Wugubule 14:12 - I CILAGANE CIPYA 1991

¹² Na ku soko yiyo, wanhu wo Mulungu wono wakakamisa malajliizo go Mulungu no kumwihuwlia Yesu, yiwanojeye waweze no wukangalile.

Luganuzi Luswanu Kuli Wanhu Wose 2002

¹² Na ku soko yiyo, wanhu wo Mulungu wono wakakamisa malajilizo go Mulungu no kumwihuwila Yesu, yiwanojeye waweze no wukangalile.

Wugubule 14:12 ပူးပေါင်းရင်းမြစ်များ

2 Timoteyo 4:7

Hidimbala muno mu wisumanize, muhinzo niwumala viswanu, sunga no wihuwilo nawo niwukamisa.

1 Yohana 2:3

Hono cigakamise i malajilizo go Mulungu, ale ho cosuma kumanyila lukulu vyono cimumanyile.

Wugubule 12:17

Holeka lizoka lilyo likawa kumusimbila yuyo mucekulu, hodu likawa kwibitila, likawa kubita no kwihoma na wanji we mbeyu yo mucekulu yuyo wose wono wakukamisa malajilizo go Mulungu, kanyhi wehuwilwa mu mbeka yono yaziza muli Yesu.

Wugubule 13:10

Nawo wono wawicilwa ho wasolwe mateka, awo wolosolwa mateka du, nawo wono wawicilwa ho wawulagwe ko mumaje, awo nawo wolowulagwa, ko mumaje du. Holeka yiwanojeye i wanhu wo Mulungu wawe no wukangalile wuwaha hamonga no wuhuwilo.”

Wugubule 2:13

Manyile kono wikaye. Agwe wikaye ku wikalo wuwaha wa Setani! Ninga hamba nha vivyo, wukali wibatiliye litagwa lyangu, hamba si wunakana u wihuwilo wako wa kuliʼne, sunga na mu vilo vya Antipa, muhomelezi wangu mwihuwilwa, lonoyawulajilwa i hanhu hono kekalaga Setani.

Wugubule 3:10

Vyono agwe wakamisa i lilajilizo lyangu lyo wukangalile, ale nha vivyo nane nokukamisa mwipango lyo wugaye lyono likuwaziza wa kononze wose, no kuwajela wono wekaye mononze wose.

Wugubule 3:8

Ninga manyile metumo gako gose! Langa ta, nakondya kuwudigula u mulango ha mwande yako, wono hasina munhu mono kosuma kuwudinda. Manyile vyono hamba wuwe wina vilungo vicefu, ninga hamba nha vivyo, wugebate ne mejizo gangu, wuyikamise ne nghani yangu, kanyhi hamba si walikana ne litagwa lyangu yaye.