Wugubule 11:15 - I CILAGANE CIPYA 1991

¹⁵ Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Luganuzi Luswanu Kuli Wanhu Wose 2002

¹⁵ Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 11:15 ပူးပေါင်းရင်းမြစ်များ

Matayo 24:31

Ne lizi yiwaha lye ndulele, lyolohulikwa, nayo kolowatuma i wamalayika wakwe, nawo wolowakonghola i wahagulwa wakwe ku wulawa ku zimbavu zose vyono yine ze yinze, kulawilila ku mudumo awu wo wulanga, sunga ko ku mudumo muyagwe.

Matayo 6:13

Wulece kucitegula mu wujelwe, Langa wuciponye na yulya u Mubi.’

Luka 1:33

nayo kotema mhuga ya Yakobo cibitilila, no wutemi wakwe si wulawa na ndumo.”

Luka 15:10

Ale, nghumutyenyi, vyo wosangalala wamalayika wo Mulungu, ku soko yo munhu monga munyo wubi mono yakunena.”

Luka 15:6

Nayo kolo yakuwuya kwakwe, yakuwacema wendece wakwe ne wayagwe, yakuwatya, ‘Cisangalalane nane, hambi nha niyiwona ngholo yangu yono yali yajiliye.’

Metumo ge Watumwa 4:26

Iwatemi we yinze wakewikaniza, Ne wawaha wakekonghola hamonga, Ho wamuleme Muwaha na Kilisito wakwe.’

Wahebelaniya 1:8

Ninga kuli zo Mwana, u Mulungu yakutya, “U wutemi wako agwe go Mulungu, Wikalaga cibitilila ne cibitilila Nagwe kuwadimaga i wanhu wako kwe lingʼani.

Wugubule 10:7

Langa mu cipango cono malayika wo mupunghati kololavizya lizi lyakwe, lono kolotowela ndulele yakwe, ale u Mulungu ho kolowukondeleza u wuhile wakwe we cinyele, nha vyono yali yawalonjela wetumami wakwe, wawizi.”

Wugubule 12:10

Hanyuma nghahulika lizi yiwaha likulawilila ku wulanga, likutya, “Alu mhonelo yono yikulawa kuli Mulungu, yakonya kuza! I vilungo no wutemi wo Mulungu wetu, wakondya kwijela. Na Kilisito wakwe kawulajila u wulajilize wakwe! Hambi ayulya mono kawasonjeza i wandugu zetu, mono yemile hali Mulungu, mono kawasonjezaga misi ne cilo, alu kagumilwa kononze.

Wugubule 15:4

Go Muwaha, alo naniʼmbi mono si yakogopile gwegwe? Hamba naniʼmbi mono si yakulikumya ilitagwa lyako? Agwe yo gwegwe mono welile du wuli wene. Ne makungugo gose gokuza kwako ho gakuhembe, hambi i metumo gako, nha gali lingʼani kanyhi gejeye ne wanhu wose.”

Wugubule 16:17

Hanyuma malayika wo mupunghati, nayo yakalijidile libakuli lyakwe mu mbeho. Ne lizi liwaha likahulikwa likulawa mwigoda lyo wutemi, mu wuhembelo, likutya, “Yakondya kuwa!”

Wugubule 17:14

Nawo wokwihoma na Mwana we ngholo, ningo Mwana we ngholo, hamonga na wawala wono yawacema kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 19:1

Hanyuma ya zizo, nghahulika cinhu, kotya lizi yiwaha lye mapuga ge wanhu wenji ku wulanga, likutya, “Muwaha yalumbwe! I mhono no lukumyo, ne vilungo, nha vyo Mulungu wetu!

Wugubule 19:6

Hanyuma kanyhi nghahulika lizi yiwaha lye lipuga yiwaha lye wanhu, na lye malenga menji, na lye mabalalusi mawaha, nalyo lizi lilyo likutya, “U Mulungu yalumbwe! Hambi u Muwaha u Mulungu wetu u Mudaha vyose nha yo Mutemi!

Wugubule 20:4

Nghawona magoda ge citemi hamonga ne wanhu wono wali wagekaliye. I wanhu wawo, wakapegwa vilungo vyo kulingʼaniza. Nghawona kanyhi nha vivilya izinhumbula za wono wadumulwa mitwe yawo ku soko ya kumuganula Yesu, na ku soko yo kuyiganula nghani yo Mulungu. Wawano wo wawo wono si walihemba lilimu lililya hamonga ne cihwani calyo, kanyhi hamba si wawicilwa citanjilo mu mahanda go wusu wawo, hamba mu miwoko yawo. Wakawumipa kanyhi, no kutema hamonga na Kilisito myaka elufu monga.

Wugubule 8:12

Malayika we kane nayo yakayitowe ndulele yakwe. Na hobaho libimha lye kadatu lye lizuwa, na lyo mwezi, na lye zinyelezi likatowa, sunga no wuzelu wayo, wukatukuwazwa libimha lye kadatu lyo wungʼalale wayo. Ne libimha lye kadatu lye misi likawa lisina wuzelu, sunga ne libimha lye kadatu lye cilo, nalyo nha vivyo.

Wugubule 9:1

Hanyuma malayika we hano nayo yakayitowe ndulele yakwe. Nane nghayiwona nyelezi yono yali yigwiye mono yisi, yilawiliye ku wulanga. Nayo nyelezi yiyo yikapegwa funguwo ye likombo lyo wuninyina.

Wugubule 9:13

Hanyuma nayo malayika wo mutandatu, yakayitowa ndulele yakwe. Nane nghalihulika yizi linji likulawilila mu zimbavu yine zo wukumbicilo we zahabu wono wali wuli hali Mulungu.