Wugubule 19:10 - I CILAGANE CIPYA 1991

¹⁰ Ale, nane nghagwa hasi funama ha magulu gakwe nghuhila nimuhembe. Ninga mwene yakanonjela yakutya, “Leka! Ane nane nili mwitumami du nha gwegwe hamonga ne wanduguzo, ase wose mono ciyikamisaga i mbeka yiyilya yono Yesu yayigubula. Muhembo Mulungu!” Hambi i mbeka yono Yesu yayigubula, yo yikuwamulicila wawizi.

Luganuzi Luswanu Kuli Wanhu Wose 2002

¹⁰ Ale, nane nghagwa hasi funama ha magulu gakwe, nghuhila nimuhembe. Ninga mwene yakanonjela yakutya, “Leka! Ane nane nili mwitumami du nha gwegwe, hamonga ne wanduguzo, ase wose mono ciyikamisaga i mbeka yiyilya yono Yesu yayigubula. Muhembo Mulungu!” Hambi i mbeka yono Yesu yayigubula, nha yo yikuwamulicila wawizi.

Wugubule 19:10 ပူးပေါင်းရင်းမြစ်များ

Matayo 4:10

Baho nhondo, Yesu yakamulonjela Setani yakatya, “Bita ko Setani! Hambi nha yandikwe vyono, ‘Komuhemba Muwaha u Mulungu wako, nagwe komwitumamila u mweneco yali wene du.’ ”

Maluko 5:22

Baho yakaza yunji wa muli wawaha we nhangʼanilo yo wuhembelo, itagwa Iyakwe Yayilo. Nayo yaza kumuwona Yesu, yakagwa hamwande ye magulu gakwe,

Maluko 7:25

Na baho mucekulu yunji mono u muhinza wakwe yali yena icisi yakazihulika zinghani za Yesu. Hodu yakawa kuza, yakagwa hasi hamwande yemagulu ga Yesu.

Luka 1:19

Malayika yakamupitula yakatya, “Ane nili Gabuliyeli, mono nyimaga hali Mulungu, nane nhumwa ho nongane nagwe, nghuletele lulu Luganuzi Luswanu.

Luka 24:44

Yakawatya, “Azi zo nghani zono namulonjelenyi, lono nali nghali hamonga nanye, nha vyono yali yinojeye kuzifisiliza zose, zono nandicilwa mu Wulajilize wa Musa, na mu wawizi, na mu Zabuli.”

Yohana 5:39

Anye musomaga Mandiko Gono Gelile mukwihwesa vyono, mugati yayo muli gago, motuga wumi we cibitilila, na kumbe gago mandiko go gakuhomelela nene!

Metumo ge Watumwa 10:43

Sunga ne wawizi wose walonga zo Mwene, vyono munhu wo wose mono komwihuwila, kopegwa wunenelwe wo wubi wakwe mwitagwa lyakwe.”

Metumo ge Watumwa 13:27

Hambi wono wekaye ku Yelusalemi, hamonga ne wawaha wawo, si wamumanya mwene vyono yo Muponyi. Hamba si wasuma kuzimanya zinghani ze wawizi zono zasomagwa vilo vyose mu Sabato. Hamba nha vivyo wakagafisiliza i mandiko so kumuwulaga Yesu.

2 Wakolinto 8:7

Vyono mukwizize vyose, mu wihuwilo, wulonje, wumanye, wupiligazi wo kwituma i ziswanu, sunga na mu wendo wenyu wa kuliʼse. Holeka, cikuhila mucile muno mu witumami wuwuno wo wendo.

Waefeso 5:15

Ale mwilanjililaje mu mikalile yenyu. Mulece kwikala nhe walele, langa nha we mahala.

Waefeso 5:33

Ninga zikumupamizenyi na nyenye nha vivyo, vyono yimunojeye mulume wo wose yamwende mugolece wakwe nha vyono ye yendile mweneco, nayo u mucekulu, yimunojeye yamogope u mulume wakwe.

Wafilipi 3:3

Ne wanhu wono mbeka walame, yo sese, si wawo wene, hambi ase nha cikumuhemba u Mulungu mu nzila yo Muhe wakwe, kanyhi cikuwuwona u lukumyo mu wilunze na Kilisito Yesu. Nase si citumbiye zinghani za munze du.

