Wugubule 18:21 - I CILAGANE CIPYA 1991

²¹ Hanyuma malayika yunji mono yali vilungo muno, yakenula libwe yiwaha lyono lihwanile nho luzala luwaha lo kusajila, nayo yakaligumila mwilenga akuno yakutya, “Nha vivyo ne likaya liwaha lya Babiloni vyo lyogumilwa no kwajililila lukulu, hamba kwijela yaye.

Luganuzi Luswanu Kuli Wanhu Wose 2002

²¹ Hanyuma malayika yunji mono yali vilungo muno, yakenula libwe yiwaha, lyono lihwanile nho luzala luwaha lo kusajila, nayo yakaligumila mwi'lenga akuno yakutya, “Nhavivyo ne likaya liwaha lya Babiloni vyo lyogumilwa no kwajililila lukulu, hamba kwijela yaye.

Wugubule 18:21 ပူးပေါင်းရင်းမြစ်များ

Wugubule 10:1

Hanyuma kanyhi nghamuwona malayika yunji mono yali vilungo, yakutima kulawa ku wulanga. Nayo yali muvwikwe ivunde, hamonga ne licilalyambwa lye mvula mu mutwe wakwe. Wusu wakwe wali wihwanile lizuwa, ne migulu yakwe yali yinha masumbili ga moto.

Wugubule 12:8

Ninga lizoka likasumwa, na kuwulagwa, baho hakawa hasina kanyhi cilejeho co cose ku so lizoka ne wamalayika walyo co wikala ku wulanga.

Wugubule 16:20

Ne vizingwa vyose vikatiza, ne matunda nago hamba kwijela yaye.

Wugubule 18:10

Nawo wolowa wemile kutali muno, wakugogopa i magazo gakwe, akuno wakutya, “Woyi he! Woyi he kuligwe go Babiloni, i likaya litambule kanyhi lye vilungo! Mwidaha lya saa monga du, u wulipicizwe wako wakondya kukuziza.”

Wugubule 18:22

Ne mazi ge watowa masumbi, ne mazi ge watowa zingʼoma, ne mazi ge watowa zifulembe ne zindulele, si golohulikwa kanyhi muligwe. Hasina hamba fundi we liwala lyo lyose kanyhi mono kosuma kwijela muli gwegwe, hamba ne lizi lyo luzala lo kusajila si lyohulikwa kanyhi muli gwegwe.

Wugubule 20:11

Hanyuma nghawona ligoda liwaha lyo wutemi, lizelu, na mono yekaye mwigoda lilyo. I yinze hamonga no wulanga, vikatiza ha mwande yo wusu wakwe, hamba si vyejelela lukulu kanyhi.

Wugubule 5:2

Kanyhi nghamuwona malayika we vilungo yakulonga neʼzi ʼwaha yakutya, “Nani ʼmbi mono yanojeye kubena vivyo vinamatizo, sunga yacigubule ne citabu cico?”