Wugubule 19:14 - I CILAGANE CIPYA 1991

¹⁴ Ne mapuga ga wa ku wulanga gakamutyatya akuno wali mucanyha ye zifwalasi zinzelu, nawo wali wavwalile vivwalo vye bafuta nzelu kanyhi yelile muno.

Luganuzi Luswanu Kuli Wanhu Wose 2002

¹⁴ Ne mapuga ga wa ku wulanga, gakamutyatya akuno wali mucanyha ye zifwalasi zinzelu, nawo wali wavwalile vivwalo vye bafuta nzelu, kanyhi yelile muno.

Wugubule 19:14 ပူးပေါင်းရင်းမြစ်များ

Matayo 21:5

“Mulilonjele ilikaya lya Siyoni, Wulanje u Mutemi wako yakukuziza! Mupolo, kanyhi yali mucanyha ye ndogowe.”

Matayo 26:53

Wulenyi, si mumanyile vyono ndahile kumulomba Baba, nayo kosuma kundetela lwa kamonga, mapuga ikumi na mejete ge wamalayika?

Matayo 28:3

No wulangwe wakwe, yejelaga yenha limuli, ne vivwalo vyakwe, vyali vizelu swe, kotya seluji.

2 Watesalonike 1:7

nayo komupelenyi wuceho anye mono mukugazika, na sese nha vivyo. Nayo kokwituma i nghani yiyo mwidaha lyono u Muwaha kolokwijelela kulawa ku wulanga, hamonga ne wamalayika wakwe wawaha,

Yuda 1:14

Nayo Enoci u kuku yetu wo mupunghati vyono yalawa Adamu, yawawilila i wanhu wawo yakutya, “Langa ta, u Muwaha yaza na maelufu ga wamalayika wakwe wono welile,

Wugubule 14:1

Hanyuma nghawona ilitunda lya Sayuni, no Mwana we ngholo yemile mucanyha ye litunda lilyo, hali howali ne wanhu igana limonga na mukumi mane na yine elufu wono wali wemile hamonga nayo, wono wali wandikwe mu wusu wawo, litagwa lyo Mwana we ngholo hamonga ne litagwa lyo Sogwe.

Wugubule 14:20

Zizabibu zikawa kuminyilwa mu ciya cico co kukobonjela zizabibu, cono cali kunze ye likaya, sakami yikalawila mu ciya cico, musululuzi mutali wukafika nha kilometa magana madatu, no wutali wokubita hasi nha kilometa magana mejete.

Wugubule 17:14

Nawo wokwihoma na Mwana we ngholo, ningo Mwana we ngholo, hamonga na wawala wono yawacema kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 19:11

Nghawona wulanga wugubuce, na kuko kukawa na fwalasi yinji nzelu swe, na mono yali yapandile mucanyha yayo, yacemagwa “Mwihuwilwa,” ne “Mbeka.” Yuyo mwene kehomaga ku soko ye lingʼani.

Wugubule 19:8

Nayo yavwalile mwenda we bafuta swanu…, kanyhi yikungʼalala!” (U mwenda wuwo we bafuta swanu go metumo maswanu ge wanhu wo Mulungu.)

Wugubule 3:4

“Ninga hamba nha vivyo, ko wali wanji kuko ku Salidisi, wono si wavitipiza vivwalo vyawo. Awo wo wanojeye kujendana hamonga nane, akuno wavwalile vivwalo vizelu.

Wugubule 4:4

Hakawa hogali magoda makumi mejete na mane gono gali galipilime ligoda lyo wutemi, na mu magoda gago, wali wekaye wawaha makumi mejete na wane, nawo wali wavwalile vivwalo vizelu, na mu mitwe yawo, wali wavwalile mikumbo ya zahabu.

Wugubule 7:9

Hanyuma naza kulanga, nghawona ipuga yiwaha lye wanhu si wakuwala, wanhu we zimbeyu zose, ne milango yose, na we zinonga zose. Nawo wali wemile heʼgoda lyo wutemi, na hali Mwana we ngholo, akuno wavwalile vivwalo vizelu, kanyhi webate ne manhambi ge mitende mu mawoko gawo.