Wugubule 16:14 - I CILAGANE CIPYA 1991

¹⁴ Ayi yo myuhe ye masetani yono yinozaga mapoto. Yiyi myuhe midatu yo yiyo yono yiwabitilaga watemi we yinze yiyi yose, no kuwakonghola hamonga ho wehome wulugu wuwaha mwizuwa liwaha lyo Mulungu Mudaha vyose.

Luganuzi Luswanu Kuli Wanhu Wose 2002

¹⁴ Ayi yo myuhe ye masetani, yono yinozaga mapoto. Yiyi myuhe midatu yo yiyo yono yiwabitilaga watemi we yinze yiyi yose, no kuwakonghola hamonga ho wehome wulugu wuwaha mwizuwa liwaha lyo Mulungu Mudaha vyose.

Wugubule 16:14 ပူးပေါင်းရင်းမြစ်များ

Matayo 24:14

Ninga i yinze yose yoganulilwa u Luganuzi Luswanu lo Wutemi wo Mulungu mu makungugo gose lono i ndumo yikali si naza, ho wuwe wuhomelezi kuli wene.

Matayo 24:24

Hambi nha wololawila walambi wenji, wono wokwicema weneco yo Kilisito, kanyhi ne wawizi wo wulambi. Nawo wawo wonoza mapoto mawaha, ne mezino gono gosuma kumwajilizenyi, na hono yisumice sunga ne wahagulwa wo Mulungu.

Maluko 13:22

Hambi nha wolokwijela wanhu wo wulambi lambi wono wokwiyitya weneco yo Kilisito, ne wawizi wo wulambi lambi, nawo wolonoza vitanjilo ne mezino, ho wajilize i wahagulwa wo Mulungu, hono yisumice.

Luka 2:1

Mu vilo vivyo lono Yohana yali yalelwa, Kayisali Awugusito, yakalajiliza vyono wanhu wose wono wali hasi yo wutemi wakwe wandikwe.

Yohana 8:44

Anye muli wana wo sogo yenyu Setani, no wusulumizi wa yuyo sogo yenyu, wo mwendile kuwituma. Mwene yali muwulaji kulawa mwamulizo, hamba si kemaga mu mbeka, vyono muli mwene, imbeka yili musina. Hono yakulonga wulambi, kalongaga i zakwe mweneco, nha vyono yenha, hambi nha mulambi, kanyhi yo sogwe yo wulambi.

Walumi 1:8

Nghwamula kumulumba u Mulungu wangu, muli Yesu Kilisito so nyenye wose, vyono u wihuwilo wenyu wumanyice kononze kose.

2 Watesalonike 2:9

Nayo yuyo u Mubi, kolokuziza mu vilungo vya Setani, no kunoza vitanjilo vye mawala gose ne mezino go wulambi,

1 Timoteyo 4:1

Ningo Muhe yakulonga ciwonelela vyono mu vilo vyono vikuza, iwanhu wanji wolowulecela lukulu u wihuwilo, nawo woloyihulicila i myuhe yo wukoci, no kwibata mafundo ge masetani.

Yakobo 3:15

Mahala gono genha nha vivi, sigalawaga kucanyha ku wulanga, langa imahala gago ga kononze, kanyhi ga ciyinze yinze, na kanyhi ga cisetani.

1 Yohana 5:19

Cimanyile vyono ase cili wo Mulungu, hamba yiwe i yinze yose yili mu vilungo vya ayulya u Mubi.

Wugubule 12:9

Holeka ilizoka lilyo liwaha, likagumilwa kunze. Ne lizoka lilyo, yo nzoka yi yilya ye katali, yono kanyhi yicemagwa Ibilisi hamba Setani, mono kawakongaga we yinze wose. Heya likagumilwa kononze hamonga ne wamalayika walyo wose.

Wugubule 13:3

No mutwe wumonga we lilimu lilyo, wejelaga nha wali wina ikomele yiwaha muno, ninga i nghomele yiyo yali yakondya kunoga. Ne lilimu lilyo likawapela mezino mawaha muno, i wanhu wose wa mononze, sunga wose wakawa kulityatya.

Wugubule 16:16

Hodu, yiyo imyuhe myavu yikawa kongholela hamonga wawo watemi, hanhu hono hacemagwa mu Cihebelaniya Hali-Magedoni.

Wugubule 16:7

Hanyuma nghahulika lizi kulawa mu cikumbicilo, likutya, “Heya go Mulungu u Mudaha vyose, i ningʼaniza yako yo ye mbeka kanyhi ye lingʼani.”

Wugubule 17:14

Nawo wokwihoma na Mwana we ngholo, ningo Mwana we ngholo, hamonga na wawala wono yawacema kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 20:8

Nayo kolawila mu jela, kanyhi yamule kugakonga i makungugo gose gono geyagaye kononze kose, wo wutya, Gogu na Magogu. Setani kowakongholela hamonga ho wehome, wene wowa wenji wenha musawawa wa munyenje ye lilenga.

Wugubule 3:10

Vyono agwe wakamisa i lilajilizo lyangu lyo wukangalile, ale nha vivyo nane nokukamisa mwipango lyo wugaye lyono likuwaziza wa kononze wose, no kuwajela wono wekaye mononze wose.

Wugubule 6:17

Hambi lizuwa lyo kogofya, lye likuwo lyawo, nha lyakondya kuza. Alu nani ʼmbi mono kosuma kwima no kwidoma nalyo?”