Wugubule 17:5 - I CILAGANE CIPYA 1991

⁵ Nayo yali yandicigwe litagwa lya fumbo mu cihanda co wusu wakwe, ne litagwa lilyo lyali, “Babiloni i liwaha, u nyina we wasenyha, na we makani gose ge cikomaza ga mononze.”

Luganuzi Luswanu Kuli Wanhu Wose 2002

⁵ Nayo yali yandicigwe litagwa lya fumbo mu cihanda co wusu wakwe, ne litagwa lilyo lyali, “Babiloni i liwaha, u nyina we wasenyha, na we makani gose ge cikomaza ga mononze.”

Wugubule 17:5 ပူးပေါင်းရင်းမြစ်များ

Wafilipi 3:19

Ninga u mudumo wawo wowa ku moto, vyono zinda zawo nha yo mulungu wawo, wakuwona nha lukumyo muli zinghani zono ziwanojeye waziwonele cevu, wehwesaga za kononze du.

2 Watesalonike 2:7

Hamba nha vivyo, yuyo u Mubi mono si yakwijela luno, yakwituma i milimo yakwe lulu, ninga si kosuma kwijela sunga ayulya mono yakumwinula yawuswe.

Wugubule 1:20

Ne nhunizo hundikwe ye zinyelezi zo mupunghati zono wuziwene mu muwoko wangu wo kulume, hamonga ne nhunizo hundikwe yo wuwiko wu wulya we zitala mupunghati za zahabu, nha yoyi, zi zilya i zinyelezi zo mupunghati, wo wamalayika we makanisa go mupunghati, na wulya u wuwiko mupunghati we zitala, go makanisa mupunghati.

Wugubule 11:8

Ne mivimba yawo yokwikala mu zibalabala ze likaya liwaha, ihanhu hono u Muwaha wawo yatumbicilwa mu musalaba, i litagwa lye colecezo ce likaya lilyo, yo Sodoma hamba Misili.

Wugubule 14:8

Malayika we kejete nayo, yakamutyatya yu yulyo mulongozi yakutya, “Woyi, lyagwa! Heya, lyagwa nye, li Babiloni liwaha lyagwa! Li Babiloni lyono lyawangʼwesaga divayi yalyo, wanhu wose we makungugo gose, divayi yono nghali, divayi yo wusenyha walyo!”

Wugubule 16:19

Ne likaya lililye liwaha likatemanulwa hali hadatu, ne makaya ga we makungugo gakagwa. Likaya liwaha lya Babiloni, Mulungu hamba si yalisemwa yaye. Yakalingʼwesa i cikombe ce divayi ye likuwo lyakwe.

Wugubule 17:1

Yumonga wa muli wa walya wamalayika mupunghati wono wali wene mabakuli, yakanyiziza yakanonjela yakutya, “Ta wuze! Nane nokulajila u wulipicizwe wono yapejigwe ayulyo u musenyha muwaha, i likaya alilye liwaha lyono lizenjigwe behi ye makolongo menji.

Wugubule 17:2

Ne watemi wa kononze wasenyha nayo na wono wekaye kononze wakawa wangʼwela so wungʼwa i divayi yo wusenyha wakwe.”

Wugubule 17:7

Ninga malayika yakanonjela yakutya, “Alo, nhawule lu, wukwizina? Ale ane nokulonjela i nhunizo ye zinghani ze cinyele zo mucekulu yuyu na ze lilimu lilyo lyono limudinghuye, lyono lina mitwe mupunghati ne mahembe ikumi.

Wugubule 18:2

Nayo yakalonga kweʼzi yiwaha, yakutya, “Ligwa Libabiloni liwaha, lingwa! Aluno weza wuli wikalo we masetani hamonga na myuhe yiyi, kanyhi weza wuli wikalo we zindeje zinyavu, kanyhi ze cikomaza muno.

Wugubule 18:21

Hanyuma malayika yunji mono yali vilungo muno, yakenula libwe yiwaha lyono lihwanile nho luzala luwaha lo kusajila, nayo yakaligumila mwilenga akuno yakutya, “Nha vivyo ne likaya liwaha lya Babiloni vyo lyogumilwa no kwajililila lukulu, hamba kwijela yaye.

Wugubule 19:2

Hambi iningʼaniza yakwe nha ye mbeka kanyhi ye lingʼani. Hambi nha kamulingʼaniza u musenyha muwaha, mono yali yakondya kuyajiliza yinze ku so wusenyha wakwe. U Mulungu kamulingʼaniza yuyo Babiloni likaya liwaha vyono lyawawulaga i wetumami wakwe!”

Wugubule 7:3

nayo malayika yuyo yakatya, “Mulece kuyihodanga yisi, hambe malenga, hambe mabici, sunga kolo cakondya kuwawicila citanjilo mu wusu wawo, i wetumami wo Mulungu wetu.”