Wugubule 15:1 - I CILAGANE CIPYA 1991

¹ Hanyuma nghawona citanjilo cinji ku wulanga citanjilo JL ciwaha muno kanyhi ca wizine. Baho hali na wamalayika wali mupunghati, wena magazo mupunghati ge ndumilizo. Ne likuwo lyo Mulungu lyomalicila mu magazo gago mupunghati.

Luganuzi Luswanu Kuli Wanhu Wose 2002

¹ Hanyuma, nghawona citanjilo cinji ku wulanga, citanjilo ciwaha muno, kanyhi ca wizine. Baho hali na wamalayika wali mupunghati, wena magazo mupunghati ge ndumilizo. Ne likuwo lyo Mulungu lyomalicila mu magazo gago mupunghati.

Wugubule 15:1 ပူးပေါင်းရင်းမြစ်များ

Wugubule 10:3

Nayo yakawa kucema kweʼzi waha muno muno, nha simba yikukoloma. Nayo yali yeza kuzoza muno, mabalalusi mupunghati nago gakabocelela ko mulizo muwaha muno muno.

Wugubule 11:14

I magazo ge kejete gapuluta, ninga langa ta! I magazo ge kadatu gokuza musunho.

Wugubule 14:10

ale u munhu yuyo koyingʼwa divayi ye likuwo lyo Mulungu, divayi yono yakondya kujidilwa mu cikombe ce likuwo lyakwe, kanyhi hamba si hanza hanzwe ne malenga yaye. U munhu yuyo kogazizwa mu moto ne cibiliti, hamwande ye wamalayika wono welile na hamwande yo Mwana we ngholo.”

Wugubule 14:19

Ale, nayo malayika yuyo, yakawa kuyigumila hengo yakwe kononze, yakazidudule zizabibu ze yinze yakazitajila mu ciya ciwaha co kukobonjela zizabibu, i ciya ce likuwo lyo Mulungu.

Wugubule 16:1

Hanyuma kanyhi nghahulika lizi yiwaha likulawa ku wuhembelo, lizi lilyo likuwalonjela wawalya wamalayika mupunghati, likutya, “Ale mubite mukagamwaje mu yinze gago mabakuli mupunghati ge likuwo lyo Mulungu.”

Wugubule 17:1

Yumonga wa muli wa walya wamalayika mupunghati wono wali wene mabakuli, yakanyiziza yakanonjela yakutya, “Ta wuze! Nane nokulajila u wulipicizwe wono yapejigwe ayulyo u musenyha muwaha, i likaya alilye liwaha lyono lizenjigwe behi ye makolongo menji.

Wugubule 19:15

No mumaje mukali wukulawa mu mulomo wakwe, nayo kowasumila, we makungugo, u mumaje wuwo. Nayo yo mweneco mono kotema muli wene ne nghome ya cuma, akuno yakuminyila idivayi mu ciya co kuminyila zizabibu ze likuwo liwaha lyo Mulungu u Mudaha Vyose.

Wugubule 21:9

Hanyuma yunji wa muli wawalya wamalayika mupunghati wono wali wena agalya mabakuli mupunghati gono gali gamemile imagazo mupunghati go mudumo, yakanyiziza yakanyitya, “Nzoo kuno! Nane nokulajila bibi halusi u mugolece wo Mwana we ngholo!”

Wugubule 8:13

Nane naza langa, nghahulika numba yiguluce yili kucanyha muno muno, akuno yikulonga kweʼzi iwaha yikutya, “Woyi he, woyi he, woyi he, kuli wono wowa wakali wekaye mononze, lono wamalayika wadatu wono wasigaye kolo wakuzitowa zindulele zawo!”

Wugubule 8:2

Hanyuma nghawa kuwawona wa walye wamalayika mupunghati wono wemile hali Mulungu wakupegwa ndulele mupunghati.

Wugubule 8:6

Hanyuma wa walya i wamalayika mupunghati wono wali wena zindulele mupunghati, nawo wakewikaniza ho wazitowe.

Wugubule 9:20

I wanhu wanji wono wasigala, wono si wawulagwa no wongomezwe wuwo, nawo hamba si wanena no kuyileka vinhu vyono wali wavinozize kwe miwoko yawo weneco, langa wakajendelela du kuhemba masetani, ne vihwani vye zahabu, na vye fweza, na vye cuma cizelu, na vye mabwe, na vye mabici, vinhu vyono sivikusuma hamba kuwona yaye, hamba kuhulika, hamba kujenda.