Wugubule 13:10 - I CILAGANE CIPYA 1991

¹⁰ Nawo wono wawicilwa ho wasolwe mateka, awo wolosolwa mateka du, nawo wono wawicilwa ho wawulagwe ko mumaje, awo nawo wolowulagwa, ko mumaje du. Holeka yiwanojeye i wanhu wo Mulungu wawe no wukangalile wuwaha hamonga no wuhuwilo.”

Luganuzi Luswanu Kuli Wanhu Wose 2002

¹⁰ Nawo wono wawicilwa ho wasolwe mateka, awo wolosolwa mateka du, nawo wono wawicilwa ho wawulagwe ko mumaje, awo nawo wolowulagwa ko mumaje du. Holeka yiwanojeye i wanhu wo Mulungu, wawe no wukangalile wuwaha hamonga no wihuwilo.”

Wugubule 13:10 ပူးပေါင်းရင်းမြစ်များ

Matayo 26:52

Baho Yesu yakamulonjela yakutya, “Leka ta, wugomolaje u mumaje hanhu hayo, hambi muli wose mono yakwitumamila mumaje nha kolofwa nayo na mumaje.

Matayo 7:2

hambi nha mu nghango yono mukuwalingʼaniza wanji, ale nanye nha vyo molingʼanizwa nha vivyo, ne cipimo ci cilya du cono mukucitumamila kuli wanji, co cipimo cico du cono u Mulungu nayo kolomupimilenyi na nyenye.

Luka 21:19

Mu wukangalizi wenyu, moponya wumi wenyu.

Wakolosayi 1:11

U Mulungu yamupelenyi vilungo no wusume wakwe wo lukumyo, ho muwe na ngola muli vyose kanyhi hamonga no wukangalile.

Wahebelaniya 6:12

Mulece kuwa wadoba, langa muweze nha awalya wono wehuwiye na wono wena u wukangalizi, ho wazibocele zono u Mulungu yazihuwiza.

Wugubule 1:9

Ane yo nene Yohana u ndugu yenyu, na mu wilunza na Kilisito, nghuhanga hamonga nanye mu wukangalila magayo gono gakuwagana wose wono wali mu wutemi wakwe. Ane nawikwa mu cizingwa ca Patimo, ku soko yo kuyiganula nghani yo Mulungu ne mbeka ya Yesu.

Wugubule 11:18

Wanhu we makungugo wakakolwa ikuwo, vyono lidaha lye likuwo lyako lyakondya kuza, lyo kuwalingʼaniza i wafu. Naco co cipango co kuwapelela ligawo lyawo wetumami wako wawizi wanhu wako, na wose wono walikumyaga, litagwa lyako, wawaha ne wadodo. Kanyhi co cipango co kuwongomeza wono wakuyongomeza yinze.”

Wugubule 14:12

Na ku soko yiyo, wanhu wo Mulungu wono wakakamisa malajliizo go Mulungu no kumwihuwlia Yesu, yiwanojeye waweze no wukangalile.

Wugubule 16:6

Hambi nha wayimwaga sakami ye wanhu wako, sunga na ye wawizi, holeka nagwe kuwapela i sakami wayingʼwe, na mbeka vyo yiwanojeye!”

Wugubule 17:11

Ne lilimu lilyo lyono lyali lyumi ha mwamulizo, ninga alu si lyumi kanyhi, yo mutemi wo munana, ninga nayo yo yumonga na awalya i watemi wo mupunghati ninga nayo yakubita ku wajilile.

Wugubule 17:8

I lilimu lilyo lyono wuliwene lyono lyali lyumi hamwamulizo, ninga aluno lyakondya kufwa. Ninga hamba nha vivyo, lili behi lyonanuka kulawa kwikombo lyo wuninyina, ninga lyokongomezwa. Na wono wekaye kononze, wokwizina, heya, wanhu wose wono i matagwa gawo si gandikwa mu citabu co wumi ku wulawa mwamulizo weʼnze, wokwizina muno muno kolo wakuliwona i lilimu lilyo lyono ha mwamulizo lyali lyumi, hanyuma likafwa, na aluno likwijela kanyhi!

Wugubule 2:19

Nigamanyile i metumo gako gose. Kanyhi manyile no wendo wako, no wihuwilo wako, u witumami wako, hamonga no wukangalizi wako. Agwe aluno wukwituma viswanu muno si nha hamwamulizo.

Wugubule 2:2

Manyile i metumo gako gose, niwumanyile no wuhidimbazi wako, hamonga no wukangalizi wako wose. Kanyhi manyile nha vyono si wukusuma kuwakangalila wanhu wabi, kanyhi na vyono wakondya kuwamanya awalya wono wakwiyitya watumwa, nawo wo si wene, kumbe wakulonga wulambi.

Wugubule 3:10

Vyono agwe wakamisa i lilajilizo lyangu lyo wukangalile, ale nha vivyo nane nokukamisa mwipango lyo wugaye lyono likuwaziza wa kononze wose, no kuwajela wono wekaye mononze wose.

Wugubule 3:3

Ale wukumbucile azilya zono wejizwa, na vyono wazihulika, wukazikamisa, ale, wukawanizaje u wuhile wako wubi. Na hono wulece kwikala meso, ale nokuziza nhinicizo nho muhizi, hamba sikocimanya ne cipango cono nokuziza.