Wugubule 16:17 - I CILAGANE CIPYA 1991

¹⁷ Hanyuma malayika wo mupunghati, nayo yakalijidile libakuli lyakwe mu mbeho. Ne lizi liwaha likahulikwa likulawa mwigoda lyo wutemi, mu wuhembelo, likutya, “Yakondya kuwa!”

Luganuzi Luswanu Kuli Wanhu Wose 2002

¹⁷ Hanyuma, malayika wo mupunghati, nayo yakalijidile libakuli lyakwe mu mbeho. Ne lizi liwaha likahulikwa, likulawa mwigoda lyo wutemi, mu wuhembelo, likutya, “Yakondya kuwa!”

Wugubule 16:17 ပူးပေါင်းရင်းမြစ်များ

Yohana 19:30

Nayo Yesu yaza kukondya kuyibocela yiyo siki, yakatya, “Yimalika” hodu yakenamya mutwe wakwe, yakawa kufwa.

Waefeso 2:2

Na mwipango lilyo mwekalilaga mu mikalile mibi ya mononze yiyi, nanye mukawa mukumuhulika u muwaha wo muhe mubi we vilungo wa mu mwanya, wo muhe wono wuwatemile alu, iwanhu wono si wakumuhulika u Mulungu.

Waefeso 6:12

Hambi u wulugu wetu nha si cikwihoma ne wanhu, langa cikwihoma ne litewa lyavu lya mu yinze ye cimuhe, cikwihoma ne watemi, ne wawaha na wono wena i vilungo, wono wayitemile i yinze yiyi ye citi.

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 11:19

I Nyumba yo Mulungu ku wulanga yikadigulwa, ne lisanduku lye cilagane cakwe likejela mumo mu wuhembelo wakwe. Hanyuma vikawa kuza limuli, ne lizi, mabalalusi, ne mafulo ge yisi, hamonga ne mvula mbaha ye mabwe.

Wugubule 14:15

Hanyuma malayika yunji nayo yakalawa mu wuhembelo nayo yakamulonjela kweʼzi iwaha yu yulya mono yali yekaye mwivunde yakutya, “Dedede, wuyitumamilaje hengo yako, wududule, hambi cipango ce ndudula nha cafika, i nhwanga ye yinze, yakondya kupya yaciziliza.”

Wugubule 14:17

Malayika yunji nayo yakalawa mu wuhembelo ku wulanga, nayo yena hengo nghali muno.

Wugubule 16:1

Hanyuma kanyhi nghahulika lizi yiwaha likulawa ku wuhembelo, lizi lilyo likuwalonjela wawalya wamalayika mupunghati, likutya, “Ale mubite mukagamwaje mu yinze gago mabakuli mupunghati ge likuwo lyo Mulungu.”

Wugubule 21:6

Hanyuma yakawa kunonjela yakutya, “Zose ʼlu, zakondya! Ane yo nene wo Mwamulizo na wo Mudumo. Nayo mono yakaluce, ane nomupela co kungʼwa bwete, kuwulawa mu mivwilo ye malenga go wumi.