Wugubule 14:7 - I CILAGANE CIPYA 1991

⁷ Nayo malayika yuyo yakalonga kweʼzi yiwaha yakutya, “Ale mumogopajo Mulungu, kanyhi mumukumye! Hambi cidaha co kulavye ningʼaniza yakwe, nha cakondya kuza. Holeka mumuhembaje mweneco mono yawumba wulanga ne yinze, lilenga ne mivwilo ye malenga.”

Luganuzi Luswanu Kuli Wanhu Wose 2002

⁷ Nayo malayika yuyo, yakalonga kwe'zi yiwaha yakutya, “Ale mumogopajo Mulungu, kanyhi mumukumye! Hambi cidaha co kulavye ning'aniza yakwe, nha cakondya kuza. Holeka mumuhembaje mweneco mono yawumba wulanga ne yinze, lilenga ne mivwilo ye malenga.”

Wugubule 14:7 ပူးပေါင်းရင်းမြစ်များ

Matayo 25:13

Baho Yesu yakawatya, “Holeka munojeye mwikalaje meso, hambi nha si mumanyile ilizuwa hamba cipango.

Luka 17:18

Si yejeye yunji mono yazize kumupelo Mulungu ilumbo, langa mujenzi ayu du?”

Metumo ge Watumwa 14:15

“Nhawulenyi mukwituma zizi? Nase nha cili wanhu du kotya nyenye. Nase cili baha ho cimuganulilenyi Luganuzi Luswanu, ho muzilece zizi zo wulele, mumupitucile Mulungu mumi mono yawumba wulanga ne yinze, lilenga na vyose vyono vili mugati.

1 Petelo 4:7

Ale, u mudumo we vinhu vyose wasejelela. Holeka munojeye muwe no wiyimile no kwikala meso, ho musume kulomba.

Wugubule 11:13

Na mwidaha lilyo likaza itulo yiwaha lyeʼsi, ne libimha lye likumi lye likaya likagwa. Ne wanhu elufu mupunghati wakawulagwa ku soko ye litulo lilyo lye yisi. Ne wanhu wono wasigala wakawa kogopa muno, wakamukumyo Mulungu wa ku wulanga.

Wugubule 11:18

Wanhu we makungugo wakakolwa ikuwo, vyono lidaha lye likuwo lyako lyakondya kuza, lyo kuwalingʼaniza i wafu. Naco co cipango co kuwapelela ligawo lyawo wetumami wako wawizi wanhu wako, na wose wono walikumyaga, litagwa lyako, wawaha ne wadodo. Kanyhi co cipango co kuwongomeza wono wakuyongomeza yinze.”

Wugubule 15:4

Go Muwaha, alo naniʼmbi mono si yakogopile gwegwe? Hamba naniʼmbi mono si yakulikumya ilitagwa lyako? Agwe yo gwegwe mono welile du wuli wene. Ne makungugo gose gokuza kwako ho gakuhembe, hambi i metumo gako, nha gali lingʼani kanyhi gejeye ne wanhu wose.”

Wugubule 16:9

Iwanhu wakanyanywa vibi muno muno, wakawa kumuliga Mulungu mono yena vilungo muli magazo gago mawaha. Ninga hamba si wawuleka u wubi wawo, no kumukumyo Mulungu.

Wugubule 18:10

Nawo wolowa wemile kutali muno, wakugogopa i magazo gakwe, akuno wakutya, “Woyi he! Woyi he kuligwe go Babiloni, i likaya litambule kanyhi lye vilungo! Mwidaha lya saa monga du, u wulipicizwe wako wakondya kukuziza.”

Wugubule 18:17

Ninga alu wugoli wako wose wukuwucila mwipango lya saa monga du! Hanyuma i wajendya zingalawa wose, hamonga ne wanya mihinzo wawo wose, ne wajendela mwilenga, sunga na wose wono wetumaga milimo mwilenga, wose wakema kutali,

Wugubule 18:19

Nawo wakeyitila manghundi mu mitwe yawo akuno wakulila muno muno kwe mazi mawaha no kulila citalo wakutya, “Woyi he! kuligwe go likaya liwaha! Lye kaya lyono wose wanye zingalawa zono zikujendela mwilenga mo wagolipila so wugoli walyo. Ninga wakondya kwajiliza i vinhu vyawo vyose mwipango lya saa monga du!”

Wugubule 19:5

Hanyuma lizi likalawa mwigoda lyo wutemi, likutya, “Mumulumbo Mulungu anye nyo wetumami wakwe wose, na wose mono mumogopile, i wadodo ne wawaha.”

Wugubule 4:11

“Agwe yo gwegwe go Muwaha nago Mulungu wetu, mono wunojeye lukumyo, ne lilumbo ne vilungo, hambi nha yo gwegwe muwumbi we vinhu vyose, na ku so wuhile wako, vyose vikawa, na vyose vyapegwa wumi no kuwumipa.”

Wugubule 4:9

Na lono viwumbwa vi vilya vine vyembaga zinyimbo zo kumukumya, na ze cogopo, hamonga no kumulumba yuyo mono yekaye mwigoda lyo wutemi, mono kekalaga cibitilila ne cibitilila,

Wugubule 8:10

Hanyuma malayika we kadatu nayo, yakayitowa ndulele yakwe. Ne nyelezi mbaha yono yakaga nha moto, yikagwa kulawa ku wulanga, nayo yikagwila mwibimha lye kadatu lye makolongo ne mivwilo ye malenga.