1:5

kanyhi na ku wulawa kuli Yesu Kilisito, u muhomelezi mwihuwilwa, u mulongozi kuzukulwa muli wafu, mono yatemile i watemi we yinze. Mwene yacendile, na so isakami yakwe yakaciwopola kulawa mu wubi wetu,

Wugubule 11:3

Nane nowatuma wahomelezi wangu wejete, ho wayiganule i nghani yo Mulungu mu cipango cico ce vilo elufu monga na magana mejete na makumi mutandatu, akuno wowa wavwalile vivwalo vye magunila.”

Wugubule 12:11

Nawo iwandugu zetu wakamusuma ku so sakami yo Mwana we ngholo, na kwe vilungo vye imbeka yono wayiganula, kanyhi wawuwona u wumi wawo si cinji, hamba wafwe.

Wugubule 13:2

Ne lilimu lilyo lyono nawona, lyali lihwanile nha suwi, ne migulu yalyo yikawa yihwanile nhe migulu ye duhu, no mulomo wukawa nha we simba. I lizoka li lilya, likalipela lilyo lilimu vilungo vyalyo, ne ligoda lyalyo lyo wutemi, hamonga no wuwaha winji.

Wugubule 14:12

Na ku soko yiyo, wanhu wo Mulungu wono wakakamisa malajliizo go Mulungu no kumwihuwlia Yesu, yiwanojeye waweze no wukangalile.

Wugubule 17:14

Nawo wokwihoma na Mwana we ngholo, ningo Mwana we ngholo, hamonga na wawala wono yawacema kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 17:6

Nghamuwona mucekulu yuyo yagalile i sakami ye wanhu wo Mulungu, ne sakami ye wanhu wono wawulagwa ku soko yo kumuganula Yesu. Nane nalimuwona, nghezina wizine wuwaha muno muno.

Wugubule 2:2

Manyile i metumo gako gose, niwumanyile no wuhidimbazi wako, hamonga no wukangalizi wako wose. Kanyhi manyile nha vyono si wukusuma kuwakangalila wanhu wabi, kanyhi na vyono wakondya kuwamanya awalya wono wakwiyitya watumwa, nawo wo si wene, kumbe wakulonga wulambi.

Wugubule 3:11

Nghuza kuligwe musunho! Holeka wukamise muno muno cono wina ho yunji yalece kukusolela i cipegwa cako co wusume wako.

Wugubule 3:3

Ale wukumbucile azilya zono wejizwa, na vyono wazihulika, wukazikamisa, ale, wukawanizaje u wuhile wako wubi. Na hono wulece kwikala meso, ale nokuziza nhinicizo nho muhizi, hamba sikocimanya ne cipango cono nokuziza.