Wugubule 14:4 - I CILAGANE CIPYA 1991

⁴ I wanhu wawo, wo wanhu wono weyikamisa mu wele wose, wono siwetumana makani go wusulumizi na wecicekulu, hambi wene nha wasindile. I wene wawo, wamutyatyaga Mwana we ngholo ko kose kono yakubita. Wawo wo wagulwa kulawa muli wanhu wanji, kanyhi wakawa wo walongozi kulavywa kuli Mulungu na kuli Mwana we ngholo.

Luganuzi Luswanu Kuli Wanhu Wose 2002

⁴ I wanhu wawo, wo wanhu wono weyikamisa mu wele wose, wono siwetuma makani go wusulumizi na we cicekulu, hambi wene nha wasindile. I wene wawo, wamutyatyaga Mwana we ngholo ko kose kono yakubita. Wawo wo wagulwa kulawa muli wanhu wanji, kanyhi wakawa wo walongozi kulavywa kuli Mulungu na kuli Mwana we ngholo.

Wugubule 14:4 ပူးပေါင်းရင်းမြစ်များ

Matayo 19:12

Hambi nha kozili soko nyinji zono zikuleka wanji walece kutola, iwanji ku soko vyono walelwa nhavivyo, na wanji, ku soko vyono wanozigwe nha vivyo ne wanhu, na wanji nawo, walamuye weneco du, vyono si wotola, ku soko yo wutemi wa ku wulanga. Holeka mono yakusuma kulibocela i lifundo lilino, ale yalibocelaje.”

Matayo 25:1

“Lulo baho, u Wutemi wa ku wulanga wolokwihwananizwa ne wahinza ikumi wono wasola zitala zawo, wakawa kubita kumuhinjliiza bwana halusi.

Matayo 8:19

Mwijizi yunji wo Wulajilize yakamubitila Yesu, yakamutya, “Gwe Mwijizi, ane nokutyatya ko kose kono kobita.”

Yohana 10:27

Izingholo zangu zikuwa kulihulika ilizi lyangu, nane nizimanyile, nazo zinhyatyaga.

Yohana 12:26

Munhu mono yakusaka kunyitumamila, yimunojeye yanhyatye, kanyhi ho hose hono nili honili ane, baho ho kowa no mwitumami wangu. Na munhu wo wose mono yakunyitumamila ane, nayo Baba komupela lilumbo.

Yohana 13:37

Petelo yakamutya, “Muwaha kusokoci si nosuma kukutyatya lulu baha? Ane niwikanize hamba kufwa kusoko yako.”

Yohana 8:12

Yesu lono yaduwaga ne Wafalisayo kanyhi, yakawalonjela, yakutya, “Ane yo nene wuzelu we yinze. Mono yakunhyatya nene, si kojendela lukulu mu wutitu, langa kowa no wuzelu wo wumi.”

Metumo ge Watumwa 20:28

Mwikamisaje mo weneco, mulikamisaje na lilyo i litewa lyose, lyono u Muhe Mono Yelile yamuwicenyi anye ho mulidime. Mulidimaje ilikanisa lyo Mulungu, lyono yaligula ne sakami yo Mwanagwe.

1 Wakolinto 16:15

Nye wandugu zangu, si kotya muyimanyile i mhuga ya Stefano vyono i wene, wo wanhu walongozi muno muno wo kuwubocela u wihuwilo we Cikilisito mu Akaya, na vyono welavizye ho wawetumamile i wanhu wo Mulungu. Nane nghumunenenyi anye nyo wandugu zangu,

1 Wakolinto 6:20

Mwagulwa ko wuguzi wukamu. Holeka ku sokoyiyo, muyitumamilaje i miwili yenyu ko lukumyo lo Mulungu.

1 Wakolinto 7:28

Ninga na hono wutole, ale si kowa wetuma wubi yaye, no muhinza nayo nha vivyo hono yatolwe, si kowa yetuma wubi yaye. Wawo langa wono wetolile, wotuga magaziko ga mono yinze yiyi, ninga ane ku lwangu, si nali nyende zizo zimwaganenyi anye.

2 Wakolinto 11:2

Ane nha nghumuwonelenyi wivu, ninga wivu wa kuli Mulungu, hambi anye nha mwihwanile u muhinza musindile mono nimubanyiye u mulume monga du, nayo yo Kilisito.

Waefeso 1:14

Yuyo Muhe co cipinjiko co kuzibocelela zose zono u Mulungu yawehuwiziza iwanhu wakwe, ne nghani yiyi yo yikucimanyiza vyono u Mulungu kowakombozeza lukulu wose iwakwe. Cilukumyaje u lukumyo lwakwe!

Waefeso 5:27

ho yetujile Likanisa lyono lyelile, na lyono iswanu, Likanisa lyono lisina manamha manamha hamba cilema, hamba ganji go gose gono genha gaga.

1 Timoteyo 4:3

Iwanhu we liwala lilyo, wejizaga vyono gowa masutya kwitola, sunga no kulya zindigwa zinji zinji. Ninga u Mulungu nha yaziwumba i zindigwa zizo, ho wawalya wono wehuwiye na wono watuga kuyimanya imbaka, wazitumamile kwe lilumbo.

Wahebelaniya 12:23

Mwaficila ku wutangʼano wuwaha we walelwa iwalongozi wo Mulungu, wono matagwa gawo gandicigwe ku wulanga. Mwimile hali Mulungu yo mulingʼanizi wa wose, na hamwande ye myuhe ye wanhu we lingʼani wono wanozwa wakwilaniciye.

Yakobo 1:18

So wendo wakwe mweneco yacilela mu nghani yakwe ye mbeka, ho ciwe nha cili mikalo milongozi wa muli viwumbwa vyakwe.

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

Wugubule 17:14

Nawo wokwihoma na Mwana we ngholo, ningo Mwana we ngholo, hamonga na wawala wono yawacema kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 21:22

Hamba si nawona wuhembelo mwikaya lilyo, hambi u Muwaha Mulungu u Mudaha vyose, hamonga na yuyulya u Mwana we ngholo, nha wo wuhembelo walyo.

Wugubule 21:23

Ne likaya lilyo si likusaka izuwa, hamba mwezi vilimulicile, hambi u lukumyo lo Mulungu nha lolukuwa kulimulicila, ne zitala zalyo, yo yuyo u Mwana we ngholo.

Wugubule 3:4

“Ninga hamba nha vivyo, ko wali wanji kuko ku Salidisi, wono si wavitipiza vivwalo vyawo. Awo wo wanojeye kujendana hamonga nane, akuno wavwalile vivwalo vizelu.

Wugubule 5:9

Nawo wakemba u lwimbo aluno lupya. “Agwe yo gwegwe mono wunojeye wucisole citabu cico no kubena vinamatizo vyayo. Vyono agwe wakondya kuwulagwa, wukamugulila Mulungu ne sakami yako, wose we zimbeyu zose, wezinonga zose, ne wanhu wose ne zinghungugo zose.