Wugubule 16:13 - I CILAGANE CIPYA 1991

¹³ Hanyuma nghawona myuhe midatu myavu yinha madelu, yikulawa mu mulomo wa lililye lizoka, na mu mulomo wa lililye lilimu, na mu mulomo wa yulyo muwizi wo wulambi.

Luganuzi Luswanu Kuli Wanhu Wose 2002

¹³ Hanyuma nghawona myuhe midatu myavu yinha madelu, yikulawa mu mulomo wa lililya lizoka, na mu mulomo wa lililya lilimu, na mu mulomo wa yulya muwizi wo wulambi.

Wugubule 16:13 ပူးပေါင်းရင်းမြစ်များ

Matayo 7:15

“Mwilanjililaje kuli iwawizi wo wulambi. Wono wakumuzizenyi, akuno wakwijela kunze nha ngholo, ninga mugati yawo ho maminzi makali.

Wugubule 16:14

Ayi yo myuhe ye masetani yono yinozaga mapoto. Yiyi myuhe midatu yo yiyo yono yiwabitilaga watemi we yinze yiyi yose, no kuwakonghola hamonga ho wehome wulugu wuwaha mwizuwa liwaha lyo Mulungu Mudaha vyose.

Wugubule 18:2

Nayo yakalonga kweʼzi yiwaha, yakutya, “Ligwa Libabiloni liwaha, lingwa! Aluno weza wuli wikalo we masetani hamonga na myuhe yiyi, kanyhi weza wuli wikalo we zindeje zinyavu, kanyhi ze cikomaza muno.

Wugubule 19:20

Ninga lilimu lilyo likasolwa mateka, hamonga no muwizi wo wulambi, mono yanozaga mapoto ha mwande yalyo. (Na ku so mapoto gago, yasuma kuwajiliza wenji wono wali wena i citanjilo ce lilimu lilyo, kanyhi na wono wacihemba ne cihwani calyo.) Ne lilimu lilyo hamonga no muwizi yuyo, wose vyono wejete wakagumilwa vyo womi du, mwilamba lyono lyakaga moto we cibiliti.

Wugubule 20:10

Na Setani mono yawakongaga, nayo yakagumilwa mwilamba lyono likwako moto we cibiliti, mumo mono molili alilya lilimu hamonga no muwizi wo wulambi, nawo wowa kugazwa misi ne cilo, cibitilila ne cibitilila.