Wugubule 11:19 - I CILAGANE CIPYA 1991

¹⁹ I Nyumba yo Mulungu ku wulanga yikadigulwa, ne lisanduku lye cilagane cakwe likejela mumo mu wuhembelo wakwe. Hanyuma vikawa kuza limuli, ne lizi, mabalalusi, ne mafulo ge yisi, hamonga ne mvula mbaha ye mabwe.

Luganuzi Luswanu Kuli Wanhu Wose 2002

¹⁹ I Nyumba yo Mulungu ku wulanga yikadigulwa, ne lisanduku lye cilagane cakwe, likejela mumo mu wuhembelo wakwe. Hanyuma vikawa kuza limuli, ne lizi, mabalalusi, ne matulo ge yisi, hamonga ne mvula mbaha ye mabwe.

Wugubule 11:19 ပူးပေါင်းရင်းမြစ်များ

Wugubule 11:13

Na mwidaha lilyo likaza itulo yiwaha lyeʼsi, ne libimha lye likumi lye likaya likagwa. Ne wanhu elufu mupunghati wakawulagwa ku soko ye litulo lilyo lye yisi. Ne wanhu wono wasigala wakawa kogopa muno, wakamukumyo Mulungu wa ku wulanga.

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 12:1

Hanyuma cikejela citanjilo ciwaha ku wulanga. Baho hali hoyuli mucekulu mono yali yavwicigwe lizuwa, no mwezi wukawa wuli hasi ye magulu gakwe, no mukumbo we zinyelezi ikumi na nyejete zikawa mucanyha mu mutwe wakwe!

Wugubule 16:1

Hanyuma kanyhi nghahulika lizi yiwaha likulawa ku wuhembelo, lizi lilyo likuwalonjela wawalya wamalayika mupunghati, likutya, “Ale mubite mukagamwaje mu yinze gago mabakuli mupunghati ge likuwo lyo Mulungu.”

Wugubule 16:18

Hodu, kukawa na mamuli, mazozo, mabalalusi, ne litulo liwaha lyeʼsi, litulo lyeʼsi lyono likali si nejela hamba hadodo kuwulawa lono Mulungu yamuwumbilo munhu.

Wugubule 16:21

Ne mvula ye mabwe mawaha gono gali gena wuzito nha wa kilo makumi mahano limonga limonga, yikawatonyela wanhu. Nawo wanhu wakamutovula u Mulungu ku soko ye ligazo lye mvula yiyo ye mabwe. Ne ligazo lye mvula yiyo ye mabwe, lyali igazo yiwaha muno muno.

Wugubule 19:11

Nghawona wulanga wugubuce, na kuko kukawa na fwalasi yinji nzelu swe, na mono yali yapandile mucanyha yayo, yacemagwa “Mwihuwilwa,” ne “Mbeka.” Yuyo mwene kehomaga ku soko ye lingʼani.

Wugubule 4:1

Hanyuma ya zizi, nghalanga, nghawona mulango wono wuli mwazi ku wulanga. Ne lizi lililya lyono nalihulika hamwamulizo, lyono lyali nha mulilo wa ndulele, likatya, “Wunanuce ahano hono kacanyha, nane nokulajila zinghani zono zilejela hanyuma.”

Wugubule 4:5

I mamuli ne lizi hamonga ne madidimo mawaha, vyalawaga baho heʼgoda lyo wutemi. Sunga ne zitala mupunghati zo moto, nazo zakaga baho heʼgoda lyo wutemi. Ne zitala zizo, yo myuhe mupunghati yo Mulungu.

Wugubule 7:15

Holeka wukuwawona wali heʼgoda lyo wutemi lyo Mulungu. Nawo wamwitumamilaga u Mulungu mu wuhembelo wakwe, misi na cilo, nayo mono yekaye mwigoda lyo wutemi, nayo kokoma lihema lyakwe muli wene ho yawadime.

Wugubule 8:5

Hanyuma yuyo, yakasola cifusizo, yakacimemya moto wono yawusola mu wukumbicilo, yakacigumila kononze. Baho hakawa na mabalalusi, ne mazi, ne mamuli, sunga ne litulo lye yisi.

Wugubule 8:7

Malayika u mulongozi yakayitowe ndulele yakwe. Hobaho yikagwa kononze mvula ya mabwe, yono yali yihangahanjile no moto, hamonga ne sakami. Ne libimha lye kadatu lye yinze likatakamila, ne libimha lye kadatu lye mabici likatakamila, hamonga ne mahanze gose ge dedede gakatakamila.