1 Watesalonike 5:15

Mulanjilile, munhu wo wose yalece kumugomolezeza u muyagwe wubi na wubi, langa wuhile wenyu, weze wo kwitendela ziswanu nhondo zose munhu na muyagwe, no kuwatendela ziswanu wanhu wose.

Wahebelaniya 1:14

I Wamalayika, yo myuhe du yono yikumwitumamila u Mulungu, nayo u Mulungu kawatumaga ho wawataze wawalya wono wowubocela u wukombozwe.

Wahebelaniya 12:25

Holeka mulanjilile, mulece kulema kumuhuliciza mono yakulongana nanye. Nha vyono awalya wono walema kumuhuliciza ayulya mono yawasugula hono yinze si wapona yaye. Alu ase cosuma kupona wule hono cileme kumuhuliciza ayulya mono yakucisugula mono yalawa ku wulanga?

1 Yohana 5:10

Mono yakumwihuwila u Mwana wo Mulungu, u wuhomelezi wuwo muli mwene yena nawo, ninga mono siyamwihuwiye Mulungu, yakumunoza u Mulungu mulambi vyono siyehuwiye u wuhomelezi wono u Mulungu yawulavya muli Mwanagwe.

1 Yohana 5:21

Mo wanangu, mwilegaje ne milungu yo wulambi!

Wugubule 1:1

I Citabu acino, co cina zinghani ze metumo gono gagubulwa na Yesu Kilisito. U Mulungu yamugubulila Kilisito u wugubule wu wuno, ho yawalajile i wetumami wakwe zinghani zono si zotinya kwijela. Kilisito yamutuma malayika wakwe yamumanyize Yohana u mwitumami wakwe, i zinghani zizino,

Wugubule 1:9

Ane yo nene Yohana u ndugu yenyu, na mu wilunza na Kilisito, nghuhanga hamonga nanye mu wukangalila magayo gono gakuwagana wose wono wali mu wutemi wakwe. Ane nawikwa mu cizingwa ca Patimo, ku soko yo kuyiganula nghani yo Mulungu ne mbeka ya Yesu.

Wugubule 12:11

Nawo iwandugu zetu wakamusuma ku so sakami yo Mwana we ngholo, na kwe vilungo vye imbeka yono wayiganula, kanyhi wawuwona u wumi wawo si cinji, hamba wafwe.

Wugubule 12:17

Holeka lizoka lilyo likawa kumusimbila yuyo mucekulu, hodu likawa kwibitila, likawa kubita no kwihoma na wanji we mbeyu yo mucekulu yuyo wose wono wakukamisa malajilizo go Mulungu, kanyhi wehuwilwa mu mbeka yono yaziza muli Yesu.

Wugubule 14:7

Nayo malayika yuyo yakalonga kweʼzi yiwaha yakutya, “Ale mumogopajo Mulungu, kanyhi mumukumye! Hambi cidaha co kulavye ningʼaniza yakwe, nha cakondya kuza. Holeka mumuhembaje mweneco mono yawumba wulanga ne yinze, lilenga ne mivwilo ye malenga.”

Wugubule 15:4

Go Muwaha, alo naniʼmbi mono si yakogopile gwegwe? Hamba naniʼmbi mono si yakulikumya ilitagwa lyako? Agwe yo gwegwe mono welile du wuli wene. Ne makungugo gose gokuza kwako ho gakuhembe, hambi i metumo gako, nha gali lingʼani kanyhi gejeye ne wanhu wose.”

Wugubule 19:9

Nayo malayika yakanonjela yakutya, “Wuzandikaje azino, Wamoti wono wacemeywe ku zindigwa ze halusi yo Mwana we ngholo!” Yakanonjela kanyhi yakutya, “Zizo zo nghani ze mbeka yo Mulungu.”

Wugubule 4:10

awalye wawaha makumi mejete na wane, nawo wakagwa hamwande ya yuyo mono yekaye mwigoda lyo wutemi no kumuhemba yuyo mono kekalaga cibitilila ne cibitilila, nawo wakuyiwika mikumbo yawo ha mwande ye ligoda lyo wutemi akuno wakutya,